完整藏文原文 · 德格版页 当前仅加载第 83 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ཀླུ་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། གནོད་སྦྱིན་དང་། སྲིན་པོ་ཐམས་ཅད་འཁྲུག་པ་ཆེན་པོར་གྱུར་ཏོ། །དེ་ནས་འཇིགས་པ་ཆེན་པོས་ཉེན་པས་དེ་དག་བརྒྱ་བྱིན་གྱི་ཐད་དུ་ལྷགས་ནས་བརྒྱ་བྱིན་བདག་ཉིད་ཀྱང་སྐྱབས་
D477.083.0281b01.01མེད་པར་མཐོང་ནས་ཚངས་པའི་ཐད་དུ་ཕྱིན། ཚངས་པ་ཡང་གཏོགས་འདོད་ཀྱི་གན་དུ་ཕྱིན། གཏོགས་འདོད་ཀྱང་དབང་ཕྱུག་ཆེན་པོའི་ཐད་དུ་ཕྱིན་ཏེ། དེ་ནས་དབང་ཕྱུག་ཆེན་པོ་བདག་ཉིད་ཀྱི་མཐུ་འཇིགས་བྱེད་ཆེན་པོའི་གཟུགས་སུ་བྱས་ཏེ། འཇིག་རྟེན་གྱི་ཁམས་འདི་དག་ཐམས་ཅད་རང་
D477.083.0281b02.01གི་རྫུ་འཕྲུལ་གྱི་མཐུས་ཀུན་ཏུ་སྣང་བར་བྱས་ཏེ། ལྷ་རྣམས་མ་འཇིགས་ཤིག །ཀླུ་རྣམས་མ་འཇིགས་ཤིག །གནོད་སྦྱིན་རྣམས་མ་འཇིགས་ཤིག །ལྷ་མ་ཡིན་རྣམས་མ་འཇིགས་ཤིག །དྲི་ཟ་རྣམས་མ་འཇིགས་ཤིག །ལྷ་དང་འཇིག་རྟེན་དུ་བཅས་པ་རྣམས་མ་འཇིགས་ཤིག །
D477.083.0281b03.01ངའི་རྫུ་འཕྲུལ་གྱི་ཁྱད་པར་འདི་ལྟ་བུ་གཞན་འགས་ཀྱང་རབ་ཏུ་བརྫི་ནུས་སམ། ཁྱེད་རྣམས་ཅི་དགར་སྤྱོད་པས་གནོས་ཤིག་ཅེས་དབུགས་ཕྱུང་ངོ་། །དེ་ནས་བཅོམ་ལྡན་འདས་ཀྱིས་ཀྱང་དེ་བཞིན་གཤེགས་པ་ཐམས་ཅད་ཀྱི་གཟི་བརྗིད་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ།
D477.083.0281b04.01དེ་བཞིན་གཤེགས་པ་ཐམས་ཅད་ཀྱི་ཁྲོ་བོའི་ཁྲོ་གཉེར་ཆེན་པོ་ཞེས་བྱ་བ། ཁྲོ་བོ་ཆེན་པོའི་སྙིང་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ཡེ་ཤེས་ལས་ཕྱུང་ངོ་། །ཨོྃ་བཛྲ་བྷྲྀ་ཀུ་ཊི། མ་ཧཱ་ཀྲོ་དྷ་ཧ་ན་ཧ་ན། གྲྀཧྣ་གྲྀཧྣ། མ་ར་མཱ་ར། བྷཉྫ་བྷཉྫ། ད་ཧ་ད་ཧ། པ་ཙ་པ་ཙ་ཧཱུྃ། བྷྲྀ་བྷྲྀ། བྷྲ་ཧྨ་བྷྲ་ཧྨ་ཡ། བྷྲྀ་ཀུཊྚ་
D477.083.0281b05.01སརྦྦ་མཱ་རཱ་ན་སརྦྦ་དུ་མ་ཊ་མ་ཊ། མོ་ཊ་མོ་ཊ། ཧཱུྃ་བྷྲྀ། ཧཱུྃ་ཏྣྃ། ཏྲ་ཊ་ཏྲ་ཊ། བྷྲྀ་ཧུྃ་ཧྲྀ་ཧུྃ་ཏྲོྃ་ཏྲ་ཊ། འདི་བརྗོད་མ་ཐག་ཏུ་དེ་དག་སྔ་མ་བཞིན་དུ་སྐྲག་ནས་དབང་ཕྱུག་ཆེན་པོའི་ཐད་དུ་ཉེ་བར་ལྷགས་སོ། །དེ་ནས་དབང་ཕྱུག་སྔ་མ་བཞིན་དུ་བདག་གི་ཆེ་བ་ཉེ་བར་སྟོན་ཅིང་གཏོགས་འདོད་ལ་སྨྲས་པ། ཁྱེད་
D477.083.0281b06.01ཀྱང་མཐུ་ཆེན་པོའི་ལྷ་ཆེན་པོ་སྟེ་གདུག་པ་ཐམས་ཅད་ཀྱི་ཚོགས་ཀྱི་བདག་པོ་ཡིན་ན། རང་གི་མཐུ་རྒྱ་ཆེན་པོའི་རྫུ་འཕྲུལ་ཉེ་བར་སྟོན་པས་གདུག་པ་དེ་རྣམས་དབུགས་དབྱུང་བར་མཛོད་ཅིག །དེ་ནས་གཏོགས་འདོད་དེ་མ་ཐག་ཏུ་རང་གི་མཐུ་འཇིགས་བྱེད་ཀྱི་གཟུགས་འཁོར་ལོའི་ནག་པོ་ཆེན་
D477.083.0281b07.01