完整藏文原文 · 德格版页 当前仅加载第 81 函德格 250a 版页；藏文 NFD、目录标记与异常页序保留在来源切片中，重复版页行以稳定序号区分。
སྒྱུག་མོ་ནམ་མཁའ་ཆེན་པོའོ། །མངར་བར་གྱུར་པས་མ་དང་ནི། །སྐྱུར་བ་སྲིང་མོ་རུ་ནི་བརྗོད། །ཁ་བ་རང་གི་བུ་མོ་དང་། །ལན་ཚྭ་ཆུང་མར་ཡོངས་སུ་གྲགས། །བསྐ་བ་སྒྱུག་མོར་ཤེས་པར་བྱ། །ཚ་བ་མནའ་མར་ཡོངས་སུ་གྲགས། །དེ་དག་འབད་པས་འདོད་
D445.081.0250a01.01བྱ་ཞིང་། །དངོས་གྲུབ་འདོད་པས་བསྟེན་པར་བྱ། །ལས་ཀྱི་ཕྱག་རྒྱ་དབྱེ་བ་འདི། །དེ་ཡི་ཡོན་ཏན་བསྟེན་པའི་མཆོག །དམ་ཚིག་དེ་དང་རྟོག་པར་འཇུག །ཕྱག་རྒྱ་ཆེན་པོའི་བདེ་བ་ཆེ། །རྡོ་རྗེ་སེམས་དཔའི་གོ་འཕང་ཞི། །ཡེ་ཤེས་མཆོག་ནི་བླ་ན་མེད། །དེ་ལྟར་ཕྱག་རྒྱའི་གོ་
D445.081.0250a02.01འཕང་གསལ། །རྣལ་འབྱོར་མ་རྒྱུད་སྤྱོད་ཡུལ་ལོ། །རྣལ་འབྱོར་ཆེན་པོའི་རྒྱུད་དཔལ་རྡོ་རྗེ་ཕྲེང་བ་མངོན་པར་རྟོགས་པ་ལས་ཕྱག་རྒྱའི་དབྱེ་བ་རྒྱས་པར་བཤད་པའི་ལེའུ་སྟེ་བཞི་བཅུ་བཞི་པའོ།། །།དེ་ནས་གཞན་ཡང་ཡང་དག་བཤད། །ཕུང་སོགས་སྐྱེ་མཆེད་མཚན་ཉིད་
D445.081.0250a03.01ནི། །རྒྱལ་བ་རྒྱལ་ནི་གཟུགས་ཞེས་བཤད། །རྡོ་རྗེ་འཛིན་ནི་རྣམ་ཤེས་དང་། །རིན་ཆེན་འཛིན་ལ་ཚོར་བར་གསུངས། །འཁོར་བ་ལས་བརྒལ་འདུ་ཤེས་གསུངས། །ཤེས་རབ་འཛིན་ནི་འདུ་བྱེད་དང་། །དེ་ལྟར་ཕུང་པོར་རབ་ཏུ་གྲགས། །ས་ནི་གཏི་མུག་དགའ་མར་
D445.081.0250a04.01བཤད། །དེ་བཞིན་ཆུ་ནི་ཞེ་སྡང་དགའ། །མེ་ནི་ཆགས་ལ་དགའ་བ་དང་། །དེ་བཞིན་རླུང་ནི་རྡོ་རྗེ་དགའ། །ནམ་མཁའ་རྡོ་རྗེ་དབྱིངས་དབང་ཕྱུག །གཟུགས་ནི་གཟུགས་ཀྱི་རྡོ་རྗེ་དང་། །སྒྲ་ནི་སྒྲ་ཡི་རྡོ་རྗེ་སྟེ། །དྲི་ནི་དྲི་ཡི་རྡོ་རྗེ་དང་། །རོ་ནི་རོ་ཡི་རྡོ་རྗེར་བཤད། །རེག་བྱའི་རྡོ་རྗེ་
D445.081.0250a05.01རེག་བྱར་འགྱུར། །ཆོས་ཀྱི་དབྱིངས་ཀྱི་དབང་ཕྱུག་མ། །མིག་གཉིས་ས་ཡི་སྙིང་པོ་དང་། །རྣ་བ་ཕྱག་ན་རྡོ་རྗེ་དང་། །སྣ་ནི་ནམ་མཁའི་སྙིང་པོ་དང་། །ལྕེ་ནི་འཇིག་རྟེན་མགོན་པོ་དང་། །ལུས་ནི་སྒྲིབ་པ་རྣམ་སེལ་བརྗོད། །ཡིད་ནི་ཀུན་དུ་བཟང་པོ་དང་། །རྩ་ནི་བྱམས་པ་
D445.081.0250a06.01རུ་ནི་བརྗོད། །ཡེ་ཤེས་མཆོག་ནི་འཇམ་དཔལ་ཉིད། །ཁྱབ་པ་རུ་ནི་ཡང་དག་བཤད། །དེ་བཞིན་ལུས་ཀྱི་ཆོས་རྣམས་ནི། །ཁྲོ་བོ་བཅུར་ནི་ཡང་དག་བཤད། །དེ་ལྟར་ལུས་ཀྱི་དཀྱིལ་འཁོར་གསུངས། །ཕུང་པོ་ལ་སོགས་སྐྱེ་མཆེད་སོགས། །རྣལ་འབྱོར་གཉིས་མེད་མཆོག་
D445.081.0250a07.01