完整藏文原文 · 德格版页 当前仅加载第 81 函德格 243a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ། །སངས་རྒྱས་དམ་ཆོས་དགེ་འདུན་ནི། །གསུམ་ཕྱེ་དམ་ཚིག་མཚན་ཉིད་དང་། །སྟོང་ཉིད་ཡེ་ཤེས་རྡོ་རྗེ་ནི། །རྣམ་གསུམ་དེ་ཉིད་མཚན་ཉིད་དོ། །རྒྱུ་དང་འབྲས་བུ་ཉེ་འཁོར་ནི། །རྣལ་འབྱོར་གསུམ་གྱི་མཚན་ཉིད་དོ། །རླུང་དང་བད་ཀན་མཁྲིས་
D445.081.0243a01.01པ་ནི། །གསུམ་ཕྱེ་ཁམས་ནི་བསྡུས་པའོ། །འདོད་ཁམས་གཟུགས་ཁམས་གཟུགས་མེད་ཁམས། །འཇིག་རྟེན་གསུམ་པོའི་མཚན་ཉིད་དོ། །རྩ་བ་གསུམ་དང་འབྲས་བུ་གཅིག །རིམ་བཞིན་གྱུར་ནས་ཆོས་འཁོར་འགྲོ། །དེ་ནི་སྤྲུལ་པ་གསུམ་དུ་གསལ། །སྐུ་གསུང་
D445.081.0243a02.01ཐུགས་ཀྱི་རང་བཞིན་གྱིས། །གང་ཚེ་དེ་ལ་དེ་སྦྱོར་བ། །དེ་ནི་གཟས་ཟིན་མཚན་ཉིད་དོ། །གང་ཚེ་ཅུང་ཟད་སྦྱོར་བ་ན། །དེ་ཚེ་ཕྱེད་འཛིན་མཚན་ཉིད་དོ། །གང་ཕྱིར་སྲོག་གི་རླུང་བཅོམ་ན། །དེ་ཚེ་འཆི་བའི་མཚན་ཉིད་ཡིན། །རྩ་ཡི་གཙོ་བོའང་ཉིད་རྣམས་ནི། །གསུམ་པོ་ངེས་པ་
D445.081.0243a03.01ཞེས་ནི་བྱ། །རྒྱས་པར་རྣལ་འབྱོར་མ་རྒྱུད་ལས། །རྣལ་འབྱོར་པ་ཡིས་གསལ་པོར་ཤེས། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་མཚམས་ཀྱི་རྩ་གསུམ་གྱི་ངེས་པའི་ལེའུ་སྟེ་སུམ་ཅུ་གཅིག་པའོ།། །།དེ་ནས་གཞན་ཡང་བཤད་ཀྱིས་
D445.081.0243a04.01ཉོན། །རླུང་སྐྱེ་བ་ཡི་མཚན་ཉིད་ནི། །དུས་ཀྱི་གླགས་ནི་བཙལ་བ་ན། །ཇི་ལྟར་དངོས་སུ་ཡང་དག་ཤེས། །བག་ཆགས་ཉོན་མོངས་ཅན་གྱི་ཡིད། །རང་གི་ངོ་བོ་གཟུགས་གཞན་མཐོང་། །དོན་ནི་ཤེས་པར་མི་ཤེས་ཤིང་། །རླུང་ཙམ་གཅིག་པུས་རྨོངས་པའོ། །ཀུན་
D445.081.0243a05.01གཞི་རྣམ་ཤེས་བཀུག་ནས་ནི། །བག་ཆགས་ནང་དུ་རྣམ་པར་སྤྱོད། །བག་ཆགས་ཀྱིས་ནི་རྣམ་ཤེས་བཟུང་། །བག་ཆགས་དང་འདྲེས་རིམ་པ་ལས། །ནང་གི་བག་ཆགས་བསྒོས་པ་ཡིས། །དེ་རྣམས་ཟླ་མཚན་དུས་སུ་ནི། །མངལ་གྱི་རྩལ་འཇུག་པ་ན། །རྡོ་རྗེ་ཁུ་
D445.081.0243a06.01ཁྲག་ཞུ་ཐིག་ལེ། །འདྲེས་པ་རུ་ནི་གྱུར་པ་དང་། །ཀུན་གཞི་ལས་ནི་རྣམ་ཤེས་སྐྱེ། །ཇི་ལྟར་ཆང་རོས་མྱོས་པ་བཞིན། །ཀུན་གཞི་རྣམ་ཤེས་བག་ཆགས་ལས། །རྣམ་པར་ཤེས་པའི་རྒྱུན་ནི་སྐྱེ། །ཉོན་མོངས་ཅན་ཉིད་སྲོག་རླུང་ཉིད། །སྐད་ཅིག་གཅིག་ལ་ཡང་དག་འགྲོ། །
D445.081.0243a07.01