完整藏文原文 · 德格版页 当前仅加载第 46 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་འདྲེས་པའི་ནགས་ཚལ་མཛེས་པ་མཆོག །ལྷ་ཡི་འབྱུང་གནས་ལྷ་ཡི་ཕོ་བྲང་ན། །གསེར་མདོག་མེ་ཏོག་རྒྱས་པར་དགའ་འདོད་ན། །དྲི་མེད་གཟི་བརྗིད་མངའ་བའི་ཞབས་འབྲིང་གྱིས། །གང་གིས་སྣ་ཚོགས་ཤིང་རྟ་དེ་བཞིན་དུ། །དགའ་ཚལ་མེ་ཏོག་མན་དཱ་ར་
D95.046.0027a01.01འདབ་རྒྱས་སུ། །ལྷ་མོ་ལྷན་ཅིག་རྩེ་བར་འདོད་པ་དག །སྐྱེས་བུ་ཆེན་པོ་འདི་ཡི་ཞབས་འབྲིང་གྱིས། །འཐབ་བྲལ་བདག་པོའམ་དགའ་ལྡན་བདག་པོའམ། །ཡང་ན་དབང་ཕྱུག་འགྱུར་བར་འདོད་པ་དང་། །འགྲོ་བ་ཀུན་གྱིས་མཆོད་འོས་འདོད་པ་དག །གྲགས་པ་མཐའ་ཡས་འདི་ཡི་ཞབས་
D95.046.0027a02.01འབྲིང་གྱིས། །གང་ཞིག་འཕྲུལ་དགའི་ཁང་པ་མཛེས་པ་དང་། །དབང་སྒྱུར་ལྷ་ཡི་གནས་སུ་རྩེ་འདོད་ཅིང་། །ཡིད་ཀྱི་འཕྲུལ་གྱིས་ཐམས་ཅད་སྤྱོད་འདོད་པ། །ཡོན་ཏན་མཆོག་མངའ་འདི་ཡི་ཞབས་འབྲིང་གྱིས། །བདུད་ཀྱི་དབང་པོ་ཞེ་སྡང་ཡིད་མེད་པ། །རྫུ་འཕྲུལ་དབང་ཕྱུག་ཀུན་གྱི་མཐར་
D95.046.0027a03.01ཕྱིན་པའི། །འདོད་པའི་དབང་ཕྱུག་དབང་མཐར་ཕྱིན་འདོད་ན། །ཕན་པ་མཛད་པ་འདི་དང་ལྷན་ཅིག་དེང་། །དེ་བཞིན་འདོད་པའི་ཁམས་ལས་འདའ་བྱས་ཏེ། །ཚངས་པའི་གནས་སུ་གནས་པར་སུ་འདོད་པ། །དེ་ནི་ཚད་མེད་བཞི་ཡི་གཟི་མངའ་བ། །སྐྱེས་བུ་ཆེན་པོའི་ཞབས་འབྲིང་དེང་ནས་
D95.046.0027a04.01གྱིས། །འོན་ཏམ་གང་ཞིག་མི་ཡི་ནང་དག་ཏུ། །འཁོར་ལོས་སྒྱུར་ཡུལ་ཡངས་པར་སྐྱེ་འདོད་ན། །རིན་ཆེན་འབྱུང་གནས་མི་འཇིགས་བདེ་སྦྱིན་པ། །བསོད་ནམས་ཡངས་པ་མངའ་བའི་ཞབས་འབྲིང་གྱིས། །གང་ཞིག་ས་བདག་དེ་བཞིན་ཚོང་དཔོན་བུ། །ཕྱུག་ཅིང་སྐྱིད་ལ་ནོར་མང་ཚོགས་ཆེན་
D95.046.0027a05.01དང་། །དགྲ་ཡི་དཔུང་བཅོམ་འཁོར་དང་ལྡན་འདོད་པ། །དེ་ནི་ཕན་མཛད་འདི་དང་ལྷན་ཅིག་དེང་། །གཟུགས་དང་ལོངས་སྤྱོད་དེ་བཞིན་དབང་ཕྱུག་དང་། །སྙན་པ་གྲགས་དང་སྤོབས་དང་ཡོན་ཏན་དང་། །གཟུང་འོས་ཚིག་དང་མཉན་པའི་ཚིག་འདོད་པ། །དེ་ནི་ཚངས་དབྱངས་མཁས་པའི་གན་དུ་
D95.046.0027a06.01སོང་། །ལྷ་དང་མི་ཡི་འདོད་པ་གང་ཡིན་དང་། །སྲིད་པ་གསུམ་གྱི་བདེ་བ་ཐམས་ཅད་དང་། །བསམ་གཏན་བདེ་དང་དབེན་པའི་བདེ་འདོད་པ། །དེ་ནི་ཆོས་ཀྱི་དབང་ཕྱུག་ཞབས་འབྲིང་གྱིས། །འདོད་ཆགས་དང་ནི་ཞེ་སྡང་སྤོང་བ་དང་། །ཉོན་མོངས་མུན་པ་སེལ་བར་སུ་འདོད་ཅིང་། །ཞི་བ་རབ་
D95.046.0027a07.01