完整藏文原文 · 德格版页 当前仅加载第 83 函德格 302a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་མཐོང་བར་འགྱུར། །རྡོ་རྗེའི་ཐལ་མོ་བརྟན་བྱ་སྟེ། །ཁྲོ་མོ་རྩེ་མོ་ཟླུམ་པོ་ཡི། །མཐོན་པོར་མཚན་དང་འདྲ་བྱས་ཏེ། །སྦོམ་པོར་རྡོ་རྗེ་བརྟན་པ་ཆེ། །དེ་འདི་བཅོམ་ལྡན་འདས་མ་མཆོག །རྡོ་རྗེ་པདྨོའི་བདེ་འཐོབ་བྱེད། །རྣལ་འབྱོར་འདི་ནི་བཅིངས་པ་ཡིས། །སྦས་པ་ཆེན་པོའི་དགྱེས་པ་འཐོབ། །དེ་ནས་ལྷ་
D477.083.0302a01.01མོ་ཆེན་མོ་དག །སྤྲོ་བ་ཆེ་བས་གར་མཛད་ཅིང་། །རྡོ་རྗེ་བདེ་བྱེད་བདག་ཉིད་ལ། །བདུད་དང་བཅས་པས་ཕྱག་བྱས་ཏེ། །ཆོས་ཀྱི་ཡི་གེ་ཐབས་གནས་ནས། །དེ་ཉིད་ཆོས་ཀྱི་གསོལ་བ་འདེབས། །ཆོས་ཀྱི་ཕྱག་རྒྱ་བདེ་བ་ཆེ། །རྡོ་རྗེ་བཅོམ་ལྡན་བཤད་དུ་གསོལ། །སྒྲུབ་པ་པོས་ནི་རབ་བསྒྲིམས་ན། །གང་གིས་ལྷ་ནི་འགྲུབ་པར་
D477.083.0302a02.01འགྱུར། །གང་གིས་མྱུར་དུ་བྱིན་བརླབས་པས། །སངས་རྒྱས་བྱང་ཆུབ་རབ་བསྒྲུབ་སྟེ། །བདེ་བྱེད་གཉིས་ཀྱིས་སྤྲོ་ཆེ་བ། །དེ་བཞིན་གཤེགས་པས་གནས་འཇུག་འགྱུར། །དེ་ནས་བཅོམ་ལྡན་འདས་ཀྱིས་ལྷ་མོ་ཐམས་ཅད་ཀྱིས་གསོལ་བ་བཏབ་པ་མཁྱེན་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་སྦས་པ་ལས་ཆོས་ཀྱི་ཕྱག་རྒྱ་
D477.083.0302a03.01ཆེན་པོའི་ཚིག་འདི་ཕྱུང་ངོ་། །བཅུ་གསུམ་བདག་ཉིད་འདྲེན་པ་སྟེ། །ཐིག་ལེ་ལྷར་ནི་ཡང་དག་ལྡན། །ཐ་མར་ཧ་ར་ཐིག་ལེར་གནས། །རབ་ཏུ་དགྱེས་པ་རྡོ་རྗེ་དགྱེས། །སྙིང་གར་ཕྱག་རྒྱ་འདི་བྱས་ནས། །དགའ་བྱེད་ལྷན་ཅིག་རྩེན་བྱེད་ཅིང་། །སྤྱོད་དང་མི་སྤྱོད་འགྲུབ་འགྱུར་ཏེ། །རྣལ་འབྱོར་བདེ་བ་ཆེན་པོར་
D477.083.0302a04.01འགྲོ། །དེ་བཞིན་འདྲེན་པ་ཐོག་མར་བྱ། །རྡོ་རྗེ་འདོད་པ་ཀྱོ་བ་མཆོག །ཧ་ར་ཐིག་ལེ་ཡང་དག་ལྡན། །ཆ་གཉིས་གསུམ་པ་སྦྱར་བྱས་པ། །འདི་ནི་སྙིང་གར་བཞག་བྱས་ན། །བདེ་བར་ནམ་མཁའ་འགྲོ་འགྱུར་ཏེ། །བདེ་བ་ཤིན་ཏུ་རྟག་པ་ཡི། །འདི་ཡིས་མཆོག་ཏུ་དངོས་གྲུབ་བོ། །འདྲེན་པ་དེ་ཉིད་ཐོག་
D477.083.0302a05.01མར་གཞག །ལྟོས་ལྟོས་ཞེས་པ་ཧཱུྃ་དང་ལྡན། །སྐལ་བ་ཆེན་པོ་རྡོ་རྗེ་སྤྱན། །དབུས་སུ་བསྐུལ་བས་འགྲུབ་པར་འགྱུར། །འཕྲུལ་གྱི་སྤྱན་ལྔ་ནོར་ཆེ་བ། །འདི་ཡིས་རྣལ་འབྱོར་འགྲུབ་འགྱུར་ཏེ། །རྡོ་རྗེ་བྱང་ཆུབ་དགྱེས་པ་ཆེ། །སངས་རྒྱས་ཐམས་ཅད་མཐོང་བར་འགྱུར། །དང་པོར་འདྲེན་པ་དེ་ཉིད་གཞག །ཐ་མར་
D477.083.0302a06.01ཧ་ར་ཐིག་ལེར་བྱ། །རྡོ་རྗེ་དགྱེས་པ་བདེ་འཐོབ་བྱེད། །མིང་ནི་དབུས་སུ་བྲི་བར་བྱ། །འདི་ཡིས་སྙིང་གར་བྱས་པ་ཡིས། །དེ་བཞིན་གཤེགས་པ་བདེ་མཆོག་འགྲོ། །ཕྱག་རྒྱ་བཞི་དང་འགྲོགས་པ་ཡིས། །ལུས་འདིས་འདི་ཚེ་འགྲུབ་པར་འགྱུར། །རབ་དགྱེས་སྦྱོར་བར་ཡང་དག་ཞོན། །ཕྱག་རྒྱ་བཞི་དང་མཉམ་
D477.083.0302a07.01