完整藏文原文 · 德格版页 当前仅加载第 81 函德格 230b 版页；藏文 NFD、目录标记与异常页序保留在来源切片中，重复版页行以稳定序号区分。
དག་བསྡུས་ནས་ནི། །སྡེ་ཚན་ཙམ་ནི་གཅིག་ཏུ་འགྲོ། །དེ་ཡང་ཞི་བའི་ཡེ་ཤེས་མཆོག །བྱང་ཆུབ་སེམས་ལ་ཐིམ་ནས་འགྲོ། །ཀུན་རྟོག་ཐམས་ཅད་སྤངས་ནས་ནི། །བདེ་བ་ཀུན་གྱི་གཞི་ཡི་མཆོག །ཤེས་དང་ཤེས་བྱ་རྣམ་པར་སྤངས། །ཐམས་ཅད་བདག་ཉིད་རྟག་
D445.081.0230b01.01ཏུ་བཞུགས། །དེ་ལས་འཁོར་ལོ་གསུམ་དབྱེ་བས། །རྩ་ནི་བརྒྱད་ཀྱི་དབྱེ་བ་ལས། །སྐུ་གསུང་ཐུགས་ཀྱི་སྔགས་ཀྱིས་ནི། །གསུམ་ཕྱེ་བདུན་ཅུ་རྩ་གཉིས་གསལ། །དེ་ནི་སྟོང་དུ་རབ་ཕྱེ་བ། །སོ་སོར་འཕྲོས་པའི་བདག་ཉིད་ཅན། །སྟོང་ཕྲག་བདུན་ཅུ་རྩ་གཉིས་ཀྱིས། །རྩ་
D445.081.0230b02.01རྣམས་ཀྱི་ནི་གྲངས་ཞེས་བྱ། །རླུང་དང་མཁྲིས་པ་བད་ཀན་ནི། །ཁམས་གསུམ་གྱི་ནི་དབྱེ་བ་ཡིས། །སྟོང་ཕྲག་ཉི་ཤུ་རྩ་བཞིར་ནི། །འཁོར་ལོ་འཁོར་ལོའི་དབྱེ་བ་ཡིས། །རྣལ་འབྱོར་ཆེན་པོའི་རྒྱུད་ཀྱི་ནི། །ངེས་པའི་མན་ངག་རྗེས་འབྲངས་ནས། །ཕྱག་རྒྱའི་རྣལ་འབྱོར་དེ་ཉིད་
D445.081.0230b03.01མཆོག །ལྷ་ཡི་རིམ་པའི་མཚན་ཉིད་ནི། །རྩ་ནི་སོ་སོར་དབྱེ་བ་ཡིས། །བླ་མའི་ཞལ་ལས་ཤེས་པར་བྱའོ། །དེ་ལས་ཡང་ནི་སྡོམ་སྦྱོར་བར། །སོང་ནས་ཕན་ཚུན་ཀུན་ནས་བརྟེན། །སླར་ཡང་བདུན་ཅུ་རྩ་གཉིས་འགྲོ། །བདེ་ཆེན་འཁོར་ལོ་རྩ་ཡི་གནས། །རྩ་ནི་སུམ་ཅུ་རྩ་གཉིས་
D445.081.0230b04.01ལས། །དེ་ཡང་འཁོར་ལོ་སྡོམ་པར་འགྱུར། །འཁོར་ལོ་རེ་རེའི་གཙོ་བོའི་རྩ། །བརྒྱད་བརྒྱད་དུ་ནི་འགྱུར་བར་གསལ། །རྣལ་འབྱོར་ལུས་ཀྱི་རྩ་མཆོག་ཅེས། །རྨད་བྱུང་སུམ་ཅུ་རྩ་གཉིས་ནི། །ཡི་གེ་སུམ་ཅུ་གཉིས་དབྱེ་བས། །རྟག་ཏུ་རྣལ་འབྱོར་གཙོ་བོས་ཐོབ། །
D445.081.0230b05.01ཕུང་པོ་ཁམས་དང་དོན་ཡུལ་ཉིད། །དབང་པོའི་སྒོ་ནི་སྲུང་བའོ། །སུམ་ཅུ་རྩ་གཉིས་དབྱེ་བདག་ཉིད། །གསལ་བ་ཡི་ནི་དཀྱིལ་འཁོར་མཆོག །ལུས་ཀྱི་གཞལ་ཡས་ཁང་དུ་ཡང་། །དེ་ཉིད་ཀྱི་ནི་ནང་བཞུགས་པ། །དེ་བཞིན་གཤེགས་དང་ལྷ་མོ་དང་། །གཟུགས་
D445.081.0230b06.01ལ་སོགས་དང་རྒྱལ་སྲས་རྣམས། །ཁྲོ་བོ་བཅུ་ཞེས་བྱ་བ་ཡི། །དེ་ཉིད་མཆོག་ནི་ཡང་དག་བཞུགས། །སླར་ཡང་ཁྲོ་བོ་རྒྱལ་སྲས་ལ། །ནང་དུ་མི་སྣང་བར་ནི་འགྲོ། །རྒྱལ་སྲས་རྣམས་ནི་གཟུགས་ལ་སོགས། །ལྷ་མོ་རྣམས་ལ་བསྡུས་ནས་ནི། །དེ་རྣམས་ཀྱང་ནི་
D445.081.0230b07.01