完整藏文原文 · 德格版页 当前仅加载第 83 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པ། ཡོ་བྱད་ཕྱི་ཡི་ཐམས་ཅད་དང་། །གོས་དང་རྒྱན་ལ་སོགས་པའོ། །ཉེ་བའི་ཁ་ཟས་རྣམས་ལ་ནི། །ཤ་དང་ཁྲག་ལས་ཡང་དག་བསྒྲུབ། །འབྲས་བུ་རྩ་བ་ཚད་མེད་དོ། །མཆོག་ཏུ་བདེ་བ་ཡིད་ཚིམ་པ། །འདི་ཡིས་མཆོད་པ་བྱས་པ་ན། །མཁའ་
D477.083.0291a01.01འགྲོ་མ་ནི་དངོས་གྲུབ་འགྱུར། །བུས་པའི་ཤ་ལས་རབ་བསྒྲུབ་པའི། །འོ་མ་དམ་པས་ཐོད་པ་དགང་། །མཁའ་འགྲོ་མ་ཀུན་དབུལ་བྱས་ན། །དཀྱིལ་འཁོར་འདིར་ནི་དངོས་གྲུབ་འགྱུར། །གཏོར་མའི་མཆོད་པའི་ཡོ་བྱད་ཀྱི་ཡེ་ཤེས་སོ། །དེ་ནས་དེ་བཞིན་གཤེགས་པ་ཐམས་ཅད་
D477.083.0291a02.01དང་། རྡོ་རྗེ་འཛིན་ཐམས་ཅད་བཞེངས་ཏེ་ཕྱག་འཚལ་ནས་ཡང་གཅིག་ཏུ་སྟུག་པོར་འདུ་བ་མཛད་དེ་བཅོམ་ལྡན་འདས་ལ་གསོལ་བ་འདེབས་སོ། །རྣལ་འབྱོར་ཀུན་གྱི་ཡེ་ཤེས་མཚན། །རྡོ་རྗེ་རྣལ་འབྱོར་མ་རྣམས་ཀྱི། །ཐམས་ཅད་བརྡ་རྣམས་དྲན་གྱུར་པ། །བཅོམ་ལྡན་འདས་ཀྱིས་
D477.083.0291a03.01བཤད་དུ་གསོལ། །དེ་ནས་བཅོམ་ལྡན་འདས་ཤིན་ཏུ་དགྱེས་པ་ཆེན་པོའི་རོ་མྱོང་བ་དང་འབྲེལ་བའི་དཔལ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་ནམ་མཁའ་ལ་འགྲོ་བ་དང་། མཁའ་ལ་འགྲོ་མ་ཐམས་ཅད་ཀྱི་བརྡའི་ཕྱག་རྒྱ་འདི་གསུངས་སོ། །ཀ་ནི་འདོད་པ་
D477.083.0291a04.01བྱེད་འདོད་ཕྱིར། །བདག་ནི་འདོད་ཅན་སྨྲས་ཡིན་ཏེ། །གཏི་མུག་ལྡོངས་པས་མ་བྱིན་ན། །མྱུར་དུ་དམ་ཚིག་དེ་ཉམས་སོ། །དམ་ཚིག་དམ་ཚིག་ཅན་མཐོང་ན། །ལག་པ་གཡས་པ་བརྐྱང་བྱས་ཏེ། །དེས་ཀྱང་གཡོན་པ་བརྐྱང་བ་ཡིས། །རང་གི་ནུ་མ་རབ་བསྡམས་ན། །མགོ་
D477.083.0291a05.01བོས་གཡོན་དུ་འདུད་བྱས་ནས། །ཕྱག་བྱེད་བདེ་བ་དྲིས་པ་ཡིན། །ལག་པ་གཡོན་པ་དཀུར་བརྟེན་ན། །དེ་ཡིས་ཕྱག་ནི་བྱས་པར་འགྱུར། །གཡོན་པ་མགོ་རུ་གཞག་པ་ཡི། །གཡོན་དུ་འདུད་པས་ཕྱག་ལན་ནོ། །གཡོན་གྱི་སྨིན་མ་བསྐྱོད་པ་ཡིས། །མྱུར་དུ་ཕྱག་ནི་བྱས་པར་འགྱུར། །
D477.083.0291a06.01སྦྱོར་བ་ཤིན་ཏུ་བརྩོན་པ་ཡིས། །གཡས་ཀྱི་སྨིན་མས་ཕྱག་ལན་བྱ། །གཡས་ཀྱི་ལག་པས་སྙིང་ག་རུ། །སྦྱོར་དང་ལྡན་པས་མཉེ་བྱས་ན། །འདི་ནི་རྡོ་རྗེ་སློབ་དཔོན་མཆོག །དེ་ཡི་མཚན་མར་ཤེས་པར་བྱ། །གཡོན་གྱི་ཁྲོ་མོ་བསྒྲེང་བ་ཡི། །ནམ་ཞིག་དེ་ལྟར་བསྟན་
D477.083.0291a07.01