完整藏文原文 · 德格版页 当前仅加载第 63 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
འཕྲུལ་གྱི་རྐང་པ་བཞིས་རྣམ་པར་རྩེ་བ་མངོན་པར་ཤེས་པ་ཡང་ཡིན་ནོ། །སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་འགྲོ་བ་ལ་མཁས་པ་
D230.063.0271a01.01ཡང་ཡིན་ནོ། །སེམས་ཅན་རྣམས་ཀྱི་ལམ་གསུམ་པོ། ལས་ཀྱི་ལམ་དང་། ཉོན་མོངས་པའི་ལམ་དང་། སྡུག་བསྔལ་གྱི་ལམ་དག་སྐེམས་པར་ཡང་བྱེད་དོ། །འདོད་པའི་ཁམས་ལས་ཡང་དག་པར་འདའ་བར་ཡང་བྱེད་ལ། འདོད་པའི་ཁམས་དག་གཏོང་བར་ཡང་མི་བྱེད་དོ། །སེམས་
D230.063.0271a02.01ཅན་ཐམས་ཅད་ཡོངས་སུ་སྨིན་པར་བྱ་བའི་ཕྱིར་འགྲོ་བ་སྣ་ཚོགས་ཀྱི་སྐྱེ་བའི་ས་དག་སྟོན་པར་ཡང་བྱེད་ལ། མངལ་གྱི་ཉེས་པས་གོས་པར་ཡང་མི་བྱེད་དོ། །སེམས་ཅན་རྣམས་ཀྱི་ཉོན་མོངས་པའི་དྲ་བ་གཅོད་པར་ཡང་བྱེད་ལ། སེམས་ཅན་རྣམས་དམིགས་པར་ཡང་མི་བྱེད་དོ། །དཔལ་
D230.063.0271a03.01ཆོ་ག་ཤེས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་དབུགས་རྔུབ་པ་དང་། དབུགས་འབྱུང་བ་ཕན་ཚུན་མི་འདྲ་བ་ལ་ཇི་ལྟ་བ་བཞིན་རྟོག་པར་ཡང་བྱེད་ལ། འཕྲལ་འཕྲལ་དུ་དེ་ཤེས་པར་ཡང་མི་བྱེད་དོ། །དབུགས་རྔུབ་པ་དང་། དབུགས་འབྱུང་བའི་གཟུགས་ཉེ་བར་ལེན་པའི་
D230.063.0271a04.01ཕུང་པོ་དང་། དེ་བཞིན་དུ་ཚོར་བ་དང་། འདུ་ཤེས་དང་། འདུ་བྱེད་རྣམས་དང་། དེ་བཞིན་དུ་དབུགས་རྔུབ་པ་དང་། དབུགས་འབྱུང་བའི་རྣམ་པར་ཤེས་པ་ཉེ་བར་ལེན་པའི་ཕུང་པོ་དག་ལ་ཇི་ལྟ་བ་བཞིན་དུ་ཡང་རབ་ཏུ་ཤེས་ཤིང་དབུགས་རྔུབ་པ་ཡང་གཞན་ལ། དབུགས་འབྱུང་བ་ཡང་གཞན་ནོ། །
D230.063.0271a05.01དབུགས་རྔུབ་པ་སོ་སོ་ཡང་དག་པར་རིག་པ་ཡང་གཞན་ལ། དབུགས་འབྱུང་བ་སོ་སོ་ཡང་དག་པར་རིག་པ་ཡང་གཞན་ནོ། །དབུགས་རྔུབ་པའི་ཚོར་བ་དང་། འདུ་ཤེས་དང་། སེམས་པ་ཡིད་ལ་བྱེད་པ་ཡང་གཞན་ལ་དབུགས་འབྱུང་བའི་ཚོར་བ་དང་། འདུ་ཤེས་དང་།
D230.063.0271a06.01སེམས་པ་ཡིད་ལ་བྱེད་པ་ཡང་གཞན་ནོ། །དབུགས་རྔུབ་པའི་སེམས་པ་ཡང་གཞན་ལ། དབུགས་འབྱུང་བ་ཡང་གཞན་ནོ། །གང་གི་ཚེ་དབུགས་རྔུབ་པ་སོ་སོ་ཡང་དག་པར་རིག་པ་དེའི་ཚེ་དབུགས་འབྱུང་བ་སོ་སོ་ཡང་དག་པར་རིག་པ་མ་ཡིན་ནོ། །གང་གི་ཚེ་དབུགས་འབྱུང་
D230.063.0271a07.01