完整藏文原文 · 德格版页 当前仅加载第 63 函德格 296b 版页；藏文 NFD、目录标记与异常页序保留在来源切片中，重复版页行以稳定序号区分。
འགའ་སླད་དུ། །བསྐལ་བརྒྱར་སྡུག་བསྔལ་སེལ་བགྱིད་ན། །སེམས་ཅན་རྣམས་སླད་ཡུན་རིང་དུ། །འཁོར་བར་སྡུག་བསྔལ་བཟོད་པར་བགྱི། །སེམས་ཅན་ཡོངས་སུ་སྨིན་སླད་གནས། །དེ་འདྲའི་བསམ་དང་ལྡན་པ་ཡིས། །སེམས་ཅན་སྲིད་པའི་བསམ་པ་ཅན། །སེམས་ནི་བྱང་ཆུབ་བསྔོ་བགྱིད་སྩལ། །
D230.063.0296b01.01དེ་ནས་དཔལ་ལྷ་མོ་ཆེན་མོས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་ལ་བྲེ་བོ་ལོ་ཏོག་གིས་བཀང་བ་དེ་ཕུལ་ནས་སྨྲས་པ། གླིང་བཞི་པ་འདིའི་སེམས་ཅན་རྣམས་ཀྱི་ལོངས་སྤྱོད་དང་ཡོངས་སུ་སྤྱོད་པ་དག་གི་རྒྱུར་ས་བོན་དང་། ལོ་ཏོག་ཐམས་ཅད་འཕེལ་
D230.063.0296b02.01བར་བགྱི་བ་དང་། གྲུབ་པར་བགྱི་བའི་སླད་དུ་སྐྱེས་བུ་དམ་པ་ཁྱོད་ལ་ལྷུང་བཟེད་དབུལ་ལོ། །དེས་ན་དགེ་བའི་རྩ་བ་ཡང་དག་པར་ཆད་པ། མ་རུངས་པ། གཏུམ་པོ། དྲག་ཤུལ་ཅན་ཀུན་སྡུག་བསྔལ་ཐམས་ཅད་ལས་བསྒྲལ་བ་དང་། བྱང་ཆུབ་ཀྱི་ས་བོན་ལ་བཞག་པར་རྔོ་ཐོགས་
D230.063.0296b03.01སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་གིས་བྲེ་བོ་ལོ་ཏོག་གིས་བཀང་བ་དེ་བླངས་ནས་ཕྱོགས་བཅུར་བལྟས་ཏེ་འདི་སྐད་ཅེས་སྨྲས་སོ། །སངས་རྒྱས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་དང་
D230.063.0296b04.01བཅས་པ་ཐམས་ཅད་དགོངས་སུ་གསོལ། གང་གིས་གླིང་བཞི་པ་འདིར་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་དང་། སྨན་དང་། རོ་དང་། སའི་བཅུད་དང་། གཟི་བྱིན་དང་། སེམས་ཅན་གྱི་གཟི་བྱིན་དང་། དམ་པའི་ཆོས་ཀྱི་རོ་དང་། སྙིང་གུ་
D230.063.0296b05.01དང་། གཟི་བྱིན་དག་མི་ཉམས་ཤིང་འཕེལ་བར་བགྱིད་པ་དང་། དམ་པའི་ཆོས་ཀྱི་སྒྲོན་མ་དང་། དཀོན་མཆོག་གསུམ་གྱི་གདུང་རྒྱུན་མི་གཅད་པར་བགྱིད་པ་དང་། གང་གི་དེ་ལོངས་སྤྱོད་པ་དང་། ཉེ་བར་སྤྱོད་པ་ཐམས་ཅད་ཀྱིས་སེམས་ཅན་རྣམས་ཡོངས་སུ་སྨིན་པར་བགྱིད་པ་དང་།
D230.063.0296b06.01སྡིག་པ་ལས་ཟློག་པར་བགྱིད་པ་དང་། བྱང་ཆུབ་ཀྱི་སེམས་ལ་དགོད་པར་རྔོ་ཐོགས་པ་དང་། གང་གིས་འདིར་སེམས་ཅན་དེ་དག་ཐམས་ཅད་ཀྱིས་ངན་སོང་རྣམས་ཡོངས་སུ་སྤངས་ནས་མཐོ་རིས་ལ་གཞོལ་བར་འགྱུར་བ་དང་། གང་གིས་དཔལ་ལྷ་མོ་ཆེན་མོ་དེའི་བསམ་པ་ཡོངས་སུ་རྫོགས་
D230.063.0296b07.01