完整藏文原文 · 德格版页 当前仅加载第 46 函德格 15a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ན། རྒྱལ་པོའི་རིགས་མཐོན་པོ་མཐོན་པོ་གང་ཇི་སྙེད་ཅིག་ཡོད་པ། དེ་དག་ཐམས་ཅད་ལ་བལྟས་ན་ཐམས་ཅད་ཀྱང་ཉེས་པ་དང་བཅས་པར་མཐོང་སྟེ། དེ་དག་དེ་ལྟར་སེམས་པའི་ཡིད་ལ་བྱེད་པའི་ཚེ། ལྷའི་བུ་ཡེ་ཤེས་ཏོག་གི་རྒྱལ་མཚན་ཞེས་བྱ་བ་
D95.046.0015a01.01བྱང་ཆུབ་ལས་ཕྱིར་མི་ལྡོག་པ་ཐེག་པ་ཆེན་པོ་འདི་ལ་ངེས་པར་གྱུར་པ་ཞིག་ཡོད་པ་དེས་བྱང་ཆུབ་སེམས་དཔའི་འཁོར་དང་། ལྷའི་འཁོར་ཆེན་པོ་ཡོད་པ་དེ་དག་ལ་འདི་སྐད་ཅེས་སྨྲས་སོ། །གྲོགས་པོ་དག་ཚུར་ཤོག །བྱང་ཆུབ་སེམས་དཔའ་དེ་ཉིད་ཀྱི་དྲུང་དུ་དོང་སྟེ། རིགས་རིན་པོ་ཆེ་
D95.046.0015a02.01ཡོན་ཏན་ཇི་ལྟ་བུར་ཕུན་སུམ་ཚོགས་པ་ཞིག་ཏུ་སྲིད་པ་ཐ་མ་པའི་བྱང་ཆུབ་སེམས་དཔའ་སྐྱེ་བར་འགྱུར་བ་དྲིའོ་ཞེས་སྨྲས་པ་དང་། ལེགས་སོ་ཞེས་ཏེ། དེ་དག་ཐམས་ཅད་ཀྱང་ཐལ་མོ་སྦྱར་ནས་བྱང་ཆུབ་སེམས་དཔའི་དྲུང་དུ་ཕྱིན་ཏེ་དྲིས་པ། སྐྱེས་བུ་དམ་པ་རིགས་རིན་པོ་ཆེ་ཡོན་ཏན་ཕུན་
D95.046.0015a03.01སུམ་ཚོགས་པ་ཇི་ལྟ་བུ་ཞིག་ཏུ་བྱང་ཆུབ་སེམས་དཔའ་སྲིད་པ་ཐ་མ་པ་སྐྱེ་བར་འགྱུར། དེ་ནས་བྱང་ཆུབ་སེམས་དཔའས་བྱང་ཆུབ་སེམས་དཔའི་ཚོགས་ཆེན་པོ་དང་། ལྷའི་ཚོགས་ཆེན་པོ་དེ་དག་ལ་རྣམ་པར་བལྟས་ཏེ་འདི་སྐད་ཅེས་སྨྲས་སོ། །གྲོགས་པོ་དག་བྱང་ཆུབ་སེམས་དཔའ་སྲིད་
D95.046.0015a04.01པ་ཐ་མ་པ་གང་དུ་སྐྱེ་བར་འགྱུར་བའི་རིགས་དེ་ནི་རྣམ་པ་དྲུག་ཅུ་རྩ་བཞི་ཕུན་སུམ་ཚོགས་པ་ཡིན་ཏེ། དྲུག་ཅུ་རྩ་བཞི་གང་ཞེ་ན། འདི་ལྟ་སྟེ། རིགས་དེ་ནི་བཙུན་པ་ཡིན། རིགས་དེ་ནི་ཀུན་གྱིས་མངོན་པར་ཤེས་པ་ཡིན། རིགས་དེ་ནི་ཕྲན་ཚེགས་མེད་ཅིང་གནོད་པར་བྱེད་པ་མེད་པ་ཡིན།
D95.046.0015a05.01རིགས་དེ་ནི་རྒྱུད་ཕུན་སུམ་ཚོགས་པ་ཡིན། རིགས་དེ་ནི་ཆོ་འབྲང་ཕུན་སུམ་ཚོགས་པ་ཡིན། རིགས་དེ་ནི་སྐྱེས་བུ་ཟུང་ཕུན་སུམ་ཚོགས་པ་ཡིན། རིགས་དེ་ནི་སྔོན་གྱི་སྐྱེས་བུ་ཟུང་ཕུན་སུམ་ཚོགས་པ་ཡིན། རིགས་དེ་ནི་བཙུན་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། རིགས་དེ་ནི་ཀུན་གྱིས་
D95.046.0015a06.01མངོན་པར་ཤེས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། རིགས་དེ་ནི་དབང་ཆེ་བར་གྲགས་པའི་སྐྱེས་བུ་ཟུང་ཕུན་སུམ་ཚོགས་པ་ཡིན། རིགས་དེ་ནི་སྐྱེས་པ་མང་བ་ཡིན། རིགས་དེ་ནི་བུད་མེད་མང་བ་ཡིན། རིགས་དེ་ནི་འཇིགས་པ་མེད་པ་ཡིན། རིགས་དེ་ནི་དམན་པ་མེད་ཅིང་ཞུམ་
D95.046.0015a07.01