完整藏文原文 · 德格版页 当前仅加载第 46 函德格 144a 版页；藏文 NFD、目录标记与异常页序保留在来源切片中，重复版页行以稳定序号区分。
དེས་བསྐུལ་བས་བྱང་ཆུབ་སེམས་དཔའ་བགྲང་བ་ལས་འདས་པ་དག་གིས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་ཀྱི་སྙིང་པོ་ག་ལ་བ་དང་། བྱང་ཆུབ་སེམས་དཔའ་ག་ལ་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ལ་མཆོད་པའི་ལས་ཀྱི་ཕྱིར་རིན་པོ་
D95.046.0144a01.01ཆེའི་དྲ་བ་གཅིག་གིས་ཐམས་ཅད་དང་ལྡན་པའི་འཁོར་གྱི་ཁྱམས་དེ་བཀབ་བོ། །དེ་ན་ཕྱོགས་བཅུའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དག་ཕན་ཚུན་དུ་འདི་སྐད་འཛེར་ཏེ། འོད་ཀྱི་བཀོད་པ་རྣམ་པ་འདི་ལྟ་བུ་འདི་སུའི་ཡིན་ཞེས་འཛེར་ཏོ། །དེ་ནས་རིན་པོ་ཆེའི་དྲ་བ་དེ་ལས་ཚིགས་
D95.046.0144a02.01སུ་བཅད་པ་འདི་བྱུང་ངོ་། །རིན་ཆེན་འབྱུང་གནས་འཇིག་རྟེན་གསུམ་དགའ་རིན་ཆེན་ཏོག །རིན་ཆེན་དམ་པ་རིན་ཆེན་གྲགས་པ་དེ་ཆོས་དགྱེས། །དཀོན་མཆོག་གསུམ་པོ་རྒྱུན་མི་འཆད་པའི་བརྩོན་འགྲུས་བརྙེས། །བྱང་ཆུབ་མཆོག་བརྙེས་འགྱུར་ཏེ་དེ་ཡི་མཆོད་པ་འདི། །དེ་ནས་བྱང་
D95.046.0144a03.01ཕྱོགས་ན་དེ་བཞིན་གཤེགས་པ་ཉི་ཟླ་ཟིལ་དུ་རླག་པར་བྱེད་པའི་འོད་དང་ལྡན་པའི་སངས་རྒྱས་ཀྱི་ཞིང་འཇིག་རྟེན་གྱི་ཁམས་ཉི་མ་འཁོར་བར་བྱང་ཆུབ་སེམས་དཔའ་སེམས་དཔའ་ཆེན་པོ་བཀོད་པའི་རྒྱལ་པོ་ཞེས་བྱ་བ་འོད་དེས་བསྐུལ་བས་བྱང་ཆུབ་སེམས་དཔའ་བགྲང་བ་ལས་འདས་པ་དག་
D95.046.0144a04.01གིས་ཡོངས་སུ་བསྐོར་ཅིང་མདུན་དུ་བདར་ཏེ། བྱང་ཆུབ་ཀྱི་སྙིང་པོ་ག་ལ་བ་དང་། བྱང་ཆུབ་སེམས་དཔའ་ག་ལ་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་ལ་མཆོད་པའི་ལས་ཀྱི་ཕྱིར་ཕྱོགས་བཅུའི་འཇིག་རྟེན་གྱི་ཁམས་ཐམས་ཅད་ཀྱི་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཇི་སྙེད་པ་དེ་སྙེད་འཁོར་
D95.046.0144a05.01གྱི་ཁྱམས་དེར་ཀུན་ཏུ་བསྟན་ཏོ། །དེ་ན་བྱང་ཆུབ་སེམས་དཔའ་ཁ་ཅིག་འདི་སྐད་འཛེར་ཏེ། བཀོད་པ་རྣམ་པ་འདི་ལྟ་བུ་འདི་སུའི་ཡིན་ཞེས་འཛེར་ཏོ། །དེ་ནས་བཀོད་པ་དེ་དག་ཐམས་ཅད་ལས་ཚིགས་སུ་བཅད་པ་འདི་བྱུང་ངོ་། །གང་གིས་བསོད་ནམས་ཡེ་ཤེས་ཤིན་ཏུ་མང་པོས་ལུས་ནི་རྣམ་
D95.046.0144a06.01སྦྱངས་ཤིང་། །གང་གིས་བརྟུལ་ཞུགས་དཀའ་ཐུབ་དག་དང་བདེན་པའི་ཆོས་ཀྱིས་ངག་སྦྱངས་ལ། །གང་གིས་ཁྲེལ་ཡོད་མོས་པ་བྱམས་དང་དེ་བཞིན་སྙིང་རྗེས་སེམས་སྦྱངས་པ། །དེ་ནི་ཤིང་རྒྱལ་དྲུང་གཤེགས་ཤཱཀྱ་ཁྱུ་མཆོག་དེ་ལ་མཆོད་པ་བྱེད། །དེ་ནས་ཤར་ལྷོའི་ཕྱོགས་མཚམས་
D95.046.0144a07.01