完整藏文原文 · 德格版页 当前仅加载第 81 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ཀུན་རྟོག་གིས། །ཁྱབ་ཀྱང་མཐོང་བ་མ་ཡིན་ནོ། །སྟོང་ཉིད་ཡེ་ཤེས་རྣལ་འབྱོར་གྱིས། །རྣལ་འབྱོར་པ་ཡིས་གསལ་བར་མཐོང་། །ཆོས་དབྱིངས་བྷ་ག་ཞེས་ནི་བརྗོད། །བྷ་ག་རིན་ཆེན་ཟ་མ་ཏོག །གང་ཕྱིར་དབང་ཕྱུག་སོགས་ཡོན་ཏན། །
D445.081.0248a01.01ལྡན་པ་དེ་ཕྱིར་བྷ་ག་བརྗོད། །བྷ་ག་ཆོས་རྣམས་སུ་ཡང་བཤད། །དབྱིངས་ནི་བྱང་ཆུབ་སེམས་སུ་གསུངས། །ཁམས་གསུམ་པ་ཡི་འགྲོ་བ་ཡི། །རྒྱུ་ནི་བྷ་ག་ཞེས་བྱར་བཤད། །དབྱིངས་ནི་ཡང་དག་སྦྱོར་དངོས་ཀྱིས། །ཆུ་ཟླ་བཞིན་དུ་ཡང་དག་གནས། །དོན་དམ་
D445.081.0248a02.01གཅིག་པུའི་དེ་ཉིད་ཤེས། །ལག་མཐིལ་སྐྱུ་རུ་བཞག་པ་བཞིན། །མཆོག་གི་དེ་ཉིད་ལྟར་ནི་སྣང་། །རང་རིག་ཤིན་ཏུ་དྲི་མ་མེད། །དངོས་དང་དངོས་མེད་ཟད་ནས་ནི། །རྟག་ཏུ་དེ་ཉིད་མཐོང་ཞིང་སྣང་། །ཆོས་ཀྱི་དབྱིངས་ཀྱི་གོ་འཕང་གསལ། །དེ་ལྟར་ཤིན་ཏུ་
D445.081.0248a03.01རྒྱས་པར་བཤད། །གཟུང་དང་འཛིན་པ་དང་བྲལ་བས། །སྦྱོར་བྲལ་ཤེས་པ་རྨད་དུ་བྱུང་། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཆོས་ཀྱི་དབྱིངས་ཀྱི་དོན་བཤད་པའི་ལེའུ་སྟེ་བཞི་བཅུ་གཅིག་པའོ།། །།དེ་ནས་བཅོམ་ལྡན་རྡོ་
D445.081.0248a04.01རྗེས་གསུངས། །རྡོ་རྗེ་ཡི་ནི་མཚན་ཉིད་མཆོག །དེ་ཡི་དོན་དུ་བཤད་ཀྱིས་ཉོན། །ཇི་ལྟ་བ་བཞིན་བཤད་པར་བྱ། །རྡོ་རྗེ་མི་ཕྱེད་ཞེས་ནི་གསུངས། །ཡེ་ཤེས་ལྔ་ཡི་བདག་ཉིད་མཆོག །རྩ་ལྔ་ཡི་ནི་ནམ་མཁར་རྟེན། །རྩེ་མོ་ལྔ་ཡི་རང་ངོ་བོ། །ས་དང་ཆུ་
D445.081.0248a05.01དང་དེ་བཞིན་མེ། །རླུང་དང་ནམ་མཁའ་ཉིད་དང་ནི། །རྩ་ཡི་ནམ་མཁའི་ཆ་ཡི་གཟུགས། །བླ་མ་བརྒྱུད་ལས་ཤེས་པར་བྱ། །ཨྃ་རྃ་ལྃ་བྃ་ཡྃ་ས་བོན། །བརྗོད་པ་རྩེ་ནི་ལྔ་རྣམས་ཏེ། །འབད་པ་ཡིས་ནི་ཤེས་པར་བྱ། །རྡོ་རྗེས་སྐྱེ་བའི་མཚན་ཉིད་ནི། །པདྨ་
D445.081.0248a06.01ལྟེ་བའི་དབུས་གནས་པ། །ཐིག་ལེར་བཤད་པ་འགྲོ་བ་མེད། །དམ་ཚིག་གནས་ནི་ཤེས་པ་དང་། །བདུད་རྩི་མཆོག་གིས་རབ་ཏུ་གང་། །རྣམ་པ་ཀུན་ལྡན་རྣམ་པ་མེད། །དེ་ནི་རྡོ་རྗེར་ཡོངས་སུ་གྲགས། །མེ་ལོང་མཉམ་ཉིད་ཡེ་ཤེས་དང་། །སོ་སོར་རྟོག་དད་
D445.081.0248a07.01