完整藏文原文 · 德格版页 当前仅加载第 83 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་མཛད། །གཤེགས་པར་མི་མཛད། གསུང་བར་ཡང་མི་མཛད། རྣམ་པར་རྟོག་པར་ཡང་མི་མཛད། དེ་བཞིན་དུ་བཅོམ་ལྡན་འདས་ཤིན་ཏུ་བདེ་བ་ཆེན་པོས་ནམ་མཁའི་དབྱིངས་ཐམས་ཅད་དུ་ཤིན་ཏུ་ཁྱབ་པར་ཤིན་ཏུ་དགྱེས་པ་ཆེན་པོའི་བདེ་བ་ལས་བཙལ་ཏེ་རྒྱས་
D477.083.0276a01.01པར་མཛད་པ་ན། དེར་དེ་བཞིན་གཤེགས་པ་ཐམས་ཅད་དྲངས་བཅུག་བཅིངས་དབང་དུ་བྱས་ཏེ། འདོད་པ་ལྔའི་ཡོན་ཏན་གྱིས་མཉེས་པར་བྱས་ཏེ་བཞུགས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུ་བ་མཛད་ནས། ཡང་ནས་ཡང་བཅོམ་ལྡན་འདས་
D477.083.0276a02.01ལ་གཟིགས་ཏེ། བདེ་བ་ཆེན་པོ་ཤིན་ཏུ་དགྱེས་པ་དང་གཉིས་སུ་མེད་པར་ལོངས་སྤྱོད་པ་དཔལ་ཆེན་པོ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བསྐུལ་ནས་བཅོམ་ལྡན་འདས་ཀྱི་ཐུགས་ཀར་ཞུགས་ཏེ། བྱང་ཆུབ་ཀྱི་སེམས་ཆེན་པོ་ལ་ཡང་ཐིམ་པར་གྱུར་པ་ན། ཁམས་གསུམ་འདིར་
D477.083.0276a03.01དམ་པའི་ཆོས་སྟོན་པ་དང་། འཇུག་པར་བྱེད་པ་དང་། བསྟན་པ་ལ་གནས་པར་བྱེད་པ་འགའ་ཡང་མེད། སངས་རྒྱས་དང་། ཆོས་དང་། དགེ་འདུན་འཇུག་པར་བྱེད་པ་ཡང་མེད། ཁྲོས་པ་དང་གཏུམ་པོ་ཆེན་པོ་དང་། རྔམ་པ་དང་། རབ་ཏུ་གདུག་པ་ཆེན་པོར་སེམས་པ་དང་། འདོད་ཆགས་
D477.083.0276a04.01དང་། ཞེ་སྡང་དང་། གཏི་མུག་གི་མུན་པས་བསྒྲིབས་པ་དང་། གཏུམ་འཁྲུགས་ཆེན་པོ་དང་། གཞན་གྱི་སྲོག་ཕྲོག་པ་དང་། གཞན་གྱི་སེམས་ཕྲོག་པ་དང་། བུད་མེད་ཀྱིས་འཆུམས་པ་དང་། ཚིག་རྩུབ་མོ་ལ་སོགས་པའི་ཉོན་མོངས་པ་དང་། ཉེ་བའི་ཉོན་མོངས་པས་གཞན་ལ་གཙེས་པ་
D477.083.0276a05.01དང་། གཅིག་གི་ཤ་གཅིག་གིས་ཟ་བ་དང་། ཐབས་མེད་པའི་ལམ་ལ་གནས་པ་རྣམས་ཀྱིས། ཀྱེ་མའོ་འཇིག་རྟེན་གསུམ་པོ་འདི་བརླག་གོ་ཞེས་སྔོན་གྱི་སྨོན་ལམ་ལས་ཀྱི་སྟོབས་ལ་གནས་པའི་དེ་བཞིན་གཤེགས་པ་རྣམས་ཀྱིས་གཟིགས་སོ། །ཐབས་དང་ཤེས་རབ་ཀྱི་ཐུགས་རྗེའི་སྨོན་ལམ་ཆེན་
D477.083.0276a06.01པོ་ནམ་མཁའི་དབྱིངས་ཀུན་ཏུ་འཇུག་པའི་ཡང་དག་པར་གནས་པ་འདི་ལྟ་བུའི་འཇིག་རྟེན་གྱི་ཁམས་ཐམས་ཅད་རབ་ཏུ་བརླག་པར་གཟིགས་ནས། དེ་བཞིན་གཤེགས་པ་ཐམས་ཅད་ཀྱི་བདག་པོ་ཤིན་ཏུ་དགྱེས་པ་ཆེན་པོའི་བདེ་བ་ཡང་དག་པར་ཞུགས་པ་ཀུན་ཏུ་བཟང་པོ་ཆེན་པོ་དཔལ་རྡོ་རྗེ་སེམས་
D477.083.0276a07.01