完整藏文原文 · 德格版页 当前仅加载第 81 函德格 221a 版页；藏文 NFD、目录标记与异常页序保留在来源切片中，重复版页行以稳定序号区分。
སྦུབས་སུ། །སྒྲ་ཙམ་ཡང་དག་གནས་པ་ནི། །ཆགས་མེད་སྣང་བ་མེད་པ་དང་། །གཉིས་སུ་མེད་ཅིང་དྲི་མ་མེད། །དཔེ་བྲལ་གཡོ་བ་མེད་པ་དང་། །གཞི་མེད་བླ་གབ་མེད་པ་དང་། །ལྷ་ཡི་དབང་ཕྱུག་ཡེ་ཤེས་མཆོག །འབྱུང་དང་རྔུབ་པ་རྣམ་པར་
D445.081.0221a01.01སྤངས། །རྣལ་འབྱོར་རྣམས་ཀྱི་ལྷ་དབང་ཕྱུག །དེ་ལྟ་བུ་ནི་རྙེད་པར་དཀའ། །མཆོག་ཏུ་ཞི་བ་བདེ་བ་ཆེ། །གཟུགས་མཆོག་འཆི་བ་མེད་པའི་མཆོག །རྟེན་ཅིང་འབྲེལ་འབྱུང་རང་བཞིན་གྱིས། །རྒུན་ཆང་རོ་ཡིས་མྱོས་པ་ལྟར། །མཆོག་ཏུ་ནང་དུ་སོང་གྱུར་ནས། །དེ་བཞིན་རྣམ་
D445.081.0221a02.01པ་ཀུན་གྱི་གནས། །སྔགས་ཀྱི་དེ་ཉིད་རིག་པའི་རྟེན། །རང་གི་ཉམས་མྱོང་རྟོག་པའི་གནས། །དེ་ནས་སྟོན་པ་བླ་མེད་པ། །རྡོ་རྗེ་སེམས་དཔས་ཞུས་པ་ནི། །བཅོམ་ལྡན་དེ་ཉིད་ཞི་བ་མཁྱེན། །སྔགས་ཀྱི་དེ་ཉིད་རབ་དབྱེ་བ། །གང་གིས་རྣམ་པར་ཤེས་ཙམ་གྱིས། །དེ་ཁོ་ན་ཉིད་
D445.081.0221a03.01འགྲུབ་པར་འགྱུར། །དེ་ནས་རྡོ་རྗེ་ཅན་གྱིས་གསུངས། །སྔགས་ཀྱི་དེ་ཉིད་བླ་ན་མེད། །མཆོག་དང་རབ་མཆོག་ཕྲ་བ་དང་། །ཡེ་ཤེས་ཆེན་པོ་མཆོག་ཆེན་པོ། །སྙིང་པོ་ཡི་ཡང་སྙིང་པོ་མཆོག །ཡང་དག་བཤད་ཀྱིས་མཉན་པར་གྱིས། །རྒྱུད་རྣམས་ཀུན་དུ་སྦས་པ་རྣམས། །
D445.081.0221a04.01གསང་བའི་གོ་འཕང་འཕོ་བ་མེད། །ལྟེ་བའི་འཁོར་ལོ་དེ་ཉིད་མཆོག །སྒྲ་ཙམ་དུ་ནི་ཡང་དག་གནས། །སྟོང་ཉིད་ཆེན་པོའི་དབུས་སུ་ཐིམ། །བདེ་བ་ཆེན་པོའི་གོ་འཕང་གསལ། །གཉིས་མེད་འཇིགས་བྲལ་ཞི་བ་དང་། །སྣང་བ་མེད་ཅིང་ཀུན་རྫོབ་མེད། །གཉིས་མེད་ཏིང་
D445.081.0221a05.01འཛིན་སྦྱོར་བ་ཡིས། །སྔགས་ཀྱི་དེ་ཉིད་རབ་གསལ་བ། །ཐོག་མ་མེད་ཅིང་ཞི་བ་དང་། །དངོས་དང་དངོས་མེད་བདག་ཉིད་གཙོ། །སྟོང་ཉིད་སྙིང་རྗེ་དབྱེར་མེད་པ། །བྱང་ཆུབ་སེམས་ཀྱི་རང་བཞིན་ནི། །དེ་ཚེ་ཐོག་མར་སྟོང་ཉིད་སྒོམ། །སྣང་བ་མེད་པའི་གོ་འཕང་ཞི། །རང་
D445.081.0221a06.01བཞིན་མེད་གནས་ཉམས་དགའ་བ། །རྣམ་རྟོག་མེད་ལ་མཆོག་ཏུ་བརྟེན། །སྟོང་ཉིད་ཡེ་ཤེས་མཚུངས་པ་མེད། །བྱང་ཆུབ་སེམས་ཀྱི་རྒྱུད་དང་ནི། །ཡི་གེ་ཧཱུྃ་ལས་ཡང་དག་བྱུང་། །རྣལ་འབྱོར་ཤེས་པ་རྨད་བྱུང་ཆེ། །དེ་ཉིད་གསུམ་ནི་རོ་གཅིག་དོན། །ཨ་བདྷཱུ་ཏཱིའི་
D445.081.0221a07.01