完整藏文原文 · 德格版页 当前仅加载第 83 函德格 303a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་བཅིངས་པ་མཉམ་གཞག་སྟེ། །གཡོན་གྱི་སྟེང་དུ་དེ་བཞིན་གཞག །དབུས་སུ་སྦོམ་མོ་གཞག་པར་བྱ། །རྡོ་རྗེ་འདྲེན་པ་གཟི་བརྗིད་ཆེ། །རྡོ་རྗེ་བཅིང་བ་བསྡམ་བྱས་ཏེ། །རྡོ་རྗེ་སྦོམ་མོ་རྩེ་མོ་སྤྲད། །བདག་ནི་རྡོ་རྗེ་ཞེས་བསྒོམ་ཞིང་། །བཅིང་བ་དེ་ནི་དགྲོལ་བར་བྱ། །དེ་ཉིད་བཅིང་བ་དམ་བྱས་ཏེ། །དབང་
D477.083.0303a01.01དང་ཆུང་ངུའི་རྩ་བའི་མཚམས། །རྡོ་རྗེ་སྦོམ་པོ་ནུས་བྱས་ཏེ། །རབ་དགྱེས་བདག་ཉིད་བསྐྱོད་པར་བྱ། །དེ་ལས་རྡོ་རྗེ་མཆོག་གཉིས་བསྐྱེད། །མདུད་པའི་ཚུལ་དུ་སྦྱར་བར་བྱ། །གཞུག་པ་དང་ནི་འདྲེན་པའི་མཆོག །འདི་ཡིས་ཐམས་ཅད་དངོས་གྲུབ་པས། །རྣལ་འབྱོར་ཕྱག་རྒྱ་འདི་ཉིད་ཀྱིས། །དྲངས་ཏེ་
D477.083.0303a02.01བཅུག་ནས་བཅིང་བྱས་ཏེ། །དབང་དུ་བྱས་ནས་བསྒྲུབ་པར་བྱ། །དེ་ནས་དེ་དག་ཐམས་ཅད་དྲངས་བཅུག་བཅིངས་དགའ་བར་བསྐྱེད་ནས། རང་གི་རབ་ཏུ་དགྱེས་པའི་བདེ་བ་ཆེན་པོས་རང་གི་རྒྱལ་སྲིད་རྗེས་སུ་སྐྱོང་ཞིང་རྡོ་རྗེ་ཆོས་ལ་བཀའ་སྩལ་པ། སངས་རྒྱས་ཀུན་གྱི་ཚུལ་ཆེན་པོ། །དགའ་བྱེད་ཟླ་གསང་
D477.083.0303a03.01ཐིག་ལེ་ཡི། །རབ་དགྱེས་བདག་ཉིད་གསང་བ་འདི། །སེམས་དཔའ་ཆེན་པོ་ཁྱོད་ཀྱིས་ཟུང་། །དེ་ནས་གདན་ལས་མྱུར་བཞེངས་ཏེ། །ཐལ་མོ་སྦྱར་ཏེ་ཕྱག་བཞེས་ནས། །ཆོས་ཀྱི་ངོ་བོར་ཚིག་སྨྲས་པ། །བདེ་བ་ཆེན་པོ་བདག་གིས་བླངས། །རང་བདེ་ལོངས་སྤྱོད་གར་བྱས་ཏེ། །རྡོ་རྗེ་ཚེ་ཡིས་འདི་སྐད་སྨྲས། །རྡོ་རྗེ་
D477.083.0303a04.01ཆོས་ནི་སྣ་ཚོགས་ཆེ། །སྣ་ཚོགས་པདྨོ་གར་རབ་བྱེད། །དེ་ནས་ཕ་རོལ་ཕྱིན་དེ་ཀུན། །རབ་དགྱེས་ལོངས་སྤྱོད་གར་བྱེད་ཅིང་། །བདེ་བྱེད་ཆེན་པོས་བདག་ཉིད་རྗེས། །ལེགས་པ་ཞེས་པ་སྦྱིན་བྱེད་དེ། །ལེགས་སོ་ལེགས་སོ་བདེ་བ་ཆེ། །ལེགས་སོ་ལེགས་སོ་ཡེ་ཤེས་ཆེ། །ལེགས་སོ་ལེགས་སོ་སྣ་ཚོགས་ཆེ། །
D477.083.0303a05.01ལེགས་སོ་ལེགས་སོ་དགྱེས་པ་ཆེ། །བཅོམ་ལྡན་འདས་དགྱེས་པའི་ཐུགས་ཀྱིས་དེ་སྐད་ཅེས་བཀའ་སྩལ་ནས། ཕ་རོལ་ཏུ་ཕྱིན་མའི་འཁོར་ཆེན་མོ་དེ་དག་མངོན་པར་དགའ་བར་གྱུར་ཏོ། །ཟླ་གསང་ཐིག་ལེ་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོ་མཆོག་ཏུ་གསང་བ་ཡོངས་སུ་རྫོགས་{སྷོ,སོ}།། །།
D477.083.0303a06.01ཞུ་ཆེན་གྱི་ལོ་ཙྪ་བ་དགེ་སློང་རིན་ཆེན་བཟང་པོས་བསྒྱུར་ཅིང་ཞུས་ཏེ་གཏན་ལ་ཕབ་པ། གསུང་རབ་དོན་རྟོགས་སློབ་དཔོན་གྱིས། །ལྷག་པར་བཀྲོལ་ཏེ་བསྟན་པ་ལ། །ཅི་རིགས་བསྒྱུར་བའི་བསོད་ནམས་ཀྱིས། །སེམས་ཅན་སེམས་བདེ་ཐོབ་པར་སྨོན། །མངྒ་ལྃ། །
D477.083.0303a07.01