完整藏文原文 · 德格版页 当前仅加载第 46 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
བཅིངས་པ་ཐམས་ཅད་ཡང་དག་པར་ཆད་པ། ཉོན་མོངས་པ་ཐམས་ཅད་བསལ་བ། དྲི་མ་དང་ཉོན་མོངས་པ་སྦྱངས་པ། བདུད་ཕྱིར་རྒོལ་བ་བཅོམ་པ། སངས་རྒྱས་ཀྱི་ཆོས་ཐམས་ཅད་ཀྱི་ཚུལ་གྱི་རྗེས་སུ་ཞུགས་པ། ཐམས་ཅད་མཁྱེན་པ་ཐམས་ཅད་གཟིགས་པ། སྟོབས་བཅུ་
D95.046.0193a01.01དང་ལྡན་པ། མི་འཇིགས་པ་བཞི་བརྙེས་པ། སངས་རྒྱས་ཀྱི་ཆོས་མ་འདྲེས་པ་{བཅྭ་,བཅོ་}བརྒྱད་རབ་ཏུ་རྫོགས་པ། སྤྱན་ལྔ་དང་ལྡན་པ། སངས་རྒྱས་ཀྱི་སྤྱན་སྒྲིབ་པ་མི་མངའ་བས་འཇིག་རྟེན་ཐམས་ཅད་ལ་གཟིགས་ནས་འདི་སྙམ་དུ་དགོངས་ཏེ། ངས་ཐམས་ཅད་ཀྱི་ཐོག་མར་གང་ལ་ཡང་ཆོས་བསྟན་
D95.046.0193a02.01པར་བྱ། སེམས་ཅན་དག་པ། རྣམ་པ་བཟང་བ། གདུལ་སླ་བ། གོ་སླ་བ། སྦྱང་སླ་བ། འདོད་ཆགས་དང་། ཞེ་སྡང་དང་། གཏི་མུག་ཆུང་བ། རྣམ་པར་ཤེས་པ་ལྐོག་ཏུ་མ་གྱུར་པ། གང་ཆོས་མ་ཐོས་ན་ཡོངས་སུ་ཉམས་པར་འགྱུར་བ། གང་དག་ལ་བདག་གིས་ཐོག་མར་ཆོས་
D95.046.0193a03.01བསྟན་པར་བྱ། གང་ལ་ཆོས་འདི་བསྟན་ནས་ཀྱང་ཤེས་པར་འགྱུར་ཞིང་ཐོ་འཚམ་པར་མི་འགྱུར་བ་ནི་གང་ཡིན་སྙམ་མོ། །དགེ་སློང་དག་དེ་ནས་དེ་བཞིན་གཤེགས་པ་འདི་སྙམ་དུ་དགོངས་ཏེ། རངས་བྱེད་ཀྱི་བུ་ལྷག་སྤྱོད་ནི་དག་པ། རྣམ་པ་བཟང་བ། གདུལ་སླ་བ། གོ་སླ་བ། སྦྱང་སླ་བ།
D95.046.0193a04.01འདོད་ཆགས་དང་ཞེ་སྡང་དང་གཏི་མུག་ཆུང་བ། རྣམ་པར་ཤེས་པ་ལྐོག་ཏུ་མ་གྱུར་པ་སྟེ། དེ་ཆོས་མ་ཐོས་ན་ཡོངས་སུ་ཉམས་པར་འགྱུར་བའོ། །དེ་ནི་ཉན་ཐོས་རྣམས་ལ་འདུ་ཤེས་མེད་འདུ་ཤེས་མེད་མིན་སྐྱེ་མཆེད་ཀྱི་བརྟུལ་ཞུགས་དང་འཐུན་པར་ཆོས་སྟོན་པ་ཡིན་ན། དེ་ད་ལྟར་ག་ལ་
D95.046.0193a05.01འདུག་སྙམ་དགོངས་པ་དང་། དེ་འཆི་བའི་དུས་བྱས་ནས་དེང་དུ་ཞག་བདུན་ལོན་པར་མཁྱེན་ཏོ། །ལྷ་རྣམས་ཀྱིས་དེ་བཞིན་གཤེགས་པའི་ཞབས་ལ་གཏུགས་ཏེ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་དེ་ལྟ་ལགས་སོ། །བདེ་བར་གཤེགས་པ་དེ་དེ་ལྟ་ལགས་ཏེ། རངས་བྱེད་
D95.046.0193a06.01ཀྱི་བུ་ལྷག་སྤྱོད་གུམ་ནས་དེང་དུ་དགུང་བདུན་ལགས་སོ། །དགེ་སློང་དག་ངས་འདི་སྙམ་དུ་བསམས་ཏེ། ཨེ་མ་རངས་བྱེད་ཀྱི་བུ་ལྷག་སྤྱོད་དེ་ཆོས་ཤིན་ཏུ་བཟང་པོ་འདི་ལྟ་བུ་འདི་མ་ཐོས་པར་ཤི་བའི་དུས་བྱས་པ་ནི་ཆེར་ཉམས་སོ། །གལ་ཏེ་དེས་ཆོས་འདི་ཐོས་ན་ཤེས་པར་འགྱུར་ཏེ། དེ་ལ་
D95.046.0193a07.01