完整藏文原文 · 德格版页 当前仅加载第 81 函德格 209b 版页；藏文 NFD、目录标记与异常页序保留在来源切片中，重复版页行以稳定序号区分。
བདེ། །ཨེ་མའོ་ལྷན་ཅིག་སྐྱེས་བདུད་རྩི། །རོ་བསྟེན་ཐུགས་རྗེ་ཆེན་པོ་སྐྱེ། །བཅོམ་ལྡན་སེམས་ཅན་ཐམས་ཅད་ཀྱི། །སེམས་ཅན་དོན་ཀུན་གསལ་བར་མཛད། །དེ་ཉིད་གསུམ་གྱི་རོ་གཅིག་པ། །ཕྱག་རྒྱ་ཆེན་པོ་རབ་དབྱེ་བ། །བཅོམ་ལྡན་རྣལ་འབྱོར་ཆེ་ལ་དགྱེས། །འཆིང་བ་
D445.081.0209b01.01ཐམས་ཅད་གཅོད་མཛད་ཀྱི། །བཅོམ་ལྡན་དགྱེས་པ་ཆེར་མཛད་ཅིང་། །འགྲོ་བ་སྐལ་བཟང་ངེས་པར་མཛད། །ཨེ་མའོ་རྡོ་རྗེ་ཐེག་པ་བདེ། །རབ་ཏུ་དགའ་ཞིང་མགུ་བ་སྩོལ། །ཨེ་མའོ་སྔགས་ནི་རབ་རྒྱས་པ། །རང་བྱུང་གོ་འཕང་སྒྲུབ་པ་པོ། །ཨེ་མའོ་ཤིན་ཏུ་ཟབ་མོའི་ཆོས། །
D445.081.0209b02.01དམིགས་པ་མེད་པར་སྟོན་པར་མཛད། །ཨེ་མའོ་རྡོ་རྗེ་འཆང་ཆེན་གཙོ། །གསང་བའི་བདག་པོ་ཤིན་ཏུ་གསང་། །ཨེ་མའོ་མཆོག་ཏུ་བྱང་ཆུབ་པ། །ཨེ་མའོ་སྤྲོས་པ་རྣམ་སྤངས་ཤིང་། །བདེན་པའི་དོན་ནི་གསལ་མཛད་པ། །ཐེག་པའི་སྒྲོན་མས་སྣང་བར་མཛད། །མགོན་པོ་
D445.081.0209b03.01བདག་ཅག་ཁྱེད་དྲིན་གྱིས། །རྡོ་རྗེ་སེམས་དཔའི་གོ་འཕང་ཐོབ། །མགོན་པོ་བདག་ཅག་ལམ་ལོག་ཞུགས། །ཁྱེད་ཀྱིས་ཡང་དག་ལམ་ལ་བཀོད། །མགོན་པོ་བདག་ཅག་མུན་པར་འཐོམས། །ཡེ་ཤེས་སྣང་བ་ཐོབ་པར་མཛད། །དམ་ཚིག་རྡོ་རྗེ་ཉི་མ་ཀྱེ། །ཕྱག་རྒྱ་ཆེན་པོའི་དོན་
D445.081.0209b04.01སྟོན་མཛད། །བཅོམ་ལྡན་ཁྱོད་ལ་ཕྱག་འཚལ་བསྟོད། །ཐུགས་རྗེའི་ཕྱག་རྒྱ་ཆེ་བདག་ཉིད། །ཕྱག་འཚལ་གཉིས་མེད་དགའ་བའི་མཁའ། །དགའ་བའི་ཟླ་བ་ཁྱེད་ལ་འདུད། །ཅེས་བྱ་བ་ལ་སོགས་པའི་ཚིགས་སུ་བཅད་པས་བཅོམ་ལྡན་འདས་ལ་བསྟོད་པ་མཛད་ནས་སླར་ཡང་
D445.081.0209b05.01འདུས་པར་གྱུར་ཏེ། རྡོ་རྗེའི་ཕྲེང་བ་མངོན་པར་བརྗོད་པ་ཞེས་བྱ་བ་ཤིན་ཏུ་ཕྲ་བའི་ས་ཇི་ལྟ་བའི་ངོ་བོ་འདྲི་བར་འདོད་ནས་ཡིད་ལ་བྱེད་པ་གཅིག་པ་དང་། །སེམས་རྩེ་གཅིག་གིས་དགའ་བར་བྱེད་པའི་གསུང་ཉན་པར་འདོད་ནས་བ་སྤུ་ལྡང་བ་དང་དབུགས་གཡོ་བ་དང་བཅས་པས་ཡང་དང་ཡང་དུ་བཅོམ་
D445.081.0209b06.01ལྡན་འདས་ལ་ཕྱག་བྱེད་ཅིང་རང་གི་སྟན་ལ་འཁོད་ནས་སེམས་རེ་དོགས་དང་བཅས་པས་གནས་སོ། །བཅོམ་ལྡན་འདས་ཀྱིས་དེ་རྣམས་ཀྱི་དེ་ལྟ་བུའི་སེམས་ཀྱི་རྟོག་པ་ཐུགས་ཀྱིས་མཁྱེན་ནས་སླར་ཡང་རྡོ་རྗེའི་ཕྲེང་བ་མངོན་པར་བྱང་ཆུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་
D445.081.0209b07.01