完整藏文原文 · 德格版页 当前仅加载第 46 函德格 198a 版页；藏文 NFD、目录标记与异常页序保留在来源切片中，重复版页行以稳定序号区分。
གང་འདོད་པ། །དེ་ནི་རིངས་པར་ལ་གོར་དུ། །ཆོས་མཉན་པ་ཡི་ཕྱིར་ཤོག་ཤིག །མི་དང་སངས་རྒྱས་འབྱུང་རྙེད་དཀའ། །དད་པ་འང་ཤིན་ཏུ་རྙེད་པར་དཀའ། །མི་ཁོམ་བརྒྱད་སྤངས་རྙེད་པར་དཀའ། །ཆོས་ཉན་པ་ནི་གཙོ་བོ་ཡིན། །སངས་རྒྱས་འབྱུང་དང་དལ་བ་དང་། །དད་དང་
D95.046.0198a01.01ཆོས་མཉན་དམ་པ་དང་། །དེ་དག་ཐམས་ཅད་ད་རྙེད་ཀྱིས། །བག་མེད་མ་ལུས་རྣམ་པར་སྤོངས། །གལ་ཏེ་བསྐལ་པ་ཁྲག་ཁྲིག་ཏུ། །ཆོས་ཐོས་མི་འགྱུར་སྲིད་པ་དེ། །ཁྱོད་ཀྱིས་དེ་རིང་རྙེད་ཟིན་གྱིས། བག་མེད་མ་ལུས་རྣམ་པར་སྤོངས། །འདྲེན་པ་བདུད་རྩིའི་འཁོར་ལོ་ནི། །སྐོར་བ་
D95.046.0198a02.01མཛད་ཀྱིས་ཀུན་མྱུར་ཤོག །ས་བླའི་ལྷ་ཚོགས་ཚངས་པའི་བར། །དེ་དག་རྣམས་ལ་དེ་སྐད་བསྐུལ། །སྒྲ་ཆེན་གྱིས་ནི་ལྷ་བསྐུལ་ནས། །སྐད་ཅིག་དེ་ལ་ཐམས་ཅད་ཀྱིས། །ལྷ་ཡི་འབྱོར་པ་བོར་ནས་ནི། །དེ་དག་སངས་རྒྱས་གན་དུ་ལྷགས། །དགེ་སློང་དག་དེ་ལྟར་ས་བླའི་ལྷ་རྣམས་ཀྱིས་
D95.046.0198a03.01གྲོང་ཁྱེར་བཱ་རཱ་ཎ་སཱིར་དྲང་སྲོང་ལྷུང་བ་{རི་དགས་,རི་དྭགས་}ཀྱི་ནགས་སུ་ཆོས་ཀྱི་འཁོར་ལོ་བསྐོར་བའི་ཕྱིར་དེ་བཞིན་གཤེགས་པའི་འཁོར་གྱི་ཁྱམས་ཆེན་པོ་བཀྲ་བ། བལྟ་ན་སྡུག་པ། ཡངས་པ་རྒྱ་ཆེ་བ། ཆུ་ཞེང་དུ་དཔག་ཚད་བདུན་བརྒྱ་ཡོད་པ་སྤྲུལ་ཏེ། ལྷ་རྣམས་ཀྱིས་སྟེང་གི་ནམ་མཁའི་དཀྱིལ་
D95.046.0198a04.01དུ་གདུགས་དང་། རྒྱལ་མཚན་དང་། བ་དན་དང་། བླ་རེས་ལེགས་པར་བརྒྱན་པར་གྱུར་ཏོ། །འདོད་པ་ན་སྤྱོད་པ་དང་། གཟུགས་ན་སྤྱོད་པའི་ལྷའི་བུ་རྣམས་ཀྱིས་སེང་གེའི་ཁྲི་བརྒྱད་ཁྲི་བཞི་སྟོང་དེ་བཞིན་གཤེགས་པ་ལ་ཕུལ་ཏེ། བདག་ཅག་ལ་ཐུགས་བརྩེ་བར་དགོངས་ཤིང་འདི་ལ་
D95.046.0198a05.01བཞུགས་ནས་དོ་མོད་བཅོམ་ལྡན་འདས་ཀྱིས་ཆོས་ཀྱི་འཁོར་ལོ་བསྐོར་དུ་གསོལ་ཞེས་གསོལ་ཏོ། །དགེ་སློང་དག་དེ་ནས་དེའི་ཚེ་ཤར་དང་། ལྷོ་དང་། ནུབ་དང་། བྱང་དང་། སྟེང་དང་། འོག་དང་། ཕྱོགས་བཅུ་ཀུན་ནས་བྱང་ཆུབ་སེམས་དཔའ་སྔོན་གྱི་སྨོན་ལམ་དང་ལྡན་པ་བྱེ་བ་ཕྲག་མང་པོ་ལྷགས་
D95.046.0198a06.01ཏེ། དེ་བཞིན་གཤེགས་པའི་ཞབས་ལ་གཏུགས་ནས། ཆོས་ཀྱི་འཁོར་ལོ་བསྐོར་བར་བསྐུལ་ཏོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་གང་དག་ཡོད་པའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དེ་དག་མ་ཡིན་པ་གཞན་དབང་ཆེ་བ། དབང་
D95.046.0198a07.01