完整藏文原文 · 德格版页 当前仅加载第 46 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་དེ་ལྟར་བྱང་ཆུབ་སེམས་དཔའ་བཙས་ནས་མའི་གློ་གཡས་པ་ཡང་མ་རལ་མ་ཉམས་ཤིང་སྔོན་བཞིན་དུ་གྱུར་ཏོ། །དེར་ཁྲོན་པ་ལན་གསུམ་ལྡུད་པ་དག་ཀྱང་བྱུང་བར་གྱུར། སྤོས་ཀྱི་འབྲུ་མར་གྱི་རྫིང་བུ་དག་ཀྱང་བྱུང་བར་གྱུར་ཏོ། །དེ་ནས་ལྷའི་བུ་མོ་ལྔ་སྟོང་དག་ལྷའི་
D95.046.0052a01.01སྤོས་ཀྱིས་བསྒོས་པའི་འབྲུ་མར་དྲི་ཞིམ་པོ་ཁྱེར་ཏེ་བྱང་ཆུབ་སེམས་དཔའི་མའི་དྲུང་དུ་ལྷག་ནས། བལྟམས་པ་ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ། ཞེས་འདྲི་བར་གྱུར་ཏོ། །ལྷའི་བུ་མོ་ལྔ་སྟོང་དག་ཀྱང་ལྷའི་བྱུག་པ་དང་། རྣམ་པར་བྱུག་པ་ཐོགས་ཏེ། བྱང་
D95.046.0052a02.01ཆུབ་སེམས་དཔའི་མའི་དྲུང་དུ་ལྷགས་ནས་བལྟམ་པ་ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ། ཞེས་འདྲི་བར་གྱུར་ཏོ། །ལྷའི་བུ་མོ་ལྔ་སྟོང་དག་ཀྱང་ལྷའི་སྤོས་ཆུས་བཀང་བའི་བུམ་པ་ཐོགས་ཏེ། བྱང་ཆུབ་སེམས་དཔའི་མའི་དྲུང་དུ་ལྷགས་ནས་བལྟམ་པ་
D95.046.0052a03.01ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ་ཞེས་འདྲི་བར་གྱུར་ཏོ། །ལྷའི་བུ་མོ་ལྔ་སྟོང་དག་ཀྱང་ལྷའི་བྱིས་པའི་གོས་ཐོགས་ཏེ་བྱང་ཆུབ་སེམས་དཔའི་མའི་དྲུང་དུ་ལྷགས་ནས་བལྟམ་པ་ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ་ཞེས་འདྲི་བར་གྱུར་
D95.046.0052a04.01ཏོ། །ལྷའི་བུ་མོ་ལྔ་སྟོང་དག་ཀྱང་ལྷའི་བྱིས་པའི་རྒྱན་ཐོགས་ཏེ། བྱང་ཆུབ་སེམས་དཔའི་མའི་དྲུང་དུ་ལྷགས་ནས་བལྟམ་པ་ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ་ཞེས་འདྲི་བར་གྱུར་ཏོ། །ལྷའི་བུ་མོ་ལྔ་སྟོང་དག་ཀྱང་གླུ་དབྱངས་ལེན་ཅིང་བྱང་ཆུབ་སེམས་དཔའི་
D95.046.0052a05.01མའི་དྲུང་དུ་ལྷགས་ཏེ་བལྟམ་པ་ལེགས་པར་བལྟམ་མམ། སྐུ་ལ་མི་བདེ་བ་མ་མཆིས་སམ་ཞེས་འདྲི་བར་གྱུར་ཏོ། །འཛམ་བུའི་གླིང་འདི་ན་ཕྱི་རོལ་གྱི་དྲང་སྲོང་མངོན་པར་ཤེས་པ་ལྔ་དང་ལྡན་པ་ཇི་སྙེད་ཅིག་འཁོད་པ་དེ་དག་ཐམས་ཅད་ནམ་མཁའ་ལས་འོངས་ཏེ། རྒྱལ་པོ་ཟས་
D95.046.0052a06.01གཙང་མའི་མདུན་དུ་འཁོད་ནས། རྒྱལ་པོ་འཕེལ་བར་གྱུར་ཅིག་ཅེས་བྱ་བའི་སྒྲ་སྒྲོག་པར་གྱུར་ཏོ། །དགེ་སློང་དག་དེ་ལྟར་བྱང་ཆུབ་སེམས་དཔའ་བཙས་ནས་ཞག་བདུན་དུ་ལུམ་བི་ནིའི་ནགས་ཚལ་དུ་ལྷ་དང་མིའི་སིལ་སྙན་དང་། ཕེག་རྡོབ་པས་རིམ་གྲོར་བྱས་སོ། །བཀུར་སྟིར་
D95.046.0052a07.01