完整藏文原文 · 德格版页 当前仅加载第 46 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
སྟོབས་ཕྲག་བརྒྱ་ན་ངོགས་འཐོབ་ཅེས་བྱའོ། །ངོགས་འཐོབ་ཕྲག་བརྒྱ་ན་རྣམ་པར་གཞག་པ་གདགས་པ་ཞེས་བྱའོ། །རྣམ་པར་གཞག་པ་གདགས་པ་ཕྲག་བརྒྱ་ན་རྒྱུ་རིག་ཅེས་བྱའོ། །རྒྱུ་རིག་ཕྲག་བརྒྱ་ན་ལག་སྦྱིན་ཞེས་བྱའོ། །ལག་སྦྱིན་ཕྲག་བརྒྱ་ན་རྒྱུ་དབང་ཞེས་བྱའོ། །རྒྱུ་དབང་ཕྲག་བརྒྱ་ན་
D95.046.0076b01.01རྫོགས་ཐོབ་ཅེས་བྱའོ། །རྫོགས་ཐོབ་ཕྲག་བརྒྱ་ན་བགྲང་རྟོགས་ཞེས་བྱའོ། །བགྲང་རྟོགས་ཕྲག་བརྒྱ་ན་སྒྲིབ་པ་ཞེས་བྱའོ། །སྒྲིབ་པ་ཕྲག་བརྒྱ་ན་སྟོབས་ཞེས་བྱའོ། །སྟོབས་ཕྲག་བརྒྱ་ན་ཀུན་སྟོབས་ཞེས་བྱའོ། །ཀུན་སྟོབས་ཕྲག་བརྒྱ་ན་རྣམ་པར་བརྡ་ཤེས་ལྡན་ཞེས་བྱའོ། །རྣམ་པར་
D95.046.0076b02.01བརྡ་ཤེས་ལྡན་ཕྲག་བརྒྱ་ན་བརྡ་ཤེས་ཀུན་ཞེས་བྱའོ། །བརྡ་ཤེས་ཀུན་ཕྲག་བརྒྱ་ན་རྣམ་འབྱུང་ཞེས་བྱའོ། །རྣམ་འབྱུང་ཕྲག་བརྒྱ་ན་དེའི་མཚན་ཉིད་ཅེས་བྱ་སྟེ། འདི་ལྟར་དེའི་མཚན་ཉིད་ཅེས་བྱ་བའི་རྩིས་ཀྱིས་ནི་རིའི་རྒྱལ་པོ་རི་རབ་བརྩི་བའི་གཞིར་བྱས་ཀྱང་ཆོད་པར་རུང་ངོ་། །དེ་ཡི་ཡང་གོང་ན་
D95.046.0076b03.01རྒྱལ་མཚན་གྱི་རྩེ་མོའི་ནོར་བུ་ཞེས་བྱ་བའི་གྲངས་ཡོད་དེ། གྲངས་དེས་ནི་གང་གཱའི་ཀླུང་གི་བྱེ་མ་སྙེད་བརྩི་བའི་གཞིར་བྱས་ཀྱང་ཆོད་པར་རུང་ངོ་། །དེའི་ཡང་གོང་ན་རྒྱལ་མཚན་གྱི་རྩེ་མོ་ངེས་པར་སྒྲོགས་པ་ཞེས་བྱ་བའི་གྲངས་ཡོད་དོ། །དེའི་ཡང་གོང་ན་དེད་འདྲེན་གདགས་པ་ཞེས་བྱ་བའི་གྲངས་
D95.046.0076b04.01ཡོད་དོ། །དེའི་ཡང་གོང་ན་གཏན་ལ་འབེབས་པ་ཞེས་བྱ་བའི་གྲངས་ཡོད་དོ། །དེའི་ཡང་གོང་ན་གཅོད་རྟོགས་ཞེས་བྱ་བའི་གྲངས་ཡོད་དོ། །དེའི་ཡང་གོང་ན་གཅོད་རྟོགས་ལྡན་ཞེས་བྱ་བའི་གྲངས་ཡོད་དོ། །དེའི་ཡང་གོང་ན་ཐམས་ཅད་རྣམ་པར་འབྱེས་པ་ཞེས་བྱ་བའི་གྲངས་ཡོད་དེ། གྲངས་
D95.046.0076b05.01དེས་ནི་གང་གཱའི་ཀླུང་བཅུའི་བྱེ་མ་བརྩི་བའི་གཞིར་བྱས་ཀྱང་ཆོད་པར་རུང་ངོ་། །དེའི་ཡང་གོང་ན་སྙིང་པོ་མཆོག་ཅེས་བྱ་བའི་གྲངས་ཡོད་དེ། གྲངས་དེས་ནི་གང་གཱའི་ཀླུང་བྱེ་བ་ཕྲག་བརྒྱའི་བྱེ་མ་དང་མཉམ་པ་བརྩི་བའི་གཞིར་བྱས་ཀྱང་ཆོད་པར་རུང་ངོ་། །དེའི་ཡང་གོང་ན་རྡུལ་ཕྲ་རབ་ལ་འཇུག་པའི་
D95.046.0076b06.01རྗེས་སུ་སོང་བ་ཞེས་བྱ་བའི་གྲངས་ཡོད་དེ། གྲངས་དེ་ལ་ནི་དེ་བཞིན་གཤེགས་པ་དང་། བྱང་ཆུབ་ཀྱི་སྙིང་པོ་མཆོག་དམ་པར་གནས་པའི་བྱང་ཆུབ་སེམས་དཔའ་དང་། ཆོས་ཐམས་ཅད་ལ་དབང་བསྐུར་བ་མངོན་དུ་གྱུར་པའི་བྱང་ཆུབ་སེམས་དཔའ་མ་གཏོགས་པར་སེམས་ཅན་གྱི་རིས་ན་གྲངས་དེ་
D95.046.0076b07.01