完整藏文原文 · 德格版页 当前仅加载第 46 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པ། སྦྱིན་པ་ལེགས་པར་བྱིན་པ། སྔོན་སྦྱོར་བ་ལེགས་པར་བྱས་པ། ལྷག་པའི་བྱ་བ་ལེགས་པར་བྱས་པ། བདེན་པའི་རྒྱན་གྱིས་ལེགས་པར་བརྒྱན་པ། དགེ་བའི་རྩ་བ་ཐམས་ཅད་ཡོངས་སུ་བཙལ་བ། གོས་པར་བྱ་བ་བསྒོས་པ། དགེ་བའི་རྩ་བ་ངེས་པར་བྱས་པ།
D95.046.0007b01.01བསྐལ་པ་གྲངས་མེད་པ་བདུན་དུ་དགེ་བའི་རྩ་བ་ཐམས་ཅད་ཡང་དག་པར་བསྒྲུབས་པ། སྦྱིན་པ་རྣམ་པ་བདུན་བྱིན་པ། བསོད་ནམས་བྱ་བའི་དངོས་པོ་ལྔ་ཤིན་ཏུ་བསྟེན་པ། ལེགས་པར་སྤྱད་པ་ལུས་ཀྱི་རྣམ་གསུམ། ངག་གི་རྣམ་བཞི། ཡིད་ཀྱི་རྣམ་གསུམ་སྤྱད་པར་གྱུར་པ།
D95.046.0007b02.01དགེ་བ་བཅུའི་ལས་ཀྱི་ལམ་བསྟེན་པ་དང་ལྡན་པ། ཡང་དག་པའི་སྦྱོར་བ་ཡན་ལག་བཞི་བཅུ་དང་ལྡན་པ་བསྟེན་པར་གྱུར་པ། ཡང་དག་པའི་སྨོན་ལམ་ཡན་ལག་བཞི་བཅུ་དང་ལྡན་པའི་སྨོན་ལམ་བཏབ་པ། ལྷག་པའི་བསམ་པ་ཡན་ལག་བཞི་བཅུ་དང་ལྡན་པ་ལ་ཞུགས་པ། ཡང་དག་
D95.046.0007b03.01པའི་རྣམ་པར་ཐར་པ་ཡན་ལག་བཞི་བཅུ་དང་ལྡན་པ། ཡོངས་སུ་རྫོགས་པར་བྱས་པ། ཡང་དག་པའི་མོས་པ་ཡན་ལག་བཞི་བཅུ་དང་ལྡན་པ་དྲང་པོར་བྱས་པ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་བཞི་བཅུའི་རྗེས་སུ་རབ་ཏུ་བྱུང་བ། སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ལྔ་བཅུ་རྩ་ལྔ་
D95.046.0007b04.01ལ་སྦྱིན་པ་ཕུལ་བར་གྱུར་པ། རང་སངས་རྒྱས་བྱེ་བ་བརྒྱ་ཕྲག་ཕྱེད་དང་བཞི་ལ་ལྷག་པར་བྱ་བ་བྱས་པ། སེམས་ཅན་ཚད་མེད་གྲངས་མེད་པ་དག་མཐོ་རིས་དང་ཐར་པའི་ལམ་དུ་བཙུད་པར་གྱུར་པ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་
D95.046.0007b05.01བར་འདོད་པ། ཚེ་གཅིག་གིས་ཐོགས་པ། འདི་ནས་ཤི་འཕོས་ནས་དགའ་ལྡན་གྱི་གནས་དམ་པ་ན་གནས་པ་ལྷའི་བུ་དམ་པ་ཏོག་དཀར་པོ་ཞེས་བྱ་བ། ལྷའི་ཚོགས་རྣམས་ཀྱིས་འདི་ནི་འདི་ནས་ཤི་འཕོས་ནས་མིའི་འཇིག་རྟེན་དུ་སྐྱེས་ཏེ། རིང་པོ་མི་ཐོགས་པར་བླ་ན་མེད་པ་ཡང་
D95.046.0007b06.01དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ་ཞེས་དེར་ཤིན་ཏུ་མཆོད་པ། གཞལ་མེད་ཁང་གནས་སུམ་ཁྲི་ཉིས་སྟོང་ལ་རབ་ཏུ་གནས་པ། སྟེགས་བུ་དང་། བ་གམ་དང་། རྟ་བབས་དང་། སྐར་ཁུང་དང་། བསིལ་ཁང་དང་། ཁང་པ་བརྩེགས་པ་དང་། ཁྱམས་
D95.046.0007b07.01