完整藏文原文 · 德格版页 当前仅加载第 83 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
བཏུང་བ་སྣུམ་པོར་ལྡན་པ་ཡི། །དབང་པོ་ཀུན་ལས་འབྱུང་བ་རྣམས། །ཤ་སྲང་གཅིག་གིས་རབ་བསྲེས་པ། །ཀུན་ལས་འཕགས་པ་རོ་ཡི་མཆོག །ཚོགས་ཀྱི་དབུས་སུ་བསྒྲུབ་བྱས་ཏེ། །བཏུང་བ་བཞིན་དུ་མྱངས་པ་ཡིས། །རྡོ་རྗེ་བློ་ལྡན་བསྐལ་པར་གནས། །རྣམ་པ་
D477.083.0271a01.01སྣ་ཚོགས་ཉེ་བའི་ཟས། །བཟའ་བ་དང་ནི་བཅའ་བས་མཆོད། །མཆོད་པ་ཉེ་བའི་ཟས་ལྔ་དང་། །ཚད་མེད་འདོད་པའི་ཡོན་ཏན་ལྔས། །ཚད་མེད་རྣལ་འབྱོར་མ་ཚོགས་ལ། །སྐད་ཅིག་སྐད་ཅིག་མཆོད་པར་བྱ། །སྔགས་མཁན་ཚུལ་བཞིན་མཉམ་གཞག་སྟེ། །འབྱུང་པོ་རྣམས་ལ་
D477.083.0271a02.01གཏོར་མ་སྦྱིན། །ལྷ་རྣམས་ཀྱི་ནི་ཐམས་ཅད་ལ། །ཧེ་རུ་ཀ་ཡི་ཕྱག་རྒྱ་ཡིས། །ཉིད་ཀྱི་གཏོར་མ་བྱིན་བརླབས་ཏེ། །སྤྱན་དྲངས་གཙང་སྦྲ་བྱས་པ་དབུལ། །གཟུངས་ཀྱི་ཚོགས་ནི་དེ་རྣམས་ལ། །མཉེས་པར་བྱས་ནས་སླར་གཤེགས་སོ། །རྣལ་འབྱོར་མ་ཆེན་དཀྱིལ་འཁོར་དུ། །སློབ་མའི་
D477.083.0271a03.01མཆོག་ནི་གཞུག་པར་བྱ། །མཚུངས་པར་སྤྱོད་པ་རབ་མཛེས་མ། །སྣ་ཚོགས་གོས་ཀྱིས་ཡང་དག་དཀྲིས། །ལག་པ་གཡོན་གྱིས་གཟུང་བྱས་ཏེ། །རབ་དགྱེས་ལོངས་སྤྱོད་ཕྱག་རྒྱ་ཡིས། །བཅུག་ནས་སྒོ་ཡི་གྲྭ་ཉིད་དུ། །བློ་ལྡན་དམ་ཚིག་བསྒྲག་པར་བྱ། །འདི་ལས་མི་བྱ་ཅུང་ཟད་མེད། །
D477.083.0271a04.01ཐབས་དང་ཤེས་རབ་སེམས་ཉིད་ཀྱིས། །རྟག་ཏུ་དོགས་པ་མེད་བྱས་ཏེ། །འདོད་པ་ལྔ་ཡི་ཡོན་ཏན་སྤྱོད། །གཞན་ཡང་དམ་ཚིག་ཉམས་པ་དང་། །སྐྱེ་བོ་གང་དག་དམ་ལ་གནོན། །བརྟུལ་ཞུགས་ཁྱོད་ཀྱི་དེ་དྲངས་ཏེ། །ཁྲག་ཆེན་པོ་ནི་བཏུང་བར་བྱ། །གང་དག་སློབ་དཔོན་སྨོད་བྱེད་དང་། །
D477.083.0271a05.01གང་དག་བཀའ་རྣམས་མི་བྱེད་པ། །དེ་དག་བྲོས་ནས་ཁྲག་ཆེན་པོ། །བློ་ལྡན་སྙིང་ལས་བཏུང་བར་བྱ། །དཀོན་མཆོག་གསུམ་ལ་གནོད་བྱེད་དང་། །སློབ་དཔོན་ལ་ཡང་གནོད་བྱེད་པ། །རྡོ་རྗེ་ཁྲོ་བོ་བསྡུས་པ་ཡིས། །དམ་ཚིག་བསྒོམས་ཏེ་བསྒྲལ་བར་བྱ། །དེ་ནས་དམ་ཚིག་བླུད་བྱས་ཏེ། །རྡོ་རྗེ་
D477.083.0271a06.01བདུད་རྩི་རོ་ཡི་མཆོག །དུང་ཆེན་པོར་ནི་གཞག་པར་བྱ། །རྡོ་རྗེ་བདུད་རྩིའི་ཆུ་བླུད་དོ། །ཀྱེ་མ་དམྱལ་བ་ཡི་ནི་ཆུ་འདི་སྟེ། །ཁྱོད་ཀྱི་སྙིང་ལ་ཀུན་དུ་གནས། །དམ་ཚིག་བསྲུངས་པས་དངོས་གྲུབ་སྟེར། །རྡོ་རྗེ་བདུད་རྩིའི་ཆུ་འདི་འཐུང་། །ཨོཾ་བཛྲ་ཨུ་ད་ཀ་ཧཱུྃ་ཋ། །དམ་ཚིག་འདི་ནི་བརྒྱར་བཟླས་པའི། །
D477.083.0271a07.01