完整藏文原文 · 德格版页 当前仅加载第 81 函德格 250b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནི། །བླ་མ་བརྒྱུད་པ་ལས་ཤེས་བྱ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཕུང་པོ་ལ་སོགས་པ་དང་སྐྱེ་མཆེད་ཀྱི་མཚན་ཉིད་ཀྱི་ལེའུ་སྟེ་བཞི་བཅུ་ལྔ་པའོ།། །།དེ་ནས་གཞན་ཡང་བཤད་བྱ་བ། །ཕྱག་རྒྱ་ཆེན་པོའི་དོན་མཚན་ཉིད། །
D445.081.0250b01.01རྣལ་འབྱོར་ཆེན་པོའི་འབྲས་བུ་ཞི། །ཡེ་ཤེས་ཆེན་པོའི་དོན་བསྡུས་པ། །བདེ་བ་ཆེན་པོའི་སྐལ་བ་ཆེ། །རོ་མཆོག་ཆེན་པོའི་བདག་ཉིད་ཅན། །སྒྱུ་མ་ཆེན་མོ་མཆོག་ཏུ་ཕྲ། །ཆེན་པོའི་ཆེན་པོ་ནམ་མཁའ་ཆེ། །ཕྱག་རྒྱ་དེ་བཞིན་གཤེགས་ཡེ་ཤེས། །རྣམ་རྟོག་
D445.081.0250b02.01མེད་པའི་གོ་འཕང་སྟེ། །མི་ཕྱེད་རྡོ་རྗེ་སེམས་དཔའི་གནས། །རྣམ་རྟོག་མེད་པའི་བདེ་བ་ཆེ། །ནམ་མཁའ་བཞིན་དུ་གོས་པ་མེད། །རང་བཞིན་མེད་ཅིང་གཞི་དང་བྲལ། །གཉིས་མེད་བདག་མེད་བརྗོད་དུ་མེད། །རྣལ་འབྱོར་རྣམས་ནི་རང་རིག་པ། །ཕུང་པོ་ཁམས་དང་
D445.081.0250b03.01སྐྱེ་མཆེད་ཆའི། །ཀུན་རྟོག་ཆོས་ནི་ཡོངས་སུ་སྤངས། །སྒོམ་དང་བསྒོམ་བྱ་སྙོམས་འཇུག་དང་། །རིམ་པ་གཉིས་ནི་རྣམ་པར་སྤངས། །རྣམ་ཤེས་ཡེ་ཤེས་དང་བྲལ་བ། །སྔགས་དང་བཟླས་བརྗོད་བསྙེན་པ་སྤངས། །དངོས་པོ་ཀུན་གྱི་གནས་ལས་བརྒལ། །ཡེ་ཤེས་ཆེན་པོ་
D445.081.0250b04.01རབ་གསོལ་བ། །དངོས་གྲུབ་ཆེན་པོ་འདིར་ཤེས་བྱ། །ཕྱག་རྒྱ་ཆེན་པོ་བླ་ན་མེད། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཕྱག་རྒྱ་ཆེན་པོའི་དོན་རྣམ་པར་ངེས་པའི་ལེའུ་སྟེ་བཞི་བཅུ་དྲུག་པའོ།། །།དེ་ནས་བཅོམ་ལྡན་རྡོ་རྗེས་གསུངས། །
D445.081.0250b05.01ཉམས་ཀྱི་མཚན་ཉིད་དབྱེ་བ་ནི། །གང་གིས་ཡོངས་ཤེས་རྣལ་འབྱོར་པ། །རྣལ་འབྱོར་ཆེན་པོ་དག་ཤེས་པར། །གྱུར་ནས་ཀྱང་ནི་ཡེ་ཤེས་ཆེ། །དེ་ཉིད་རྣལ་འབྱོར་ཀུན་ལས་བསྒྱིངས། །འདར་དང་རྡུལ་དང་བ་སྤུ་ལངས། །དབྱངས་འགྱུར་བ་དང་ལྡིབས་པ་དང་། །མདོག་
D445.081.0250b06.01འགྱུར་མཆི་འཛག་ཐིམ་པ་དང་། །སྙིང་སྟོབས་ཅན་གྱིས་འདི་བརྒྱད་ཉམས། །དགའ་བ་རྒྱས་པའི་རྩ་ཡི་ཆུ། །རྒྱགས་པའི་ཆ་ཡི་རྩ་དགའ་ནི། །ཁོང་སྟོང་འདར་བར་སྐྱེད་པར་བྱེད། །རྒྱགས་པའི་ཆུ་ཡི་རྩ་སད་ན། །རབ་ཏུ་རྔུལ་བྱེད་སྐྱེད་པར་བྱེད། །དེ་བཞིན་རྒྱགས་པས་གཡེངས་
D445.081.0250b07.01