完整藏文原文 · 德格版页 当前仅加载第 83 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་རྡོ་རྗེ་ཤིན་ཏུ་དགྱེས་པ་ཆེན་པོས་དེ་དག་གི་གསོལ་བའི་ཚིག་ཉེ་བར་གསན་ནས་མཉམ་པ་ཉིད་ཀྱི་བདེ་བའི་གནས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཞུགས་མ་ཐག་ཏུ་བཅོམ་ལྡན་འདས་ཀྱིས་བདེ་བ་དང་ཡིད་བདེ་བ་སྒྲུབ་པའི་ཐབས་
D477.083.0286a01.01མང་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་སྟེ། བདེ་བ་ཆེན་པོའི་སྤྲོ་བའི་ཆོ་འཕྲུལ་ཆེན་པོས་ལྷའི་འཁོར་ཐམས་ཅད་དབང་བསྐུར་ཏེ། དེ་ནས་དབང་ཕྱུག་ཆེན་པོ་ལ་སོགས་པའི་ལྷ་ཆེན་པོ་དེ་དག་བདེ་བ་ཆེན་པོའི་སྤྲོ་བའི་ཆོ་འཕྲུལ་གྱིས་དབང་བསྐུར་བས་ཡིད་བདེ་བར་གྱུར་ཏེ། བཅོམ་
D477.083.0286a02.01ལྡན་འདས་ཀྱི་ཞབས་ལ་ཡང་དང་ཡང་དུ་གཏུགས་ནས་བསྐོར་བ་བྱས་ཏེ། ཇི་ལྟ་བ་བཞིན་དུ་ཀུན་ཏུ་ཡོངས་སུ་བསྐོར་ནས་གནས་སོ། །དེ་ནས་བཅོམ་ལྡན་འདས་རྡོ་རྗེ་ཤིན་ཏུ་དགྱེས་པ་ཆེན་པོ་དེ་བཞིན་གཤེགས་པས་ཡང་རྡོ་རྗེ་གཟུངས་མ་ཤིན་ཏུ་དགྱེས་པ་བདེ་བ་ཆེན་མོའི་དམ་ཚིག་དང་སྦྱོར་བའི་
D477.083.0286a03.01ཐབས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཅང་མི་གསུང་བར་བཞུགས་ནས། དེ་མ་ཐག་ཏུ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེའི་ཁྲོ་མོ་དབང་མོ་ཆེན་མོ་ཞེས་བྱ་བ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོྃ་སརྦ་ཏ་ཐཱ་ག་ཏ་མ་ཧཱ་བཛྲ་ཀྲོ་དྷེ་ཤྭ་རི་སརྦ་དུཥྚཱ་ནི་
D477.083.0286a04.01མུ་དྲཱ་ཎི་མ་ཧཱ་པྲ་ལ་ཡཱ་ན་ལཤྨ་ཤཱ་ན་བྷཱི་ཥ་ཎི། བཛྲ་མ་ཧཱ་ཀྲོ་དྷ་དཾཥྚཱ་ཀ་རཱ་ལོ་གྲ་ཏ་བ་ཏ་ནེ། སརྦ་ཤ་ཏྲཱུྃ། པྲ་ཤ་མ་ནི། ཧཱུྃ་ཧཱུྃ་མ་ཧཱ་ཀྲོ་དྷེ་ཤྭ་རི་ཧཱུྃ་ཕཊ་ཕཊ། འདིས་ཇི་ལྟ་བ་བཞིན་དུ་བྱིན་གྱིས་བརླབས་ནས། དབུས་ཀྱི་དཀྱིལ་འཁོར་དུ་གཞག་སྟེ། དཔུང་པ་བཅུ་དྲུག་ལ་ཕྱག་ན་མཚོན་ཆ་སྣ་ཚོགས་
D477.083.0286a05.01བསྣམས་པ། ཞལ་གསུམ་པ་མདོག་ཨིནྡྲ་ནཱི་ལའི་འོད་འབར་བ་འདྲ་བ། རྡོ་རྗེ་དང་། ཐོད་པའི་འཁར་བ་དང་། ཐོད་པ་དང་། མདུང་དང་། སྟ་རེ་དང་། ཞགས་པ་དང་། རྩེ་གསུམ་པ་དང་། བེ་ཅོན་དང་། མུ་སུ་ར་དང་། འཁོར་ལོ་དང་། ཀ་ན་ཡ་དང་། ཏོ་མ་ཡ་དང་། གཞུ་དང་། མདའ་
D477.083.0286a06.01དང་། ཤ་ག་ཏི་དང་། གྲི་རྣམས་ཕྱག་ན་འཛིན་པ། ཐོད་པའི་ཕྲེང་བས་དབུ་རྒྱན་བྱས་པ། ཉི་མ་བརྒྱ་དང་མེའི་འོད་འདྲ་བའོ། །དེའི་མདུན་དུ་རྡོ་རྗེ་ཁྲག་འཐུང་ཆེན་མོ་དེ་དང་འདྲ་བའི་གཟུགས་དང་ཆ་ལུགས་འཛིན་པ་རིག་པ་འདིས་གཞག་པར་བྱའོ། །ཨོཾ་མ་ཧཱ་བཛྲ་དྷ་ར་མ་ཧཱ་ཀྲོ་དྷེ་ཤྭ་རི་མ་ཧཱ་ཤྨ་ཤཱ་
D477.083.0286a07.01