完整藏文原文 · 德格版页 当前仅加载第 59 函德格 302b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་གྱི་སྤྱོད་པ་དང་། །གཟུགས་དང་སྤྱོད་ལམ་དུས་རྣམས་ཀྱང་། །སྐད་ཅིག་གཅིག་ལ་རབ་ཏུ་སྟོན། །སྦྱིན་པའི་ཚོགས་ནི་མཐའ་ཡས་ཏེ། །བསོད་ནམས་རྟག་ཏུ་མི་ཟད་པ། །གལ་ཏེ་རོ་གཅིག་འགྱུར་ན་ནི། །ནམ་མཁའི་ཁམས་ཀྱང་གང་བར་འགྱུར། །དེ་དག་ཚུལ་ཁྲིམས་
D169.059.0302b01.01ཆེ་བ་ཉིད། །སངས་རྒྱས་ཚུལ་ཁྲིམས་འབྱུང་གནས་ཏེ། །དཔག་ཏུ་མེད་ཅིང་མཐའ་ཡང་མེད། །ནམ་མཁའ་ཡི་ནི་དབྱིངས་དང་འདྲ། །སེམས་ཅན་ཀུན་དང་ཉན་ཐོས་དང་། །རྒྱལ་བ་རེ་རེའི་ཚུལ་ཁྲིམས་ནི། །ཕྱིར་མི་ལྡོག་པའི་ཚུལ་ཁྲིམས་ཀྱི། །བཅུ་དྲུག་ཆ་ཡི་རིན་མི་ཆོག །
D169.059.0302b02.01དེ་དག་བཟོད་པ་མི་ཟད་དེ། །དེ་དག་སྐྱེ་བ་མེད་པས་བསྐྱེད། །བཟོད་པ་མི་ཟད་ཕུན་སུམ་ཚོགས། །ཕྱིར་མི་ལྡོག་པར་འགྱུར་བ་ཡིན། །དེ་དག་བརྩོན་འགྲུས་ཆེ་བ་ཉིད། །ཡང་དག་བརྩོན་པ་དཔག་ཏུ་མེད། །རྟུལ་བ་དཔག་ཏུ་མེད་པ་སྟེ། །སེམས་ཅན་ཐམས་ཅད་ཚིམ་པར་བྱེད། །བརྟེན་པ་
D169.059.0302b03.01རྟག་ཏུ་མཉམ་པར་བཞག །གཡེང་བ་མེད་ཅིང་ཤིན་ཏུ་བསྡམ། །བྱ་བ་རྣམས་ནི་ཀུན་སྟོན་ཀྱང་། །མཉམ་པར་བཞག་ལས་གཡོ་བ་མེད། །ཤེས་རབ་ཀྱིས་ནི་ཆགས་མེད་ཐོབ། །ལྟ་བའི་བག་ཆགས་རྣམ་པར་སྦྱང་། །སངས་རྒྱས་སྤྱོད་ཡུལ་རྫོགས་པར་ཐོབ། །ཕུན་སུམ་ཚོགས་
D169.059.0302b04.01པའི་ཞིང་ཡང་སྦྱངས། །སངས་རྒྱས་ཕྱག་རྒྱས་བཏབ་པ་དེ། །ཡེ་ཤེས་ཕ་རོལ་ཕྱིན་པ་ཐོབ། །ཐབས་ཆེན་དག་ཀྱང་ཤིན་ཏུ་བསླབ། །བྱང་ཆུབ་ཀྱི་ནི་སྤྱད་པ་སྤྱོད། །སེམས་ཅན་ཡོངས་སུ་སྨིན་བྱེད་པ། །དེ་དག་སྤྱོད་ཡུལ་མཐའ་ཡས་ཏེ། །སྤྱོད་པ་ཅི་འདྲ་བསམ་ཅི་འདྲ། །དེ་དག་སྤྱོད་པ་ཤེས་པ་མེད། །
D169.059.0302b05.01དགྲ་བཅོམ་དག་དང་རང་རྒྱལ་དང་། །བདུད་དང་མུ་སྟེགས་གཞན་ཀུན་གྱིས། །དེ་དག་སྤྱོད་ཡུལ་ཚད་མེད་པ། །ཤེས་པར་ནུས་པ་མ་ཡིན་ནོ། །དེ་དག་བསམ་གཏན་རྫུ་འཕྲུལ་དང་། །རྣམ་འཕྲུལ་འདུ་བྱེད་བཅས་པ་མིན། །དཔའ་བོ་ལྷུན་གྱིས་གྲུབ་པར་ནི། །བྱ་བ་དེ་དག་ཀུན་ལ་འཇུག །ཚེ་དང་འཇུག་
D169.059.0302b06.01དང་འཆི་འཕོ་དང་། །བྱང་ཆུབ་ཀྱི་ནི་སྙིང་པོ་དང་། །ཆོས་ཀྱི་འཁོར་ལོ་རབ་བསྐོར་དང་། །སངས་རྒྱས་ཀྱི་ནི་གཟུགས་ཀྱང་སྟོན། །སངས་རྒྱས་ཀུན་གྱི་སྤྱན་སྔ་ན། །ཞིང་རྣམས་ཀུན་ན་སྣང་བ་ནི། །ཉི་ཟླ་ལྟ་བུར་གསལ་བ་སྟེ། །དེ་དག་ནམ་མཁའ་མཚུངས་པར་ལྡན། །ཐེག་པ་མོས་པ་ཅི་བཞིན་པར། །མྱ་ངན་འདས་
D169.059.0302b07.01