完整藏文原文 · 德格版页 当前仅加载第 59 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
མདོ་སྡེ་ཐམས་ཅད་ལས་ངེས་པའི་དོན་གྱི་མདོ་སྡེ་ལ་རྟོན་པ་ནི་དོན་ཏོ། །སྲོག་དང་གང་ཟག་གི་སྒྲ་ལས་ཆོས་ཉིད་ལ་རྟོན་པ་ནི་དོན་ཏོ། །དོན་སོ་སོ་ཡང་དག་པར་རིག་པས་བསྟན་པ་མི་ཟད་པ་ནི་དོན་ཏོ། །ཆོས་སོ་སོ་ཡང་དག་པར་རིག་པས་ཆོས་ཀྱི་དབྱིངས་འདྲེས་པ་མེད་པ་
D169.059.0269b01.01ནི་དོན་ཏོ། །ངེས་པའི་ཚིག་སོ་སོ་ཡང་དག་པར་རིག་པས་ཕུང་པོ་མ་ལུས་པའི་ཡེ་ཤེས་ཀྱི་རྗེས་སུ་འཇུག་པ་ནི་དོན་ཏོ། །སྤོབས་པ་སོ་སོ་ཡང་དག་པར་རིག་པས་ཅི་རིགས་པར་ཆོས་སྟོན་པ་ནི་དོན་ཏོ། །སྦྱིན་པའི་ཚོགས་ཀྱིས་མི་ངོམས་པ་ནི་དོན་ཏོ། །ཚུལ་ཁྲིམས་ཀྱི་ཚོགས་ལས་
D169.059.0269b02.01སྨོན་ལམ་ཡོངས་སུ་རྫོགས་པར་བྱེད་པ་ནི་དོན་ཏོ། །ཐོས་པའི་ཚོགས་ལས་ནན་ཏན་སྙིང་པོར་བྱེད་པ་ནི་དོན་ཏོ། །བསོད་ནམས་ཀྱི་ཚོགས་ལས་མཚན་ཡོངས་སུ་རྫོགས་པར་བྱེད་པ་ནི་དོན་ཏོ། །ཡེ་ཤེས་ཀྱི་ཚོགས་ལས་སེམས་ཅན་ཐམས་ཅད་ཀྱི་དབང་པོ་མཆོག་དང་མཆོག་མ་
D169.059.0269b03.01ཡིན་པ་ཤེས་པ་ནི་དོན་ཏོ། །ཞི་གནས་ཀྱི་ཚོགས་ལས་སེམས་ལས་སུ་རུང་བ་ནི་དོན་ཏོ། །ལྷག་མཐོང་གི་ཚོགས་ལས་རིག་པ་དང་རྣམ་པར་གྲོལ་བ་ནི་དོན་ཏོ། །དྲན་པ་ཉེ་བར་གཞག་པ་རྣམས་ཀྱིས་དྲན་པ་ཉེ་བར་གནས་པ་ནི་དོན་ཏོ། །ཡང་དག་པར་སྤོང་བ་རྣམས་ཀྱིས་
D169.059.0269b04.01དགེ་བའི་ཆོས་ཐམས་ཅད་སྐྱེད་པ་ནི་དོན་ཏོ། །རྫུ་འཕྲུལ་གྱི་རྐང་པ་རྣམས་ཀྱིས་ཕྱོགས་བཅུར་བགྲོད་པ་ནི་དོན་ཏོ། །དབང་པོ་རྣམས་ཀྱིས་ཚིག་རབ་ཏུ་འབྱེད་པ་ནི་དོན་ཏོ། །སྟོབས་རྣམས་ཀྱིས་ཉོན་མོངས་པ་ཐམས་ཅད་འདུལ་བ་ནི་དོན་ཏོ། །བྱང་ཆུབ་ཀྱི་ཡན་ལག་རྣམས་ཀྱིས་ཆོས་
D169.059.0269b05.01ཐམས་ཅད་ཁོང་དུ་ཆུད་པ་ནི་དོན་ཏོ། །ལམ་གྱིས་ཆོས་ཐམས་ཅད་མི་འཁྲུགས་པ་ནི་དོན་ཏོ། །མངོན་པར་ཤེས་པ་རྣམས་ལས་ཤིན་ཏུ་ཉམས་པ་མེད་པ་ནི་དོན་ཏོ། །དེ་ལྟར་ན་གང་ཆོས་རྣམ་པ་འདི་ལྟ་བུ་ལས་དོན་རབ་ཏུ་མྱོང་བ་དེ་ནི་འདི་ལྟར་དོན་སྨྲ་བ་ཡིན་ཏེ། དོན་མ་ཡིན་པ་སྨྲ་བ་མ་ཡིན་ནོ། །
D169.059.0269b06.01དེ་ལྟར་ན་བྱང་ཆུབ་སེམས་དཔའ་དོན་སྨྲ་བ་ཡིན་ནོ། །བུ་མོ་གཞན་ཡང་དམིགས་པར་ལྟ་བ་ཐམས་ཅད་རབ་ཏུ་ཞི་བར་བྱ་བའི་ཕྱིར་སྟོང་པ་ཉིད་ཀྱི་དོན་ནི་དོན་ཏེ། བྱང་ཆུབ་སེམས་དཔའ་སྟོང་པ་ཉིད་དུ་སྨྲ་བ་ནི་དོན་སྨྲ་བ་ཡིན་ནོ། །རྟོག་པ་དང་རྣམ་པར་རྟོག་པ་ཐམས་ཅད་སྤང་བའི་ཕྱིར་མཚན་མ་མེད་པའི་
D169.059.0269b07.01