完整藏文原文 · 德格版页 当前仅加载第 83 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །གཟུངས་མ་དེ་དག་ཐམས་ཅད་ལ། །རྡོ་རྗེ་ཡིས་ནི་སྦྱིན་པར་བྱ། །དེ་ནས་སློབ་མ་མཆོག་ཉིད་ཀྱིས། །བླ་མ་ལ་ནི་ཡོན་དབུལ་བྱ། །མ་དང་སྲིང་མོ་བུ་མོ་དང་། །ཆུང་མ་དང་ནི་རང་གི་བུ། །བདག་ཉིད་དང་ནི་རྒྱལ་སྲིད་དང་། །དེ་བཞིན་ལོངས་སྤྱོད་དབང་ཕྱུག་དང་། །རྫས་དང་
D477.083.0280b01.01ནོར་དང་གཏེར་རྣམས་དང་། །གླང་པོ་རྟ་དང་ཤིང་རྟ་དག །བླ་མ་ལ་ནི་ཡོན་མཆོག་སྟེ། །དགའ་བའི་ཡིད་འགྱུར་དབུལ་བར་བྱ། །ཕྱི་ཡི་སྦས་པ་གསང་བ་དང་། །དེ་བཞིན་གཤེགས་པ་ཐམས་ཅད་དང་། །རྡོ་རྗེ་དང་ནི་གཟུངས་མའི་རྣམས། །འདོད་པའི་དངོས་གྲུབ་དྲི་བར་བྱ། །སྙིང་
D477.083.0280b02.01པོ་ཡང་དག་ཤེས་གྱུར་ནས། །དངོས་གྲུབ་མཆོག་ནི་བསྒྲུབ་པར་བྱ། །དེ་བཞིན་གཤེགས་པ་ཐམས་ཅད་ཀྱི། །གསང་བ་ཡི་ནི་དཀྱིལ་འཁོར་འདི། །ཅི་སྟེ་རྨོངས་པས་སྨྲ་བྱས་ན། །སློབ་དཔོན་གྱི་ནི་དམ་ཚིག་ཉམས། །མྱུར་དུ་ཟླ་ཕྱེད་ཚུན་ཆད་དུ། །བསྟན་པས་རྣམ་པར་འཇིག་པར་འགྱུར། །
D477.083.0280b03.01དང་པོར་དམ་ཚིག་གཞག་བྱས་ཏེ། །ཕྱི་ནས་དཀྱིལ་འཁོར་བསྟན་པར་བྱ། །གཞན་དུ་བྱས་ན་དཔའ་བོའི་རྣམས། །དམྱལ་བར་བསྐལ་པར་གྲངས་མེད་སྨིན། །དེ་བས་བློ་ལྡན་རྡོ་རྗེ་ཡིས། །ནན་ཏན་དམ་ཚིག་བསྒྲག་མི་བྱ། །སྔགས་ཀྱི་དངོས་གྲུབ་དོན་འདོད་པས། །དམ་ཚིག་བསྲུང་
D477.083.0280b04.01ལ་བརྩོན་པར་བྱ། །གཞན་དུ་བྱས་ན་སྔགས་མཁན་གྱི། །སྔགས་ལ་སོགས་པའི་དོན་མི་འགྲུབ། །ལྷ་རྣམས་ཀྱང་ནི་དམ་ཚིག་གི། །གསོལ་ཡང་བཞེས་སུ་མི་གནང་སྟེ། །འཇིག་རྟེན་འདི་རུ་སྡུག་བསྔལ་ཆེ། །འཇིག་རྟེན་ཕ་རོལ་དམྱལ་བའི་རྣམས། །དམ་ཚིག་སྤྱོད་པ་འདས་པས་སོ། །
D477.083.0280b05.01རྨོངས་པའི་བདག་ཉིད་དེས་འཐོབ་བོ། །སློབ་མ་དེ་ཡང་དེ་བཞིན་དུ། །བློ་ཞན་སྡུག་བསྔལ་འཐོབ་གྱུར་ཏེ། །དེས་ན་སྔགས་ཀྱི་དོན་མི་སྨིན། །ལྷ་རྣམས་ཀྱི་ནི་མཆོག་ཏུ་བདེ། །དམ་ཚིག་མེད་པའི་སློབ་མ་ལ། །ནམས་ཀྱང་སྦྱིན་པར་མི་འགྱུར་རོ། །དེ་བས་དམ་ཚིག་གཙོ་ཡིན་ཏེ། །
D477.083.0280b06.01ཐོག་མར་དམ་ཚིག་སྦྱིན་པར་བྱ། །སྔགས་རྣམས་དང་ནི་ཕྱག་རྒྱ་ཡང་། །དེ་བཞིན་ཐབས་དང་ཤེས་རབ་རྣམས། །དམ་ཚིག་དེ་རྣམས་ཐམས་ཅད་ཀྱང་། །སྔགས་པས་གསང་བ་སྦྱོར་བ་ཡིས། །དམྱལ་བ་ངན་སོང་ཟློག་པའི་ཕྱིར། །བུ་དང་སློབ་མ་སྦྱིན་པར་བྱ། །སྔགས་ཀྱི་
D477.083.0280b07.01