完整藏文原文 · 德格版页 当前仅加载第 83 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་ཉེས་པ་མེད། །དཀའ་ཐུབ་མེད་དེ་དཀའ་བའང་མེད། །སངས་རྒྱས་ཐམས་ཅད་མཉམ་སྦྱོར་བ། །ང་ཉིད་སྦྱོར་བས་འགྲུབ་པར་འགྱུར། །ལུས་དང་ངག་སེམས་རྡོ་རྗེ་ཡི། །རྡོ་རྗེ་སེམས་དཔའ་ཉིད་དུ་འགྱུར། །རྡོ་རྗེ་དབབ་པ་སྐྱེས་གྱུར་ན། །ཇི་ཙམ་འདོད་པ་ནམ་མཁར་འཕུར། །
D477.083.0300a01.01སྙིང་གར་རྡོ་རྗེ་ཁུ་ཚུར་བཅིངས། །རྡོ་རྗེ་ལྟ་བས་རྣམ་བལྟས་ཏེ། །དགྱེས་པའི་ཚུལ་གྱིས་བསྙེན་བྱས་ན། །རྡོ་རྗེ་སེམས་དཔའ་སྐད་ཅིག་འགྱུར། །རྣམ་སྒེག་དགྱེས་པའི་རྣམ་གནོན་པས། །རབ་དགྱེས་སར་ནི་འགྲོ་བྱེད་དེ། །སངས་རྒྱས་བདེ་བ་ཆེན་པོ་དང་། །གྲུབ་པ་ཡིས་ཀྱང་མཆོད་
D477.083.0300a02.01བྱེད་ཅིང་། །རྡོ་རྗེ་སེམས་དཔའི་རྒྱ་ཆེ་མཆོག །འགྱིང་བའི་ལངས་པས་གར་བྱེད་པས། །བདེ་བྱེད་ཟླ་བའི་འོད་འདྲ་ཞིང་། །ལས་ཀྱི་ཁྱད་པར་ལས་སོགས་གནོན། །སྦས་པའི་གར་གྱིས་གར་བྱས་པས། །སྦས་པ་སྦྱོར་བའི་བདག་ཉིད་འགྲུབ། །སྣ་ཚོགས་དཀྱིལ་འཁོར་གར་བྱེད་ཅིང་། །
D477.083.0300a03.01ལག་པ་མང་པོ་རྣམ་བསྒྱུར་དང་། །ཕྱིར་བརྐྱང་དབྱིངས་སུ་ལྡན་པ་དང་། །ཁྲོ་བར་དྲི་མེད་ལྟ་བ་ཡིས། །གདུལ་དཀའ་གནོན་པ་འཇིགས་བྱེད་པའི། །འཇིག་རྟེན་གསུམ་པོ་རྣམ་རྒྱལ་འགྱུར། །མེ་འབར་ཉི་མའི་དབུས་ཉིད་དུ། །ཁྲོ་བོ་ཧཱུྃ་མཛད་བསྒོམ་བྱས་ན། །མྱུར་དུ་འཇིག་རྟེན་དོན་བསྒྲུབ་
D477.083.0300a04.01ཕྱིར། །འཇིག་རྟེན་གསུམ་པོ་རྣམ་རྒྱལ་འགྱུར། །ལྷ་མོ་བཞི་དང་མཉམ་སྦྱོར་བས། །སུ་ར་ཏ་སྟྭྃ་ཞེས་སྨྲ་ཞིང་། །ཧ་ར་ཐིག་ལེ་ཚུལ་སྦྱར་ན། །རབ་དགྱེས་དེ་མ་ཐག་ཏུ་འགྱུར། །རབ་དགྱེས་མཆོག་ཏུ་བརྟག་པ་ཡིས། །ས་ཆེན་རྣལ་འབྱོར་འགྲོ་འགྱུར་ཏེ། །ལྷ་མོ་བཞི་དང་
D477.083.0300a05.01འགྲོགས་པ་ཡིས། །སེམས་ཅན་རྣམས་ཀྱི་དོན་ཀུན་བྱེད། །དེ་ནས་དེ་བཞིན་གཤེགས་པ་དེ་དག་ཐམས་ཅད་བདེ་བ་ཆེན་པོ་ལ་ཕྱག་བཞེས་ནས་གསོལ་པ། ཐལ་མོ་ཡང་དག་སྦྱར་བྱས་ཏེ། །ཕྱག་རྒྱ་དེ་ཉིད་ཉིད་ཀྱིས་ཤོད། །རྡོ་རྗེ་མཆོག་ལ་གསོལ་བ་འདེབས། །བདེ་བའི་བདག་ཉིད་མཆོད་པ་
D477.083.0300a06.01ཤོད། །གཟུགས་དང་སྒྲ་དང་དྲི་ཆེ་དང་། །རོ་དང་རེག་པ་ཡིད་འོང་བ། །ཐུགས་རྗེ་ཆེན་པོས་བསྒྲུབས་པ་ཡིས། །དཔའ་བོ་ཆེན་པོ་ཉིད་ཀྱིས་ཤོད། །དེ་ནས་བཅོམ་ལྡན་བདེ་བྱེད་ཆེ། །རྡོ་རྗེ་སེམས་དཔའ་བདག་པོ་ཆེ། །ཕྱག་རྒྱ་བཅིངས་པ་བདེ་བ་ཆེ། །དེ་ཉིད་མཆོག་ནི་བཤད་
D477.083.0300a07.01