完整藏文原文 · 德格版页 当前仅加载第 83 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་རྒྱས་བཏབ་འདུད་པར་འགྱུར། །སེམས་དཔའ་ཆེན་པོ་དཔའ་བོ་ལ། །དབྱངས་འདི་ཡིས་ནི་བསྐུལ་མཛད་ཅིང་། །ཤིན་ཏུ་དགྱེས་ཆེ་དཀྱིལ་འཁོར་དུ། །རྣལ་འབྱོར་མ་ཀུན་གནས་པར་འགྱུར། །ཤིན་ཏུ་དགྱེས་ཆེ་རྡོ་རྗེ་དག །སངས་རྒྱས་ཀུན་གྱི་བདེ་ཆེན་པོ། །
D477.083.0250a01.01དཀྱིལ་འཁོར་མཆོག་ཏུ་དགྱེས་པ་ཡི། །དེ་ཉིད་བཅོམ་ལྡན་ཉིད་ཀྱིས་ཤོད། །རྣམ་པ་ཀུན་ཏུ་སྐྱེ་བ་མེད་པའི་བདེ་བས་རོལ་ཅིང་ཆུབ་མཛད་པའི། །བདག་ཅག་གཟུགས་ཀྱི་དམ་དང་བཅས་ཏེ་རྣམ་སྤྱོད་འགྱུར་བ་མེད་པའི་ཡིད། །བདེ་མཆོག་བྱང་ཆུབ་སེམས་ནི་རྣམ་པ་ཀུན་ཏུ་སྡུག་བསྔལ་
D477.083.0250a02.01ཡོངས་བྲལ་ཏེ། །ཆེ་བའི་ཡེ་ཤེས་ལྷུན་གྲུབ་མཆོག་ལྡན་བདེ་སྤྱོད་བདེ་ལ་རོལ་པར་མཛོད། །ཨ་ལ་ལ་ཧོ། །འདི་ནི་གླུ་རུ་བླངས་པ་ཡིས། །ཤིན་ཏུ་སྲིད་པས་མྱ་ངན་འདས། །དགའ་ཆེན་དེ་བཞིན་གཤེགས་པ་རྣམས། །དཀྱིལ་འཁོར་འདི་ལ་བྱིན་གྱིས་རློབ། །དེ་ནས་
D477.083.0250a03.01བཅོམ་ལྡན་འདས་རྡོ་རྗེ་བདེ་བ་ཆེན་པོ་ཞལ་འཛུམ་པ་དང་བཅས་པས་རྒྱས་པའི་སྤྱན་ཨུཏྤ་ལ་ཁ་ཕྱེ་བ་བཞིན་སྨིན་མ་དང་སྐུ་རྣམ་པར་འགྱུར་བ། གློག་དང་ཆུ་རླབས་བཞིན་དུ་འགྱུར་བའི་རྣམ་པར་གནོན་པས་ཉིད་ཀྱི་སྐུ་དང་། གསུང་དང་། ཐུགས་རྡོ་རྗེ་ལས་དེ་ཁོ་ན་ཉིད་འདི་གསུངས་སོ། །
D477.083.0250a04.01དཀྱིལ་འཁོར་དཀྱིལ་འཁོར་ཞེས་བྱ་བ། །རྡོ་རྗེ་ཡེ་ཤེས་ཐུགས་ལ་གནས། །དཀྱིལ་འཁོར་རྡོ་རྗེའི་མཆོག་ཉིད་ནི། །བདག་ཉིད་སྦྱོར་བས་བརྟགས་པ་ཡིན། །རྡོ་རྗེ་དགྱེས་པ་ཆེན་པོ་ཡི། །དཀྱིལ་འཁོར་ཟླ་བ་གང་བ་འདྲ། །འོད་ཟེར་དཀར་པོའི་ཕྲེང་བས་མཛེས། །བྱང་ཆུབ་སེམས་
D477.083.0250a05.01མཆོག་འདྲ་བ་ཡིན། །རྡོ་རྗེ་དཔའ་བོའི་དཀྱིལ་འཁོར་ནི། །མཛེས་པའི་ཟླ་བ་ཁམ་པ་ལ། །མཐིང་གའི་འབར་བ་ཀུན་རྒྱས་པ། །མེ་དང་རླུང་གིས་བུས་པ་བཞིན། །ཤིན་ཏུ་དགྱེས་པའི་མཆོག་སྒྲུབ་པ། །རྡོ་རྗེ་རིན་ཆེན་དཀྱིལ་འཁོར་ནི། །དགའ་བྱེད་དཀྱིལ་འཁོར་ཆ་བརྒྱད་ཀྱི། །འབར་
D477.083.0250a06.01དང་བཅས་པའི་ཉི་མ་བཞིན། །དཀྱིལ་འཁོར་དགྱེས་མཆོག་འབྱུང་བྱེད་པ། །པདྨོའི་དབང་པོ་པདྨ་འདྲ། །འདབ་མ་བརྒྱད་པོ་གྱེས་པ་ཡི། །གེ་སར་ཟླ་བས་མཛེས་བྱས་པའོ། །ཐམས་ཅད་ལས་ནི་གྲུབ་བྱེད་པ། །རྡོ་རྗེའི་ལས་ཀྱི་དཀྱིལ་འཁོར་ནི། །དགའ་བྱེད་དཀྱིལ་འཁོར་
D477.083.0250a07.01