完整藏文原文 · 德格版页 当前仅加载第 46 函德格 6b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པ། བྱང་ཆུབ་ཀྱི་སེམས་ཀྱི་རྩ་བ་ལས་སྙིང་རྗེ་ཆེན་པོའི་ཆུ་བ་ལྷག་པའི་བསམ་པས་སྐྱེས་པ་ཟབ་ཅིང་བརྟན་པ་དང་། བརྩོན་འགྲུས་ཀྱི་ཆོས་ཀྱི་ཆུས་མངོན་པར་བརླན་པ། ཐབས་མཁས་པའི་སྙིང་པོ་དང་ལྡན་པ། བྱང་ཆུབ་ཀྱི་ཡན་ལག་དང་། བསམ་གཏན་གྱི་ཟེ་བ་ཅན། ཏིང་ངེ་འཛིན་
D95.046.0006b01.01གྱི་ཟེ་འབྲུ་དང་ལྡན་པ། ཡོན་ཏན་གྱི་ཚོགས་རྒྱ་ཆེན་པོའི་མཚོ་ལས་སྐྱེས་པ། ང་རྒྱལ་དང་དྲེགས་པའི་གདུང་བ་མེད་པའི་ཟླ་བས་དྲི་མ་མེད་པའི་འདབ་མ་རྒྱས་པ། ཚུལ་ཁྲིམས་དང་། ཐོས་པ་དང་། བག་ཡོད་པའི་བསུང་གི་ངད་ཕྱོགས་བཅུར་ཐོགས་པ་མེད་པར་ལྡང་བ། འཇིག་རྟེན་ན་
D95.046.0006b02.01ཤེས་པའི་ཐུ་བོར་གྱུར་པ། འཇིག་རྟེན་གྱི་ཆོས་བརྒྱད་ཀྱིས་མ་གོས་པ། སྐྱེས་བུ་ཆེན་པོའི་པད་མ། བསོད་ནམས་དང་ཡེ་ཤེས་ཀྱི་ཚོགས་ཀྱི་དྲི་ཞིམ་པོ་འབྱུང་བ། ཤེས་རབ་དང་ཡེ་ཤེས་ཀྱི་ཉི་མའི་འོད་ཟེར་གྱིས་མིག་ཤིན་ཏུ་རྣམ་པར་དག་པའི་པད་མ་འདབ་མ་བརྒྱ་པ་རྒྱས་པ། རྫུ་
D95.046.0006b03.01འཕྲུལ་གྱི་རྐང་པ་བཞི་མཆོག་ཏུ་མགྱོགས་པའི་ཤུགས་དང་ལྡན་པ། འཕགས་པའི་བདེན་པ་བཞིའི་སྡེར་མོ་དང་མཆེ་བ་ཤིན་ཏུ་རྣོ་བ། ཚངས་པའི་གནས་པ་བཞིའི་སོ་དྲང་བསྙེར་བ། བསྡུ་བའི་དངོས་པོ་བཞིས་ཤིན་ཏུ་བསྡུས་པའི་མགོ་དང་ལྡན་པ། རྟེན་ཅིང་འབྲེལ་པར་འབྱུང་བ་ཡན་
D95.046.0006b04.01ལག་བཅུ་གཉིས་ཁོང་དུ་ཆུད་པས་རིམ་གྱིས་འཕགས་པའི་ལུས་དང་ལྡན་པ། བྱང་ཆུབ་ཀྱི་ཕྱོགས་ཀྱི་ཆོས་སུམ་ཅུ་རྩ་བདུན་ཡང་དག་པར་ཡོངས་སུ་རྫོགས་པས་རལ་པ་ཅན་དུ་བྱས་ཤིང་། རིག་པ་དང་། ཡེ་ཤེས་ཀྱི་ཟེ་བ་ཅན། རྣམ་པར་ཐར་པའི་སྒོ་གསུམ་གྱི་ཁ་
D95.046.0006b05.01གདངས་པ། ཞི་གནས་དང་ལྷག་མཐོང་ཤིན་ཏུ་རྣམ་པར་དག་པའི་མིག་དང་ལྡན་པ། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པའི་རི་སུལ་གྱི་ཕུག་ན་གནས་པ། སྤྱོད་ལམ་བཞི་དང་། འདུལ་བའི་ནགས་ཚལ་དང་། ནགས་འདབ་ནས་
D95.046.0006b06.01སྐྱེས་པའི་ལུས་དང་ལྡན་པ། སྟོབས་བཅུ་དང་། མི་འཇིགས་པ་བཞི་དང་། ཉེ་བའི་སྟོབས་དང་ལྡན་པ། སྐྱེ་བ་དང་འཇིག་པའི་འཇིགས་པ་དང་སྤུ་གཡོ་བ་མེད་པ། རྩལ་ལ་ཞུམ་པ་མེད་པ། མུ་སྟེགས་ཅན་གྱི་བོང་བུ་དང་{རི་དགས་,རི་དྭགས་}མང་པོའི་ཚོགས་རབ་ཏུ་འཇོམས་པ། བདག་
D95.046.0006b07.01