完整藏文原文 · 德格版页 当前仅加载第 46 函德格 2b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བྱང་ཆུབ་སེམས་དཔའ་སེམས་དཔའ་ཆེན་པོ་སེང་གེའི་ཏོག་དང་། བྱང་ཆུབ་སེམས་དཔའ་སེམས་དཔའ་ཆེན་པོ་དོན་གྲུབ་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྤྱོད་པ་རབ་ཏུ་ཞི་བའི་བློ་གྲོས་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སོ་སོ་ཡང་དག་པར་རིག་
D95.046.0002b01.01པ་ཐོབ་པ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་བརྩོན་འགྲུས་རྟག་པར་སྦྱོར་དང་། བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེར་སེམས་དང་། དེ་དག་ལ་སོགས་པ་བྱང་ཆུབ་སེམས་དཔའ་སུམ་ཁྲི་ཉིས་སྟོང་དང་ཡང་ཐབས་ཅིག་གོ། །དེའི་ཚེ་བཅོམ་ལྡན་འདས་
D95.046.0002b02.01མཉན་ཡོད་ཀྱི་གྲོང་ཁྱེར་ཆེན་པོ་ན། འཁོར་བཞི་དང་། རྒྱལ་པོ་དང་། རྒྱལ་པོའི་སྲས་དང་། རྒྱལ་པོའི་བློན་པོ་ཆེན་པོ་དང་། ཆགས་འོག་གི་རྒྱལ་ཕྲན་དང་། རྒྱལ་པོའི་ཞབས་འབྲིང་བ་དང་། རྒྱལ་རིགས་དང་། བྲམ་ཟེ་དང་། ཚོང་དཔོན་དང་། ཁྱིམ་བདག་དང་། བློན་པོ་དང་། འཁོར་གྱི་མི་
D95.046.0002b03.01དང་། གྲོང་ཁྱེར་པ་དང་། ཡུལ་གྱི་མི་དང་། མུ་སྟེགས་ཅན་དང་། དགེ་སྦྱོང་དང་། བྲམ་ཟེ་དང་། དཔྱོད་པ་པ་དང་། ཀུན་ཏུ་རྒྱུ་སྣ་ཚོགས་ཀྱིས་རིམ་གྲོར་བྱས། བླ་མར་བྱས། བསྟི་སྟང་དུ་བྱས། མཆོད་པ་བྱས་སོ། །བཅོམ་ལྡན་འདས་ནི་བཟའ་བ་དང་། བཅའ་བ་དང་མྱང་བ་དག་བསོད་ཅིང་མང་
D95.046.0002b04.01བ་དང་། ན་བཟའ་དང་། བསོད་སྙོམས་དང་། གཟིམས་ཆ་དང་། སྙུན་གྱི་གསོས་སྨན་དང་། ཡོ་བྱད་རུང་བ་བརྙེས་ཤིང་། བཅོམ་ལྡན་འདས་ནི་བརྙེས་པ་དམ་པ་དང་། གྲགས་པ་དམ་པ་བརྙེས་ཀྱང་པད་མ་ལ་ཆུས་མི་གོས་པ་ལྟར་ཐམས་ཅད་དུ་མ་ཆགས་མ་གོས་པར་བཞུགས་སོ། །བཅོམ་
D95.046.0002b05.01ལྡན་འདས་ཀྱི་གྲགས་པ་དང་། སྒྲ་དང་སྙན་པ་ནི་འདི་སྐད་དུ། བཅོམ་ལྡན་འདས་དེ་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་
D95.046.0002b06.01མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་ཞེས་བྱ་བར་འཇིག་རྟེན་དུ་མངོན་པར་གྲགས་པར་གྱུར་ཏོ། །དེ་ནི་སྤྱན་ལྔ་དང་ལྡན་པ་སྟེ། འཇིག་རྟེན་འདི་དང་འཇིག་རྟེན་ཕ་རོལ་ལྷ་དང་བཅས་པ། བདུད་དང་བཅས་པ། ཚངས་པ་དང་བཅས་པ། དགེ་སྦྱོང་དང་བྲམ་ཟེར་བཅས་པའི་སྐྱེ་དགུ་ལྷ་
D95.046.0002b07.01