完整藏文原文 · 德格版页 当前仅加载第 81 函德格 258b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱ། །ཨོྃ་དང་པྲ་ཏི་བཛྲ་དང་། །ས་མནྟ་དང་ཨི་ཤྭ་རི། །ཨཱཿཧཱུྃ་སྭཱ་ཧཱའི་མཐའ་ཅན་སྔགས། །བཟླས་ནས་སློབ་མས་དོར་བར་བྱ། །སར་འབབ་པ་ཡི་ཕུར་བུ་སྟེ། །ཕྱོགས་ནི་གང་དུ་ལྟ་བ་ཉིད། །སློབ་དཔོན་དང་ནི་སློབ་མ་ཡིས། །དེ་ཡི་ཕྱོགས་བལྟས་ཉལ་བར་བྱ། །
D445.081.0258b01.01ནམ་ལངས་ཡང་དག་བླ་མ་ལ། །ཇི་ལྟར་མཐོང་བའི་དོན་ཀུན་ཞུ། །དེ་ལ་དམིགས་ནས་སྦྱིན་སྲེག་ནི། །ཞི་བ་ལ་སོགས་རབ་དབྱེ་བས། །ལས་ནི་ཐམས་ཅད་པ་ཉིད་དམ། །བགེགས་ཞི་བ་ཡི་དོན་དུ་བྱ། །རྡོ་རྗེ་སེམས་དཔའ་བསྒྱིངས་བཅས་པས། །རྣལ་འབྱོར་ཇི་བཞིན་
D445.081.0258b02.01ཆོ་ག་བཞིན། །སྔར་བཞིན་འདིར་ཡང་གཏོར་མ་ནི། །བགེགས་རྣམས་ཞི་ཕྱིར་སྦྱིན་པར་བྱ། །དེ་ནས་གསོལ་འདེབས་སློབ་མ་ནི། །རྡོ་རྗེ་སློབ་དཔོན་ཐུགས་རྗེས་ཁྱབ། །ཐལ་མོ་སྦྱར་བར་བྱས་ནས་ནི། །མདུན་དུ་འདུག་ནས་ཕྱག་བྱས་ཏེ། །དགའ་ཆེན་ཁྱོད་བདག་སྟོན་པ་
D445.081.0258b03.01བས། །སློབ་དཔོན་ཁྱོད་ནི་དགོངས་སུ་གསོལ། །བྱང་ཆུབ་ཆེན་པོའི་ཚུལ་བསྟན་པ། །མགོན་པོ་ཆེན་པོ་བདག་འཚལ་ལོ། །དམ་ཚིག་དེ་ཉིད་སྩལ་དུ་གསོལ། །སྡོམ་པ་རྣམས་ཀྱང་བདག་ལ་སྩོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་
D445.081.0258b04.01འཚལ། །དེ་ནས་བླ་མས་དེ་ལ་ཡང་། །བྱ་དང་མི་བྱ་གསུངས་པ་ནི། །སེམས་ཅན་ལས་ཀྱི་སྲད་བུས་གདབ། །རྡུལ་ཚོན་བཀྱེ་བའི་རིམ་པ་དགྱེ། །འགྲོ་བ་འདི་དག་དཀྱིལ་འཁོར་ཏེ། །རང་བཞིན་དག་པ་གཉིས་མེད་པའོ། །ཐོག་མར་དཀྱིལ་འཁོར་རྣལ་འབྱོར་བདག །རྡོ་རྗེ་
D445.081.0258b05.01སློབ་དཔོན་རང་ཉིད་བསྒོམ། །སློབ་མ་བདག་ཉིད་འདྲར་དམིགས་ནས། །དེ་འོག་ཐམས་ཅད་རབ་བསྒྲུབ་བྱ། །བླ་མ་བཟང་ལ་དབང་བསྐུར་ཕྱིར། །སློབ་མས་དེ་རྗེས་གསོལ་བ་གདབ། །འདི་ནས་འཁོར་བའི་རྒྱ་མཚོ་ལ། །ཉོན་མོངས་ཆུ་སྲིན་ན་ཀྲས་ཁྱབ། །ལས་ཀྱི་རླུང་གིས་
D445.081.0258b06.01དབའ་ཀློང་འཁྲུགས། །བདག་བྱིན་ཐུགས་རྗེའི་རྒྱ་མཚོ་ཀྱེ། །མི་ཤེས་ལིང་ཏོག་གིས་བསྒྲིབས་མིག །ཉོན་མོངས་དབང་དུ་བྱ་བ་ནི། །བདེ་བ་སྡུག་བསྔལ་འཇིགས་ལས་སྐྱོབ། །ཐུགས་རྗེའི་རྒྱ་མཚོས་བདག་སྐྱབས་མཛོད། །དེ་འདྲ་ཚིག་གསན་རྡོ་རྗེ་ཅན། །ཐུགས་རྗེའི་
D445.081.0258b07.01