完整藏文原文 · 德格版页 当前仅加载第 81 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི་ཤེས་པར་དཀའ། །བསམ་གྱིས་མི་ཁྱབ་མཆོག་ཏུ་ནི། །ཐིག་ལེ་ནཱ་ད་རྣམ་པར་སྤངས། །བདེ་བ་ཀུན་གྱི་གཞི་གསང་བ། །སྲོག་གི་རྟེན་གྱི་མཚན་ཉིད་དང་། །རྡོ་རྗེ་དབྱིངས་ཀྱི་དབང་ཕྱུག་དང་། །དུས་ཀྱི་རྩ་ནི་རྣམ་པར་བཤད། །རོ་གཅིག་གོ་འཕང་བདག་ཉིད་ཅན། །རྣལ་
D445.081.0242b01.01འབྱོར་མ་ཡི་རྒྱུད་ལས་ཤེས། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་རྩ་འབབ་པའི་མཚན་ཉིད་ཀྱི་གོ་ཆ་ཞེས་བྱ་བའི་ལེའུ་སྟེ་སུམ་ཅུ་པའོ།། །།དེ་ནས་གཞན་ཡང་བཤད་ཀྱིས་ཉོན། །མཚམས་ཀྱི་རྩ་ཡི་ངོ་བོ་ཉིད། །རྩ་རྣམས་སྡོམ་པ་
D445.081.0242b02.01འཆར་བ་ནི། །གང་གིས་ཤེས་ན་རྟག་ཏུ་ནི། །མཆོག་ཏུ་དགའ་བ་ཉམས་མྱོང་བ། །ལྷ་ཡི་ཡེ་ཤེས་གསལ་བར་བྱེད། །ལྷ་ཡི་སྔགས་སུ་ཡང་དག་སྦྱོར། །ལྷ་ཡི་རྣལ་འབྱོར་དོན་ངེས་པ། །དེ་ཉིད་གསུམ་སྦྱོར་དྲི་མ་མེད། །དེ་གསུམ་ཅིག་ཆར་བདག་ཉིད་སྡོམ། །
D445.081.0242b03.01འཇིག་རྟེན་གསུམ་དུ་ཁྱབ་ཅིང་ཕྲ། །ལུས་ཀུན་ལ་ནི་ཡང་དག་བརྟེན། །ཡེ་ཤེས་སེམས་དཔའ་རྡོ་རྗེ་སེམས། །གང་ཕྱིར་དམ་ཚིག་སེམས་དཔའ་བདེ། །རྣལ་འབྱོར་མཆོག་ཏུ་ཤེས་པར་བྱ། །ཁྱབ་པའི་དེ་ཉིད་རྨད་བྱུང་བ། །མཆོག་རབ་མཆོག་དང་ཕྲ་བ་
D445.081.0242b04.01དང་། །རང་བྱུང་ཡེ་ཤེས་མི་ཟད་པ། །བྱང་སེམས་སུམ་ཅུ་རྩ་གཉིས་འབབ། །རྩ་ནི་ཐམས་ཅད་མཆོག་ཏུ་རྒྱས། །བདེ་བ་ཆེན་པོའི་འཁོར་ལོར་གནས། །ཆ་ཀུན་བདག་ཉིད་རྩ་བ་ནི། །དེ་ཡི་དབུས་སུ་རྩ་གསུམ་སྟེ། །གཙོ་བོ་ཡང་ནི་ཡང་དག་བཤད། །ཟླ་བ་
D445.081.0242b05.01ཉི་མ་མེ་རྒྱུ་བ། །འབྱུང་བ་ཐམས་ཅད་ལ་ནི་ཁྱབ། །ཇི་ལྟར་ཤིང་རྩ་ཅུང་ཟད་ཅིག །ས་ལ་བརྟན་པར་གནས་པ་ན། །སྡོང་བུ་ཡལ་ག་འདབ་ཕྲེའུ། །སོགས་པ་ཡིས་ནི་ཀུན་ནས་ཁྱབ། །དེ་བཞིན་སྐྱེས་བུ་མགོར་ལྡན་པས། །ཕུང་པོ་ཁམས་ལ་སོགས་ཚོགས་
D445.081.0242b06.01ལ། །མཆོག་ཏུ་ཀུན་ནས་ཁྱབ་པའོ། །རྣམ་པར་ཐར་པའི་སྒོ་གསུམ་དངོས། །དེ་ཁོ་ན་ཉིད་གསུམ་སྡོམ་པ། །འདོད་ཆགས་ཞེ་སྡང་གཏི་མུག་དང་། །རང་བཞིན་མཚན་ཉིད་དབྱེ་བ་གསུམ། །མཚན་མོ་ཉིན་མོ་མཚམས་ཀྱིས་ཀྱང་། །དམ་ཚིག་མཚན་ཉིད་རྣམ་པ་
D445.081.0242b07.01