完整藏文原文 · 德格版页 当前仅加载第 46 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
གཏུན་ཤིང་གི་སྟེང་དུ་ཉལ་བ་དང་། མགོ་ཐུར་དུ་བསྟན་པ་དང་། ཙོག་ཙོག་པོར་འདུག་པ་དང་། ཐང་ལ་ཉལ་བ་དང་། གོས་གཅིག་དང་། གོས་གཉིས་དང་། གསུམ་དང་བཞི་དང་། ལྔ་དང་། དྲུག་དང་། བདུན་དང་། གོས་མང་པོ་སྲེལ་བ་དང་། གཅེར་
D95.046.0123a01.01བུར་འདུག་པ་དང་། འཁྲུ་བ་དང་། མི་འཁྲུ་བའི་ཆོ་ག་ཅན་དང་། སྐྲ་དང་། སེན་མོ་དང་། ཨག་ཙོམ་རིང་པོར་འཇོག་པ་དང་། རལ་པའི་ཐོར་ཚུགས་འཆང་བ་དང་། རྒྱ་ཤུག་དང་། ཏིལ་དང་། འབྲས་འབྲུ་གཅིག་ཟ་བ་དང་། ཐལ་བ་དང་། སྣག་ཙ་དང་། མེ་ཏོག་སྤྱད་སྤྱད་པ་དང་
D95.046.0123a02.01རྡུལ་འཐུལ་བ་དང་། རྡུལ་ནག་པོ་དང་། ཕྱག་དར་དང་། རྫབ་ཀྱིས་ལུས་ལ་སྐུད་པ་དང་། བ་སྤུ་དང་། མིའི་ཐོད་པ་དང་། སྐྲ་དང་། སེན་མོ་དང་། ཚལ་བུའི་སྨད་གཡོགས་དང་། རྫབ་དང་། ཀེང་རུས་ཐོགས་པ་དང་། ཆུ་དྲོན་པོ་དང་། འབྲས་ཀྱི་ཁུ་བ་
D95.046.0123a03.01ལ་བར་བཙགས་པ་དང་། ཁྲུད་མ་འཐུང་བ་དང་། མདག་མ་དང་། ཚོན་རྩི་དང་། གོས་ངུར་སྨྲིག་དང་། ཁར་བ་གསུམ་དང་། མགོ་འདྲེག་པ་དང་། རིལ་བ་དང་། མིའི་ཐོད་པ་དང་། ཁྲིའི་ཟུར་ཤིང་འཆང་བས་བླུན་པོ་རྣམས་དག་པར་ཁོང་དུ་ཆུད་དོ། །དུ་བ་རྔུབ་པ་དང་།
D95.046.0123a04.01མེ་རྔུབ་པ་དང་། ཉི་མ་ལ་ལྟ་བ་དང་། གདུང་བ་ལྔ་བྱེད་པ་དང་། རྐང་པ་གཅིག་དང་། ལག་པ་གཅིག་བསྟོད་པ་དང་། རྐང་པ་གཅིག་བཙུགས་པ་དང་། གནས་གཅིག་ན་འདུག་པས་དཀའ་ཐུབ་ལ་སོགས་པ་དང་། ཕུབ་མ་ལ་སོགས་པ་དང་། མདག་མ་བསྲེགས་པ་དང་།
D95.046.0123a05.01བུམ་པ་བསྲེགས་པ་དང་། རྡོ་བསྲེགས་པ་དང་། མེ་འབར་བར་འཇུག་པ་དང་། ཟས་མི་ཟ་བ་དང་། མྱ་ངན་དང་། འབབ་སྟེགས་སུ་སོང་སྟེ་ཤི་བས་སྡུག་པའི་འགྲོ་བ་ཚོལ་ལོ། །རབ་བསྔགས་ཞེས་བྱ་བ་དང་། གཞི་མི་འགྲིབ་པ་ཞེས་བྱ་བ་དང་། གཞི་སྲུང་ཞེས་བྱ་བ་དང་། གཞི་
D95.046.0123a06.01ཚུགས་ཞེས་བྱ་བ་དང་། སྨོན་ལམ་དང་། བསྟོད་པ་དང་། སྦྱིན་སྲེག་དང་། དབབ་པ་དང་། སྔགས་ཀྱི་བཟླས་བརྗོད་དང་། ཀླག་པ་འཛིན་ཅིང་བྱེད་པས་དག་པར་ཁོང་དུ་ཆུད་དོ། །བདག་དག་པར་སེམས་ཤིང་དེ་དག་ལ་རྟེན་ཏེ། འདི་ལྟ་སྟེ་ཚངས་པ་དང་། དབང་པོ་དང་། གུ་ལང་དང་།
D95.046.0123a07.01