完整藏文原文 · 德格版页 当前仅加载第 63 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
སུས་ཀྱང་མི་ནུས་སོ། །དཔལ་ཆོ་ག་ཤེས་འོན་ཀྱང་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི་གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་ཀྱི་ཚིག་མདོར་བསྡུས་པ་དང་། དུས་གསུམ་གྱི་སངས་རྒྱས་བཅོམ་ལྡན་འདས་དེ་དག་ཐམས་ཅད་ཀྱི་དཀོན་མཆོག་གསུམ་
D230.063.0279b01.01གྱི་གདུང་གི་བྱིན་གྱི་རླབས་ཀྱིས་རྣམ་པར་འཕྲུལ་པ་དག་ཡོད་ཀྱིས། དཔལ་ཆོ་ག་ཤེས་ད་དེ་བཞིན་གཤེགས་པ་དེ་ལ་ཚིག་དག་ཞུས་ཤིག་དང་། ད་དེ་བཞིན་གཤེགས་པས་ཁྱོད་ལ་ཆུ་ཀླུང་ནོར་བུའི་གཞལ་མེད་ཁང་ཞེས་བྱ་བའི་གཟུངས་ཀྱི་ཚོགས་ཀྱི་རིག་སྔགས་དང་། གསང་སྔགས་
D230.063.0279b02.01ཀྱི་ཚིག་མདོར་བསྡུས་པ་དག་སྟོན་པར་འགྱུར་ཏེ། བདག་ཀྱང་རྗེས་སུ་ཡི་རང་ངོ་། །ཁྱོད་ཀྱིས་ཀྱང་བསམ་པ་ཐམས་ཅད་རྫོགས་པར་གྱིས་ཤིག །དེ་ནས་དཔལ་ལྷ་མོ་ཆེན་མོ་དང་། ལྷ་མོ་ཆེན་མོ་དབྱངས་ཅན་དང་། ལྷ་མོ་ཆེན་མོ་བརྟན་མ་དང་། ལྷ་མོ་ཆེན་མོ་འོད་བྱེད་དང་།
D230.063.0279b03.01ལྷ་མོ་ཆེན་མོ་གཟི་བརྗིད་ཅན་དང་། ལྷ་མོ་ཆེན་མོ་དགེ་ལྡན་དང་། ལྷ་མོ་ཆེན་མོ་ཏ་མ་ལའི་སྙིང་པོ་དང་། ལྷ་མོ་ཆེན་མོ་ཉི་མ་བདག་དང་། ལྷ་མོ་ཆེན་མོ་ཤེལ་ཅན་དང་། དེ་དག་ལ་སོགས་པ་ལྷ་གཞན་ཁྲག་ཁྲིག་འབུམ་ཕྲག་བརྒྱད་ཅུ་སྙེད་ཀྱིས་ཡོངས་སུ་བསྐོར་ཅིང་
D230.063.0279b04.01མདུན་དུ་བདར་ནས་སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་བཏུད་ནས་དཔལ་ལྷ་མོ་ཆེན་མོས་དེའི་ཚེ་ཚིགས་སུ་བཅད་པས་གསོལ་པ། སྤྱོད་པ་རྣམ་དག་དྲི་མའི་དྲི་མེད་པ། །ཉི་མས་ཉོན་མོངས་རྙོག་སེལ་བསྟན་དུ་གསོལ། །
D230.063.0279b05.01ཆུ་ཀླུང་གཟུངས་ཀྱིས་བདག་ཅག་སྐོམ་ལགས་ན། །བདེ་གཤེགས་གཟུངས་ཚོགས་ཞི་བགྱིད་བསྟན་དུ་གསོལ། །ཆུ་ཀླུང་རིག་སྔགས་གསང་སྔགས་ཚིག་རབ་མཆོག །ཐུབ་པ་རིན་པོ་ཆེ་ཡིས་བསྟན་དུ་གསོལ། །དེས་ན་རྙོག་ལྡན་ཀླུང་དག་དད་འགྱུར་བས། །ས་ཡི་བཅུད་
D230.063.0279b06.01རྣམས་སླན་ཆད་ཆབ་མི་འཚལ། །དུས་མིན་རླུང་དང་ཉི་མས་གདུངས་པ་དང་། །རྡུལ་དང་ཐན་ཆེན་ཆེན་པོ་ཞི་བགྱིད་ལ། །ལོ་ཏོག་འབྲས་བུ་སུས་ཀྱང་མདངས་མི་འཕྲོག །གང་དག་སྲུང་བར་འགྱུར་བ་བསྟན་དུ་གསོལ། །དེས་ན་ནད་མེད་དྲན་དང་ལྡན་པ་དང་། །
D230.063.0279b07.01