完整藏文原文 · 德格版页 当前仅加载第 83 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱང་། །ཀླུ་མོ་དང་ནི་རྟ་གདོང་ཡང་། །འོངས་ནས་བདེ་བ་སྦྱོར་བ་ཡིས། །ཡིད་དུ་འོང་བས་མཆོད་པར་བྱེད། །དེ་ནས་དབང་པོ་ལྷ་ཆེན་པོ། །བདག་ཉིད་ཆེན་པོ་ལྷ་ཡི་ལྷ། །ཀྱེ་མའོ་བདེ་བ་སྣ་ཚོགས་ཉིད། །སྣ་ཚོགས་སྦྱོར་བ་བདེ་བ་ཆེ། །མགུ་ཞིང་རབ་
D477.083.0297a01.01ཏུ་རངས་པ་ཡིས། །ལྷ་ཡི་ལྷ་ནི་སྔོན་དུ་འགྲོ། །དཔའ་བོ་བདེ་ལ་ཕྱག་བྱས་ཏེ། །ཀྱེ་མའོ་བདེ་བ་བདེ་བ་ཆེ། །རང་གི་བདེ་བས་མངོན་མཆོད་ཅིང་། །འཇིགས་ཤིང་སྐྲག་པས་མཉེས་པར་བྱེད། །ཚད་མེད་རངས་པ་བཞད་པ་ཆེ། །གླུ་གར་མཆོག་ཏུ་ལྡན་པ་དང་། །བཟའ་དང་
D477.083.0297a02.01བཅའ་བ་ཤ་ཆེན་དང་། །སིལ་སྙན་ཕྲེང་བ་རོ་ཆེན་དང་། །གླིང་བུ་རྒྱུད་{མངས་,མང་}རྫ་རྔ་དང་། །པི་ཝང་པ་ལ་ཀི་ག་ཧ་ལ་ལེ། །སྟག་དང་དཔའ་བོ་འཇིགས་པ་དང་། །ཞི་དང་རྨད་འབྱུང་འཇིགས་བྱེད་དང་། །བདག་དང་ཁྲོས་དང་སྤྱན་རྒྱས་པས། །སྐད་ཅིག་སྐད་ཅིག་མཆོད་བྱེད་
D477.083.0297a03.01ཅིང་། །བྱེད་པ་དང་ནི་བཟློག་པ་དང་། །འཕྲོག་པ་དང་ནི་གཞུག་པ་དང་། །སིད་ཅེས་པ་དང་ཧཱུྃ་ཧཱུྃ་དང་། །ཧ་ཧ་ཞེས་པས་མཉེས་བྱེད་ཅིང་། །རབ་དགྱེས་བདག་ཉིད་བདེ་བ་ཡི། །རང་གི་ཆུང་མས་མཉེས་པར་བྱེད། །དེ་ནས་བཅོམ་ལྡན་འདས་ཀུན་ཏུ་བཟང་པོ་ཆེན་པོ་རབ་
D477.083.0297a04.01ཏུ་དགྱེས་པ་བདེ་བ་ཆེན་པོས། ནམ་མཁའ་དང་ནམ་མཁའི་སྐབས་ཐམས་ཅད་ལ་གནས་པའི་སངས་རྒྱས་ཐམས་ཅད་དང་བྱང་ཆུབ་སེམས་དཔའ་དང་། རང་རྒྱལ་དང་ཉན་ཐོས་དང་། རང་བཞིན་གྱིས་འགག་པ་དང་། ངོ་བོ་ཉིད་མེད་པའི་ཆོས་ཉིད་ཀྱི་ཡེ་ཤེས་ལ་གནས་པ་
D477.083.0297a05.01རྣམས་ཤིན་ཏུ་དགྱེས་པ་ཆེན་པོའི་བདེ་བའི་ཐབས་དང་། ཤེས་རབ་ཀྱི་བདེ་བས་བཀུག་སྟེ་དབང་བསྐུར་ནས། ཤིན་ཏུ་དགྱེས་པ་ཆེན་པོའི་བདེ་བའི་ཏིང་ངེ་འཛིན་ལ་ཡང་དག་པར་འཇོག་པ་དང་། ཤིན་ཏུ་དགྱེས་པ་ཆེན་པོའི་བདེ་བའི་ཆོས་ཉིད་ཀྱི་རྒྱལ་པོ་རྗེས་སུ་སྐྱོང་ཞིང་མི་
D477.083.0297a06.01མཉམ་པ་དང་མཉམ་པ། ནམ་མཁའ་དང་མཉམ་པའི་འཇིག་རྟེན་གྱི་ཁམས་ཆེན་པོ་མ་ལུས་པའི་སེམས་ཅན་གྱི་ཁམས་རྣམས་སུ་རབ་ཏུ་གཟིགས་པས་གཟིགས་ནས། འཇིག་རྟེན་དང་། ལྷར་བཅས་པ་རྣམས་ལ་བདེ་བ་ཆེན་པོས་ཁྱབ་པར་མཛད་དོ། །སེམས་ཅན་དང་རིགས་
D477.083.0297a07.01