完整藏文原文 · 德格版页 当前仅加载第 46 函德格 163a 版页；藏文 NFD、目录标记与异常页序保留在来源切片中，重复版页行以稳定序号区分。
འཕང་མཆོག་དེ་མ་ཐོབ་མིར་གྱུར་ཁྱོད་ཅི་སྨོས། །བྱང་ཆུབ་སེམས་དཔས་སྨྲས་པ། ཁྲོ་བའི་ཟིལ་ནོན་བློ་དང་ལྷ་ཡུལ་འདོད་པ་དང་། །བདག་ལ་རྟག་དང་མི་རྟག་སྙམ་དུ་གནས་པ་དང་། །ཡུལ་དུ་འགྲོ་བས་གནས་པ་ཐར་སྙམ་གནས་པ་ཡི། །དྲང་སྲོང་མི་ཤེས་སྔོན་དུ་འགྲོ་བས་དཀའ་
D95.046.0163a01.01ཐུབ་སྤྱད། །དེ་དག་ཡང་དག་དོན་དང་བྲལ་ཞིང་སྐྱེས་བུ་སྨྲ། །ཁྱབ་དང་ཕྱོགས་གཅིག་ཆེས་དང་ཁ་ཅིག་རྟག་ཅེས་སྨྲ། །ལུས་ཅན་ལུས་མིན་ཡོན་ཏན་མིན་དང་ཡོན་ཏན་ཅན། །བྱེད་པ་པོ་དང་བྱེད་པོ་མིན་ཞེས་གཞན་དག་འཛེར། །སྟན་འདིར་འདུག་སྟེ་ང་རྒྱལ་བཅོམ་པས་སྡེ་དཔུང་བཅས། །ཁྱོད་ཕམ་བྱས་ཏེ་
D95.046.0163a02.01བྱང་ཆུབ་རྡུལ་མེད་དེང་ཐོབ་ནས། །འགྲོ་བ་འདི་ལ་འབྱུང་དང་བྱུང་དང་མྱ་ངན་འདས། །སྡུག་བསྔལ་ཞི་བ་བསིལ་བའི་དངོས་པོ་བསྟན་པར་བྱ། །བདུད་ནི་ཁྲོས་ཤིང་འཁྲུགས་ཏེ་ཚིག་པ་ཟོས་ནས་མདུན་དུ་རྩུབ་པའི་ཚིག་ཏུ་སྨྲས་པ་དགེ་སྦྱོང་འདི་ཟུང་ཤིག །གཅིག་པུ་དགོན་པར་བོར་བར་གྱུར་པ་འདི་ནི་ང་ཡི་མདུན་ནས་
D95.046.0163a03.01ཟུང་ལ་སོང་སྟེ་མྱུར་དུ་དབང་དུ་གྱིས། །ང་ཡི་ཁྱིམ་དུ་མྱུར་དུ་སོང་ལ་ཤིང་སྒྲོག་དང་ནི་ལྕགས་སྒྲོག་ཕྲུགས་སུ་ཆུག་སྟེ་སྒོ་བ་བྱེད་དུ་ཆུག །སྡུག་བསྔལ་ཉེན་ནས་ཀུ་ཅོ་རྣམ་པ་མང་པོ་འདོན་ཅིང་ལྷ་ཡི་ཁོལ་པོ་ཡིན་པར་བདག་གིས་བདག་མཐོང་བྱོས། །བྱང་ཆུབ་སེམས་དཔས་སྨྲས་པ། ནམ་མཁའ་ལ་ནི་རི་མོ་
D95.046.0163a04.01རྣམ་པ་སྣ་ཚོགས་ཆ་ཆ་རིས་རིས་ཕྱེ་སྟེ་སོ་སོར་བྲི་བར་ནུས་ཀྱང་སྲིད། །ཕྱོགས་དང་ཕྱོགས་མཚམས་འགྲོ་བའི་ཤུགས་ཅན་རླུང་ནི་མི་ཡིས་རབ་ཏུ་བསྒྲིམས་ཏེ་ཞགས་པས་བཅིང་དུ་ནུས་ཀྱང་སྲིད། །ཉི་མ་ཟླ་བ་མུན་པ་རབ་རིབ་མེད་བྱེད་མཁའ་ལས་ས་ལ་ལྟུང་བར་བྱེད་པ་ནུས་སྲིད་ཀྱི། །ཁྱོད་དང་འདྲ་བ་རབ་ཏུ་མང་
D95.046.0163a05.01པོ་བགྲང་ལས་འདས་པ་དག་གིས་ཤིང་དྲུང་ནས་ནི་ང་བསྐྱོད་ནུས་མི་འགྱུར། །བདུད་དཔུང་སྟོབས་དང་ལྡན་པ་ལངས་ཏེ་ཧ་ཞེས་ཟེར། །དུང་དང་རྔ་དང་རྫ་རྔ་མཆོག་གི་སྒྲ་འབྱིན་ལངས། །བདུད་དཔུང་ཤིན་ཏུ་འཇིགས་པ་འདི་དག་མཐོང་ནས་ནི། །ཀྱི་ཧུད་བུ་སྡུག་ཁྱོད་ཅིས་མ་རུང་གྱུར་ཅེས་ཟེར། །འཛམ་
D95.046.0163a06.01ཀླུང་གསེར་དང་ཙམ་པའི་སྙིང་པོ་འདྲ་བར་སེར། །ཤིན་ཏུ་གཞོན་ནུ་ལྷ་མིས་བསྟོད་ཅིང་མཆོད་པའི་འོས། །ཁྱོད་དེང་གཡུལ་ངོ་ཆེན་པོར་རབ་ཏུ་བརླག་འགྱུར་ཏེ། །དབང་པོས་ལྷ་མིན་ལྟ་བུར་བདུད་ཀྱི་དབང་དུ་འགྱུར། །ཚངས་པའི་དབྱངས་དང་ཀ་ལ་པིང་ཀའི་སྒྲ་སྐད་ཀྱིས། །བདེ་བར་གཤེགས་པས་གནོད་
D95.046.0163a07.01