完整藏文原文 · 德格版页 当前仅加载第 83 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
གཉིས་གཉིས་ཀྱིས་ཕྱོགས། །ཁ་འབྱེད་སྣ་ཚོགས་མཚོན་ཆ་གཏོང་། །ཞལ་ལྔ་སྣ་ཚོགས་ཡངས་ཆེ་བ། །བགེགས་སྤོང་ཐམས་ཅད་དངོས་གྲུབ་མཛད། །དཀྱིལ་འཁོར་གང་བར་བཞག་ནས་བྱང་དུ་གནས། །སྣ་ཚོགས་རྡོ་རྗེ་བདག་མོར་རྡོ་རྗེ་ཡང་དག་གིས། །ཐུགས་ཀར་མཛད་ནས་
D477.083.0278b01.01བདེ་བར་ཡང་དག་གནས། །སྔགས་མཁན་ཞག་བདུན་དུ་ནི་བསྒོམ་བྱས་ན། །སྣ་ཚོགས་གྱུར་ཏེ་སྣ་ཚོགས་དེ་ལ་བབ། །སྣ་ཚོགས་ལས་ནི་སྣ་ཚོགས་བྱེད་པར་འགྱུར། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་མཆོག་ཏུ་ངོ་མཚར་དུ་གྱུར་ཏེ། དབྱངས་ཆེན་པོ་ལེན་ཅིང་
D477.083.0278b02.01དཀྱིལ་འཁོར་ཆེན་པོའི་དབུས་ཀྱི་བཅོམ་ལྡན་འདས་ལ་མཉེས་པ་མཛད་དོ། །གཙོ་བོ་བྱིན་གྱིས་བརླབ་པའི་ཕྱིར། །ཡེ་ཤེས་ལྔ་ཡི་ངོ་བོ་དག །རྒྱལ་བ་ཉིད་ཀྱིས་བཤད་པར་མཛོད། །སངས་རྒྱས་སྐུ་ལ་བསྟོད་ཕྱག་འཚལ། །སྔགས་རིག་ཕྱག་རྒྱ་ཡན་ལག་བཅས། །ལྷ་ཡི་དེ་
D477.083.0278b03.01ཉིད་ཕ་རོལ་ཕྱིན། །བདག་ནི་དེ་ཉིད་སྣ་ཚོགས་ཆེ། །སྣ་ཚོགས་ཡེ་ཤེས་བསྟོད་ཕྱག་འཚལ། །གཟུངས་ཀྱི་པདྨོ་ཡང་དག་ལྡན། །འདོད་བྱེད་ཐུགས་ཀྱི་མཆོག་ཡིན་ཏེ། །ཤེས་རབ་ཕ་རོལ་ཕྱིན་སྦྱོར་བ། །སྦྱོར་བའི་ཡེ་ཤེས་བསྟོད་ཕྱག་འཚལ། །ཆོས་ཀྱི་དོན་ནི་གཉིས་མེད་ཚུལ། །
D477.083.0278b04.01སྟོང་པ་ཉིད་ཀྱི་ལམ་རིག་པ། །ཡངས་པའི་སྤྱན་ནི་སོ་སོར་གཟིགས། །མེ་ལོང་ཡེ་ཤེས་ཡང་དག་འབྱུང་། །བྱ་བ་ནན་ཏན་སེམས་ཅན་དོན། །རང་གི་ཡོན་ཏན་མི་མཉམ་ཤོད། །དེ་ཉིད་རིག་པའི་སེམས་ཅན་ཀུན། །རྡོ་རྗེ་གསུམ་གྱིས་བྱིན་རླབས་པ། །གང་གིས་བྱིན་གྱིས་བརླབས་
D477.083.0278b05.01མ་ཐག །སངས་རྒྱས་གསུམ་ནི་དབང་དུ་འགྱུར། །དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་གཉིས་སུ་མེད་པའི་མཉམ་པ་ཉིད་ཀྱི་རྡོ་རྗེ་ཡེ་ཤེས་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། དེ་བཞིན་གཤེགས་པ་ཐམས་ཅད་ཀྱིས་བྱིན་གྱིས་བརླབས་པའི་འབྲུ་འདི་ཉིད་
D477.083.0278b06.01ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཨོྃ་བྷྲུྃ། སྟོང་པ་ཆེན་པོའི་སྙིང་པོའོ། །ཨོྃ་བཛྲ་ཙིཏྟ་ཧཱུཾ། ཨོྃ་བཛྲ་ཀཱ་ཡ་ཨོྃ། ཨོྃ་བཛྲ་བཱཀ་ཨཱཿ། ཨོྃ་བཛྲ་ཨ་བྷི་ཥིཉྩ་ཏྲཱྃ། བཛྲ་ས་མ་ཡ་ཧོཿ། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཤིན་ཏུ་མགུ། རབ་ཏུ་དགྱེས་
D477.083.0278b07.01