完整藏文原文 · 德格版页 当前仅加载第 81 函德格 230a 版页；藏文 NFD、目录标记与异常页序保留在来源切片中，重复版页行以稳定序号区分。
གཡས་པ་ཉི་མའི་རྣམ་པ་དང་། །གཡོན་པ་ཟླ་བའི་རྣམ་པར་འབྱུང་། །གང་ཚེ་གཡས་པའི་ཉི་མ་ནི། །དེ་ཚེ་ཁྲག་འགྱུར་བདེ་བའོ། །གང་ཚེ་གཡོན་པའི་ཟླ་བ་གསལ། །བདེ་བ་ཀུན་ཀྱང་དེ་ལྟ་བུའོ། །དེ་གཉིས་ཁོངས་སུ་ཆུད་པའི་མེ། །ཡན་ལག་བདུན་
D445.081.0230a01.01ཉིད་ཡང་དག་གནས། །སྔོན་ལ་རླུང་གི་རྣམ་ཤེས་ནི། །བརྒྱ་ལམ་གང་ཚེ་འཁྲུལ་གྱུར་ན། །ཕ་ཡི་མཁའ་ལ་མཚུངས་པར་གནས། །དེ་ཚེ་ཆགས་པའི་དབང་དུ་འགྱུར། །གསང་གནས་ཟླ་མཚན་ལྡན་པའི་རྩ། །མེ་དང་ཉི་མ་འཆར་བ་ན། །དེ་ཚེ་ལྷག་པར་ཆགས་
D445.081.0230a02.01པས་ནོན། །ཆགས་པ་མཆོག་ཏུ་འདོད་པར་འགྱུར། །རྡོ་རྗེ་པདྨ་འདྲེས་པའི་གདོང་། །འཇུག་པ་ཕ་ཡི་ཁ་ཡི་རླུང་། །དེ་ཚེ་ས་བོན་དུ་ནི་འགྱུར། །ས་བོན་ལས་ནི་སེམས་ཅན་འབྱུང་། །དེ་ཕྱིར་རྩ་ལས་ཡང་དག་འཆར། །འབྲས་བུ་ངོ་མཚར་ཅན་ནི་སྐྱེ། །དེ་ཉིད་བྱང་
D445.081.0230a03.01ཆུབ་སེམས་ཀྱང་ནི། །འཛིན་པ་སྲོག་ནི་བསྡུས་པའོ། །ཡེ་ཤེས་མཆོག་དང་དེ་ཉིད་མཆོག །མཆོག་ཏུ་བདེ་བ་རྨད་བྱུང་ཆེ། །ཡེ་ཤེས་རྣལ་འབྱོར་ཐོབ་པ་ཡིས། །མཆོག་ཏུ་བདེ་བ་བླ་ན་མེད། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་རྩའི་འཁོར་ལོའི་
D445.081.0230a04.01གནས་ཀྱི་རིམ་པར་བསྟན་པའི་ལེའུ་སྟེ་བཅུ་བདུན་པའོ།། །།དེ་ནས་གཞན་ཡང་བཤད་བྱ་བ། །རྣལ་འབྱོར་ལུས་ལ་རིམ་ཇི་བཞིན། །རྩ་རྣམས་རྟག་ཏུ་ཡང་དག་ནི། །རྒྱུད་པ་ཡི་ནི་རིགས་ཀྱིས་སྐྱེ། །གསལ་བ་རུ་ནི་མ་གསུངས་པ། །དད་པའི་བསམ་པ་རྣམ་སྤངས་
D445.081.0230a05.01པ། །སྐྱེ་བོ་སྐལ་བ་མེད་དོན་དུ། །གང་དུའང་གསལ་བར་མ་གསུངས་པ། །སྙིགས་མ་ལྔ་ཞེས་བྱ་བའི་དུས། །སེམས་ཅན་མྱུར་དུ་དངོས་གྲུབ་དོན། །སྣོད་དུ་བྱ་བར་འདོད་པ་ཡིས། །རང་བྱུང་ཡེ་ཤེས་རྨད་བྱུང་བ། །རྣལ་འབྱོར་ལུས་ཀྱི་བདེ་ཆེན་པོའི། །འཁོར་ལོའི་
D445.081.0230a06.01རྩ་ནི་སུམ་ཅུ་གཉིས། །བྱང་ཆུབ་སེམས་ནི་གསལ་འབབ་པའི། །རྩ་རྣམས་ཡང་དག་རྣམ་བཤད་བྱ། །དེ་ནི་བདེ་བ་ཆེན་པོའི་གནས། །དེ་ནི་མཚན་ཉིད་བཤད་པར་བྱ། །ཀ་ཙ་ཊ་ཏ་པའི་སྡེ་ཚན། །ཡ་རལ་ཝ་ཥ་ཤ་ས། །དེ་དག་རིམ་པར་ཤེས་པར་བྱ། །སླར་ཡང་དེ་
D445.081.0230a07.01