完整藏文原文 · 德格版页 当前仅加载第 46 函德格 180b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་བཞིན་གཤེགས་པ་ཤར་གྱི་རྒྱ་མཚོ་ནས་ནུབ་ཀྱི་རྒྱ་མཚོའི་བར་དུ་མི་རིང་བའི་འཆགས་པས་འཆག་གོ།། །།འཕགས་པ་རྒྱ་ཆེར་རོལ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་བཅུ་དྲུག་པ། དེ་ནས་བདུད་སྡིག་ཅན་དེ་བཞིན་གཤེགས་པ་ག་ལ་
D95.046.0180b01.01བ་དེར་སོང་སྟེ་ཕྱིན་ནས། དེ་བཞིན་གཤེགས་པ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ད་ཡོངས་སུ་མྱ་ངན་ལས་འདའ་བའི་དུས་ལ་བབ་ལགས་ཀྱིས། །བཅོམ་ལྡན་འདས་ཡོངས་སུ་མྱ་ངན་ལས་འདའ་བར་གསོལ། །བདེ་བར་གཤེགས་པ་ཡོངས་སུ་མྱ་ངན་ལས་
D95.046.0180b02.01འདའ་བར་གསོལ། །དགེ་སློང་དག་དེ་སྐད་ཅེས་གསོལ་པ་དང་། དེ་བཞིན་གཤེགས་པས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ངའི་དགེ་སློང་གནས་བརྟན་གནས་བརྟན། དུལ་བ། གསལ་བ། བྱང་བ། བག་ཚ་བ་མེད་པ། མང་དུ་ཐོས་པ། ཆོས་ཀྱི་རྗེས་སུ་
D95.046.0180b03.01འཐུན་པའི་ཆོས་ལ་ཞུགས་པ། བདག་ཉིད་སློབ་དཔོན་དུ་སྒྲོགས་པ་དང་། ཕས་ཀྱི་རྒོལ་བ་བྱུང་བ་རྣམས་ཆོས་དང་འཐུན་པས་ཚར་བཅད་དེ་དད་པར་བྱས་ནས་ཆོ་འཕྲུལ་དང་བཅས་པའི་ཆོས་སྟོན་པར་ནུས་པ་དག་མ་བྱུང་གི་བར་དེ་སྲིད་དུ་ང་ཡོངས་སུ་མྱ་ངན་ལས་མི་འདའོ། །སྡིག་ཅན་
D95.046.0180b04.01ངས་འཇིག་རྟེན་དུ་སངས་རྒྱས་དང་། ཆོས་དང་། དགེ་འདུན་གྱི་སྒྲ་བཞག་པར་མ་གྱུར་པ་དང་། བྱང་ཆུབ་སེམས་དཔའ་དཔག་ཏུ་མེད་པ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པར་མ་གྱུར་གྱི་བར་དེ་སྲིད་དུ་ང་ཡོངས་སུ་མྱ་ངན་ལས་མི་འདའོ། །སྡིག་ཅན་ངའི་
D95.046.0180b05.01འཁོར་བཞི་པོ་དུལ་བ། གསལ་བ། བྱང་བ། བག་ཚ་བ་མེད་པ་ནས་ཆོ་འཕྲུལ་དང་བཅས་པའི་ཆོས་སྟོན་པའི་བར་དུ་ནུས་པ་དག་བྱུང་བ་མ་གྱུར་གྱི་བར་དེ་སྲིད་དུ་ང་ཡོངས་སུ་མྱ་ངན་ལས་མི་འདའོ། །དེ་ནས་བདུད་སྡིག་ཅན་གྱིས་ཚིག་དེ་སྐད་ཐོས་ནས་སྡུག་བསྔལ་ཞིང་ཡིད་མི་བདེ་སྟེ། ཕྱོགས་
D95.046.0180b06.01གཅིག་ཏུ་སོང་ནས་འདུག་སྟེ་མགོ་སྨད་ནས་མདས་ས་ལ་རི་མོ་འདྲི་ཞིང་བདག་གི་ཡུལ་ལས་འདས་སོ་སྙམ་དུ་སེམས་པར་གྱུར་ཏོ། །དེ་ནས་བདུད་ཀྱི་བུ་མོ་དགའ་མ་དང་། མི་དགའ་མ་དང་། སྲེད་མ་གསུམ་གྱིས་བདུད་སྡིག་ཅན་ལ་ཚིགས་སུ་བཅད་དེ་སྨྲས་པ། ཡབ་ཅིག་ཇི་ལྟར་ཐུགས་
D95.046.0180b07.01