完整藏文原文 · 德格版页 当前仅加载第 83 函德格 252a 版页；藏文 NFD、目录标记与异常页序保留在来源切片中，重复版页行以稳定序号区分。
དག་ཐམས་ཅད་ཡང་བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་འཛིན་གཙོ་བོ་ཆེན་པོ་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །ཀྱེ་མའོ་རབ་དགྱེས་སེམས་དཔའ་མཆོག །ཀྱེ་མའོ་རབ་དགྱེས་ཕྱོགས་བསྒྱུར་བ། །རྣལ་འབྱོར་མ་ཡི་ཚོགས་མཆོག་གི། །
D477.083.0252a01.01དཀྱིལ་འཁོར་གསང་བ་ཉིད་ཀྱིས་གསུངས། །སངས་རྒྱས་སྦྱོར་བ་སྦྱོར་ཆེ་བ། །རྡོ་རྗེ་སྦྱོར་བ་བླ་ན་མེད། །འཇིགས་གསུམ་བདེ་མཆོག་ཐོབ་འགྱུར་བས། །གསང་བའི་དཀྱིལ་འཁོར་ཉིད་ཀྱིས་གསུང་། །རིན་ཆེན་པདྨ་སྣ་ཚོགས་ཆེ། །སྣ་ཚོགས་སྦྱོར་བའི་གར་མཛད་པ། །རྣམ་གྲངས་
D477.083.0252a02.01ཐིག་ལེའི་འཇིག་རྟེན་དུ། །རྣམ་དག་དཀྱིལ་འཁོར་ཉིད་ཀྱིས་གསུང་། །དེ་ནས་བཅོམ་ལྡན་འདས་ལ་རྣལ་འབྱོར་མ་ཐམས་ཅད་གར་དང་བཅས་པའི་ཕྱག་པདྨའི་སོར་མོའི་འདབ་མ་ཀུན་ཏུ་འབྲེལ་པའི་རྡོ་རྗེའི་ཐལ་མོ་དང་། གར་རྣམ་པར་འགྱུར་བའི་བརྗིད་བག་ཏུ་བཅས་པས་མཐའ་འགྲོལ་ཞིང་
D477.083.0252a03.01མ་མཆུ་ཚེམས་ཀྱིས་མནན་ནས་ཆུ་སྐྱེས་སར་པའི་འདབ་མ་བཞིན་གཟིགས་པས་བཞད་པ། གླུའི་ཕྱག་རྒྱས་དབྱངས་ལེན་པ་དང་། གཅིག་ལ་གཅིག་བསྐུལ་བ་དང་། བདག་ཉིད་ཀྱི་དཔུང་པ་ལ་འདེགས་ཤིང་གཡས་དང་གཡོན་པའི་རྣལ་པར་གནོན་པའི་ཚུལ་གྱིས། ཨོྃ་ཧཱུྃ་ཨ་ལ་ལ་ལ་ཧོ། །
D477.083.0252a04.01ཀུན་ཏུ་སྣང་ཞིང་མི་ཆགས་པར། །མི་ཆགས་པ་ཡི་བདེ་མཆོག་གིས། །བདེ་བའི་རྣལ་འབྱོར་གཟུགས་ཀྱི་རྣམས། །སྟོབས་ཤིང་བདེ་བ་སྦྱིན་མཛད་པས། །ཨ་ལ་ལ་ལ་ཧོ། །བསམ་གྱིས་མི་ཁྱབ་ནམ་མཁའི་རང་བཞིན་ཏེ། །བཞེངས་ཤིང་གཞན་ལ་སྟོབས་ལ་གྲུབ་པར་
D477.083.0252a05.01མཛོད། །ཆགས་པས་མི་གོས་དངོས་པོ་ཡི། །བདེ་བ་ཀུན་ལ་རེག་པར་མཛད་ཅིང་དགོངས་སུ་གསོལ། །དེ་ནས་ཀུན་ཏུ་བཟང་པོ་ཤིན་ཏུ་དགྱེས་པ་ཆེན་པོ་རྡོ་རྗེའི་བདག་པོ་དེ་ཁོ་ན་ཉིད་ཀྱིས་དབྱངས་ཆེན་པོའི་བསྐུལ་བས་ཐུགས་སད་པར་གྱུར་ཏེ། ཤིན་ཏུ་དགྱེས་པ་ཆེན་པོ་ཀུན་ཏུ་
D477.083.0252a06.01ལོངས་སྤྱོད་པ་རྡོ་རྗེ་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཤིན་ཏུ་དགྱེས་པ་ཆེན་པོའི་རྡོ་རྗེ་གདོན་མི་ཟ་བའི་རྣལ་འབྱོར་མའི་ཚོགས་ཀྱི་དཀྱིལ་འཁོར་ཆེན་པོ་འདིར་སྣ་ཚོགས་ཤིན་ཏུ་དགྱེས་པ་ཆེན་པོའི་རྣམ་པར་གནོན་པར་གར་མཛད། ཤིན་ཏུ་དགྱེས་པ་ཆེན་པོའི་
D477.083.0252a07.01