完整藏文原文 · 德格版页 当前仅加载第 81 函德格 234b 版页；藏文 NFD、目录标记与异常页序保留在来源切片中，重复版页行以稳定序号区分。
དུས་ཀུན་དུ་ནི་འཕེལ་བར་རིགས། །རྣལ་འབྱོར་བྱིས་པས་མི་ཤེས་པ། །སྐད་ཅིག་གཅིག་མངོན་རྫོགས་བྱང་ཆུབ། །དེ་ཡིས་ཐོབ་པར་རྒྱུད་འདིར་གསུངས། །དེ་ནི་གང་ཚེ་སྐད་ཅིག་ཐོབ། །དེ་ནི་སྐད་ཅིག་མཆོག་ཏུ་གསུངས། །དེ་ཡང་ཇི་ལྟར་ཐོབ་པར་བྱེད། །དེ་ལ་
D445.081.0234b01.01རིགས་པ་རུ་ནི་བརྗོད། །ཐོག་མར་རྣལ་འབྱོར་པ་ཆེན་པོ། །བློ་བཟང་གིས་ནི་ཞི་གནས་བསྒོམ། །བསྐྱེད་པའི་རིམ་པའི་སྦྱོར་བ་ཡིས། །ཁྲོ་བོའི་ཕྱག་རྒྱ་བྱས་ནས་ཀྱང་། །དབང་པོ་ཡི་ནི་སྒོ་དགུ་ལ། །ཐམས་ཅད་དུ་ནི་ཀུན་རྫོབ་པ། །ཧཱུྃ་བཟླས་པ་ནི་མཚུངས་པ་མེད། །མཆོག་ཏུ་རྒྱུན་མི་འཆད་
D445.081.0234b02.01པར་ནི། །ཟླ་བ་གཅིག་ཏུ་བཟླས་བྱས་ན། །དེ་རྗེས་སྐད་ཅིག་དེ་ལ་ཐོབ། །གང་ཕྱིར་དེ་ནི་བཟླས་བྱས་ན། །སྙིང་གའི་པདྨའང་སྟེང་བལྟས་འགྲོ། །དེ་ནས་གསང་བའི་པདྨ་ལས། །ཁ་སྦྱོར་བ་ནི་དེ་བས་ཀྱང་། །རྣམ་པར་རྟོག་པའི་རླུང་གཉིས་ནི། །དེ་ལས་རྣམ་པར་བཅས་ནས་འགྲོ། །རྣམ་རྟོག་མེད་པའི་རླུང་ཆེན་པོ། །
D445.081.0234b03.01སྐུ་གསུང་རྡོ་རྗེ་བཅད་ནས་ནི། །རྣམ་རྟོག་མེད་པའི་བདེ་བ་སྟེར། །སྔགས་ཀྱི་དེ་ཉིད་ཀྱིས་ནི་འཐོབ། །ཨ་བ་དྷཱུ་ཏཱིའི་རྒྱུན་ལ་གནས། །སྨིན་དབུས་རླུང་ནི་བཅད་བྱས་པ། །དེ་ཐོབ་ཐོབ་བྱས་དགའ་བ་ནི། །རྒྱུན་དུ་འཆང་ཞིང་མི་བཟད་པ། །ཆགས་སོགས་བྲལ་ཞིང་ཞི་བ་དང་། །རང་
D445.081.0234b04.01རིག་བདེ་བ་ཆེན་པོའོ། །འདིར་ནི་རྒྱུ་མཚན་བཤད་པར་བྱ། །སྔགས་གྲུབ་པ་ཡི་རྣལ་འབྱོར་པས། །འདར་དང་རྡུལ་དང་བ་སྤུ་ལངས། །རྟག་ཏུ་དགའ་བའི་བསམ་པ་དང་། །གདོང་ནི་ཟངས་མདོག་ཡིད་དུ་འོང་། །ཀུན་གྱིས་མཐོང་དང་དགའ་བ་དང་། །གྲངས་ལྷག་ཆད་པ་ལ་
D445.081.0234b05.01སོགས་དང་། །འཇིག་རྟེན་ཆོས་དང་དེ་བཞིན་གནས། །རྣལ་འབྱོར་སྔགས་ཀྱི་དེ་ཉིད་ནི། །གནོད་པ་ཉིད་དུ་མི་འགྱུར་རོ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་སྐུ་གསུམ་གྱི་སྙིང་པོ་བཤད་པའི་ལེའུ་སྟེ་ཉི་ཤུ་གཉིས་པའོ།། །།དེ་ནས་གཞན་ཡང་
D445.081.0234b06.01བཤད་ཀྱིས་ཉོན། །དེ་ཉིད་གསུམ་གྱི་ཚིག་བསྟན་བྱ། །བདག་ཉིད་སྔགས་སོགས་བྱེད་པ་ཡིས། །ཇི་ལྟ་བ་བཞིན་རིམ་པ་རྣམས། །བདག་གི་དེ་ཉིད་རྣལ་འབྱོར་མཆོག །རྡོ་རྗེ་སེམས་དཔའ་ཉིད་ཀྱི་རྒྱུ། །སངས་རྒྱས་ཀུན་གྱི་རང་བཞིན་བདག །སངས་རྒྱས་ཀུན་གྱི་སྐུ་གཅིག་བུ། །
D445.081.0234b07.01