'phags pa rgya cher rol pa zhes bya ba theg pa chen po'i mdo/
当前为德格木刻版 152b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 152b
- 可引用原文
- 7 行
- 全文规模
- 全经 3014 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 46 函 · 德格 152b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文བྱམས་ལྡན་ཐུབ་པ་དེ་ཡི་སྐུ་ལ་ནི། །དུག་དང་མཚོན་དང་མེ་ཡིས་མི་ཚུགས་ཏེ། །མཚོན་ཆ་འཕངས་པ་ཐམས་ཅད་མེ་ཏོག་འགྱུར། །གཞན་ཡང་མཁའ་དང་ས་དང་ཆུ་ལ་སྟོབས་ལྡན་གང་། །མིའམ་གནོད་སྦྱིན་རལ་གྲི་དགྲ་སྟ་ཐོགས། །མི་དབང་བཟོད་པའི་སྟོབས་ལྡན་དེ་དྲུང་ཕྱིན། །སྟོབས་ཆེན་སྟོབས་ལྡན་དེ་ཀུན་སྟོབས་ཆུང་འགྱུར། །གཡོན་རོལ་ནས་གཟི་བརྗིད་དྲག་ཤུལ་ཅན་ཞེས་བྱ་བས་སྨྲས་པ། བདག་ནི་དེ་ཡི་ལུས་བཟང་གི། །ཁོང་དུ་ཞུགས་ཏེ་བསྲེག་པར་བགྱི། །འབྲོག་གི་མེ་ལྟར་ཆུང་ངུ་ཡིས། །རྐང་དང་བཅས་པའི་ཤིང་ཡང་བསྐམ། །གཡས་རོལ་ནས་མི་{བཟངས་,བཟང་}
ཀྱིས་སྨྲས་པ། ཁྱོད་ནི་རི་རབ་ས་ཡི་ནང་ཞུགས་ཏེ། །ཐམས་ཅད་མ་ལུས་བསྲེག་པར་ནུས་གྱུར་ཀྱང་། །ཁྱོད་དང་འདྲ་བ་གང་གཱའི་བྱེ་སྙེད་ཀྱིས། །རྡོ་རྗེའི་ཐུགས་ལྡན་དེ་ནི་བསྲེག་མི་ནུས། །གཞན་ཡང་རི་བོ་ཐམས་ཅད་འགུལ་ཡང་སྲིད། །རྒྱ་མཚོ་ཆེན་པོ་ཟད་ཀྱང་སྲིད། །ཉི་ཟླ་ས་ལ་ལྷུང་ཡང་སྲིད། །ས་ནི་ཞུ་བར་འགྱུར་ཡང་སྲིད། །འཇིག་རྟེན་དོན་དུ་རྩོམ་མཛད་པ། །ཐུགས་དམ་ངེས་པར་མཛད་པ་པོ། །བྱང་ཆུབ་དམ་པ་མ་ཐོབ་པར། །ཤིང་ཆེན་དྲུང་ནས་བཞེངས་མི་སྲིད། །གཡོན་རོལ་ནས་ལག་{རིངས་ཀྱིས་,རིང་གིས་}བསྒྱིངས་ཏེ་སྨྲས་པ། ཁྱོད་ཀྱི་གནས་འདིར་མཆིས་བཞིན་དུ། །
བདག་གིས་སུག་པས་ཉི་མ་དང་། །ཟླ་བ་སྐར་མ་རྣམས་ཀྱི་གནས། །ཐམས་ཅད་རབ་ཏུ་མཉེ་བར་བགྱི། །རྒྱ་མཚོ་ཆེན་པོ་བཞི་པོ་ལས། །ཚུལ་དུ་ཤིས་པར་ཆབ་ཀྱང་བླང་། །ཡབ་ཅིག་དགེ་སྦྱོང་དེ་བཟུང་སྟེ། །རྒྱ་མཚོའི་ཕ་རོལ་དོར་བར་བགྱི། །ཡབ་ཅིག་དཔུང་འདི་གཞག་ཏུ་གསོལ། །ཁྱོད་ནི་ཐུགས་ངན་ཆེ་མ་མཛད། །བྱང་ཆུབ་ཤིང་དེ་དྲུངས་ཕྱུང་སྟེ། །སུག་པས་ཕྱོགས་ཕྱོགས་གཏོར་བར་བགྱིད། །གཡས་རོལ་ནས་དད་པ་ཐོབ་པས་སྨྲས་པ། གལ་ཏེ་ཁྱོད་ནི་དྲེགས་བསྒྱིངས་ཏེ། །ལྷ་དང་ལྷ་མིན་དྲི་ཟར་བཅས། །ས་དང་རི་དང་རྒྱ་མཚོར་བཅས། །དེ་དག་ལག་པས་
ཕྱིར་རློག་ཀྱང་། །ཁྱོད་དང་འདྲ་བ་སྟོང་ཕྲག་ནི། །གང་གཱའི་བྱེ་མ་སྙེད་རྣམས་ཀྱིས། །བྱང་ཆུབ་སེམས་དཔའ་ཤེས་རབ་ཅན། །དེ་ཡི་བ་སྤུ་གཡོས་མི་ནུས། །གཡོན་རོལ་ནས་འཇིགས་བྱེད་ཀྱིས་སྨྲས་པ། །དཔུང་གི་ནང་ན་བཞུགས་བཞིན་དུ། །ཡབ་ཁྱོད་ཅི་སླད་རབ་ཏུ་བསྙེངས། །དེ་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D95
- 德格版页
- 152b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0095 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。