完整藏文原文 · 德格版页 当前仅加载第 81 函德格 247a 版页；藏文 NFD、目录标记与异常页序保留在来源切片中，重复版页行以稳定序号区分。
ན་མེད། །དུས་ནི་དུས་ཚོད་ཞེས་ནི་བཤད། །བསམ་དང་བསམ་བྲལ་རང་དངོས་ནི། །དུས་བཟང་དང་ནི་དུས་ངན་དང་། །རྣམ་པ་གཉིས་ལ་ཡང་དག་གནས། །སྣ་ཡི་བུ་ག་ལས་བྱུང་ནས། །ཕྱི་ཡི་སྒོ་ལས་རྟག་ཏུ་འཆར། །ནང་དུ་སྡུད་པར་དུས་བཟང་
D445.081.0247a01.01གསུངས། །འབྱུང་བ་ཡང་ནི་དུས་ངན་འདོད། །དུས་ངན་ལས་ནི་གཞན་པ་མཆོག །དུས་བཟང་མཆོག་སྟེ་རང་ཉིད་ནི། །རྫོགས་ལྡན་དང་ནི་གསུམ་ལྡན་དང་། །གཉིས་ལྡན་དང་ནི་དུས་བཟང་པོ། །རྩོད་པའི་དུས་ནི་ངན་པ་སྟེ། །དེ་ལྟར་གསུངས་པའི་དུས་མཚན་ཉིད། །
D445.081.0247a02.01དགའ་དང་མཆོག་ཏུ་དགའ་བ་དང་། །ལྷན་ཅིག་སྐྱེས་པ་དུས་བཟང་སྟེ། །དགའ་དང་བྲལ་བ་ངན་དུས་སོ། །དུས་ཀྱི་མཚན་ཉིད་དེ་ལྟར་བཤད། །འཇུག་པ་དང་ནི་གནས་པའི་དུས། །དུས་བཟང་པོར་ནི་ཡོངས་སུ་གྲགས། །ལྡང་བ་ཡང་ནི་དུས་ངན་ཏེ། །དེ་ལྟར་
D445.081.0247a03.01དུས་ཀྱི་མཚན་ཉིད་དོ། །དུས་ནི་ཁམས་རྣམས་ཐམས་ཅད་དེ། །མཉམ་པ་རོ་གཅིག་གོ་འཕང་མཆོག །ཡེ་ཤེས་རྣམ་ཤེས་རྣམ་སྤངས་ཏེ། །དུས་ནི་གཅིག་ནི་བརྗོད་པ་ཡིན། །དངོས་དང་དངོས་མེད་སྤྲོས་བྲལ་བ། །བཞི་པའི་སྐད་ཅིག་མཚན་ཉིད་ནི། །བརྗོད་བྱ་
D445.081.0247a04.01རྗོད་བྱེད་ལས་གྲོལ་བ། །དུས་གཅིག་ཞེས་ནི་བརྗོད་པ་ཡིན། །ཆགས་དང་ཆགས་བྲལ་ངེས་གྲོལ་བ། །བདེ་བ་ཆེན་པོ་གོ་འཕང་སྤངས། །ཕྱག་རྒྱ་ཆེན་པོའི་དོན་གྱི་གཞི། །དུས་གཅིག་ཞེས་ནི་བརྗོད་པ་ཡིན། །མཚན་ཉིད་མེད་ཅིང་སྣང་བ་མེད། །གྲངས་ནི་རྣལ་
D445.081.0247a05.01འབྱོར་རྣམ་པར་སྤངས། །དེ་ཉིད་དུས་སུ་ངེས་བཤད་དེ། །བླ་མ་བརྒྱུད་པ་ལས་ཤེས་བྱ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་དུས་དང་དུས་ཚད་རྣམ་པར་བཤད་པའི་ལེའུ་སྟེ་སུམ་ཅུ་དགུ་པའོ།། །།དེ་ནས་གཞན་ཡང་བཤད་བྱ་
D445.081.0247a06.01བ། །གསང་བའི་འབྲས་བུ་མཆོག་ཉོན་ཅིག །གང་གིས་དངོས་གྲུབ་མཆོག་ཏུ་འགྲོ། །ཕྱག་རྒྱ་ཆེན་པོ་ཡང་དག་བསྟེན། །གསང་བ་སྦས་པ་ཞེས་ནི་བཤད། །རྣལ་འབྱོར་བྱིས་པས་མི་ཤེས་ཤིང་། །བཞི་པའི་དབང་ཞེས་བྱ་བའི་མིང་། །ཞལ་ནས་བརྒྱུད་
D445.081.0247a07.01