完整藏文原文 · 德格版页 当前仅加载第 81 函德格 275b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྷོ་ཡི་མཚམས་སུ་ནི། །མེ་ལོང་ཡེ་ཤེས་སུ་ནི་བཤད། །རྣམ་པར་སྣང་མཛད་རྣམ་དག་ཉིད། །བདེ་དང་སྡུག་བསྔལ་འཇིགས་དང་སྐྱོ། །ཚོར་བའི་མཚན་ཉིད་དུ་ནི་འདོད། །ཚོར་བ་ཆུ་ཡི་ཁམས་དང་ནི། །ཕྱི་རོལ་སྒྲ་ནི་རྡོ་རྗེ་དང་། །རྣ་བ་ཕྱག་ན་རྡོ་རྗེར་བཤད། །
D445.081.0275b01.01རིགས་ནི་གཉིས་པོ་འདྲེས་པ་ཉིད། །དྲི་ཡི་རྡོ་རྗེ་ཕྱི་རོལ་འགྱུར། །སྣ་ཡི་རྣམ་ཤེས་མཁའ་སྙིང་བོ། །ཁྲོ་བོ་གཉིས་པོ་རྣམ་པར་ཤེས། །མཉམ་ཉིད་རིན་ཆེན་འབྱུང་བ་དང་། །དངོས་དང་དངོས་མེད་སོགས་འདུ་ཤེས། །སྔ་མ་རྗེས་དྲན་མཚན་ཉིད་ཅན། །འདུ་ཤེས་ཕུང་
D445.081.0275b02.01པོ་མེ་ཁམས་དང་། །ཕྱི་རོལ་དྲི་ཡི་རྡོ་རྗེ་དང་། །ལྕེ་ཡི་རྣམ་ཤེས་འཇིག་རྟེན་མགོན། །དེ་བཞིན་ཁྲོ་བོའི་རྒྱལ་པོ་གཉིས། །དེ་ནི་སོ་སོར་རྟོག་ཡེ་ཤེས། །འོད་དཔག་མེད་ཀྱི་རིགས་ལས་བྱུང་། །དགེ་དང་མི་དགེའི་ལས་རྣམས་ཀྱིས། །བག་ཆགས་འདུ་བྱེད་
D445.081.0275b03.01མཚན་ཉིད་ནི། །འདུ་ཤེས་ཕུང་པོ་རླུང་གི་ཁམས། །ཕྱི་རོལ་རོ་ཡི་རྡོ་རྗེ་དང་། །ལུས་ཀྱི་རྣམ་ཤེས་སྒྲིབ་རྣམ་སེལ། །ཀུན་བཟང་ཚིགས་ཀྱི་མཚམས་དབུས་བཞུགས། །དེ་བཞིན་ཁྲོ་བོའི་རྒྱལ་པོ་གཉིས། །བྱ་བ་ནན་ཏན་གྲུབ་ཡེ་ཤེས། །དོན་ཡོད་གྲུབ་པའི་
D445.081.0275b04.01རིགས་ལས་བྱུང་། །དངོས་པོ་ཀུན་གྱི་རང་བཞིན་ནི། །ཡེ་ཤེས་མཚན་ཉིད་རྣམ་ཤེས་བརྗོད། །རྣམ་པར་ཤེས་པ་ནམ་མཁའི་ཁམས། །ཡིད་ཀྱི་རྣམ་ཤེས་འཇམ་རྡོ་རྗེ། །དེ་བཞིན་ཁྲོ་བོའི་རྒྱལ་པོ་གཉིས། །ཤིན་ཏུ་རྣམ་དག་ཆོས་ཀྱི་དབྱིངས། །མི་བསྐྱོད་པ་ཡི་
D445.081.0275b05.01རིགས་ལས་བྱུང་། །མངོན་པར་བྱང་ཆུབ་རྣམ་པ་ལྔ། །གཞལ་ཡས་ཁང་ན་འདི་དག་བཞུགས། །དེ་ཉིད་ཁམས་ཀྱི་དབྱེ་བ་ཡིས། །རིམ་པ་ཇི་བཞིན་བཤད་པར་བྱ། །སྐྲ་རུས་ཕྱི་ས་མཆིལ་མ་སྙིང་། །ས་ནི་རྣམ་སྣང་བདག་ཉིད་དོ། །སྤུ་དང་རྣག་དང་ཉེ་བའི་
D445.081.0275b06.01སྙིང་། །སེན་མོ་ཆུ་ཡི་ཁམས་སུ་ཤེས། །རིན་ཆེན་འབྱུང་ལྡན་བདག་ཉིད་ཀྱི། །རིགས་ཀྱི་རྟེན་དུ་ཤེས་པར་བྱ། །སོ་དང་པགས་པ་ཤ་དང་སྙིང་། །མེ་ཡི་ཁམས་ཞེས་བྱ་བར་བརྗོད། །འོད་དཔག་མེད་ཀྱི་རང་བཞིན་དང་། །རིགས་ཀྱི་དབྱེ་བར་ཤེས་པར་བྱ། །
D445.081.0275b07.01