完整藏文原文 · 德格版页 当前仅加载第 63 函德格 287a 版页；藏文 NFD、目录标记与异常页序保留在来源切片中，重复版页行以稳定序号区分。
ཡིན་ནོ། །གང་དག་རྒྱལ་རིགས་གདོལ་པ་རྒྱལ་རིགས་ཀྱི་བསླབ་པ་ལ་མི་གནས་པ་དེ་དག་ནི་སེམས་ཅན་དམྱལ་བ་མནར་མེད་པའི་བར་ལ་གཞོལ་བ་ཡིན་ནོ། །ཀླུའི་བདག་པོ་ང་རང་གི་འཁོར་བསླབ་པ་ལས་མི་འདའ་བར་བསྟན་པ་དེས་ན་དེ་དག་ད་ལྟར་གྱི་དུས་དང་། མ་
D230.063.0287a01.01འོངས་པའི་དུས་སུ་ངའི་བསྟན་པ་དང་། དཀོན་མཆོག་གསུམ་གྱི་གདུང་མེད་པར་མི་བྱེད་པར་འགྱུར་རོ། །གསོལ་པ། བཙུན་པ་བཅོམ་ལྡན་འདས་དེ་ལྟ་ལགས་སོ། །བཙུན་པ་བདེ་བར་གཤེགས་པ་དེ་ལྟ་ལགས་སོ། །བཙུན་པ་བཅོམ་ལྡན་འདས་ཡུལ་འཁོར་གང་དང་གང་
D230.063.0287a02.01དག་ན་གྲོང་དང་། གྲོང་ཁྱེར་དང་། གྲོང་རྡལ་དང་། ལྗོངས་དང་། རི་བྲགས་ཀྱི་གནས་ཡུལ་འཁོར་དེ་ན་བཅོམ་ལྡན་འདས་ཀྱི་ཉན་ཐོས་ཚུལ་ཁྲིམས་དང་ལྡན་ཞིང་ཐོས་པ་མང་པོ་སྦྱིན་གནས་དེ་ལྟ་བུ་དག་གནས་ཤིང་མཆིས་པ་དེར་བདག་གི་འཁོར་གང་དག་ཀླུ་དང་། ཀླུ་མོ་དང་། ཀླུ་རྒན་
D230.063.0287a03.01པོ་དང་། ཀླུ་རྒན་མོ་དང་། ཀླུའི་བུ་ཕོ་དང་། ཀླུའི་བུ་མོ་དང་། ཀླུའི་འཁོར་ཕོ་དང་། ཀླུའི་འཁོར་མོ་རྣམས་དུས་མ་ལགས་པར་རྫི་ཆར་དང་། སེར་དྲག་དང་། ཆར་མོ་ཆེ་དང་། ཐན་ཆེན་དག་གཏོང་བར་བགྱིད་དམ། ལྷགས་མོ་ཆེ་དང་། ཤིན་ཏུ་ཚ་བ་དང་། ཉི་མས་གདུངས་
D230.063.0287a04.01པ་དག་འབྱུང་བར་བགྱིད་དམ། སེམས་ཅན་རྣམས་ཀྱི་ལོ་ཏོག་དང་། མེ་ཏོག་དང་། འབྲས་བུ་དང་། འབྲུ་དང་། སྨན་གྱི་རོ་དང་། ལོངས་སྤྱོད་དང་། ཡོངས་སུ་སྤྱོད་པ་དག་ཆབ་འཚལ་བར་བགྱིད་ན་ཀླུ་དེ་དག་གིས་བདག་བསླུས་པས་དེའི་ལུས་ཐམས་ཅད་འཁུམས་པར་གྱུར་ཅིག །
D230.063.0287a05.01དེ་དག་རྫུ་འཕྲུལ་དང་བྲལ་ནས་འགྲོ་མི་ནུས་པར་གྱུར་ཅིག །རིམས་ནད་ཀྱིས་གདུངས་པར་གྱུར་ཅིག །ལོངས་སྤྱོད་ཐམས་ཅད་དང་བྲལ་བར་གྱུར་ཅིག །སྤོབས་པ་མེད་པར་གྱུར་ཅིག །དོན་བྱེད་མི་ནུས་པར་གྱུར་ཅིག་ཅེས་མནས་བསྒག་པར་བགྱིའོ། །ཏདྱ་ཐཱ། ནཱ་ག་ཛན་དུ་
D230.063.0287a06.01ཤེ། ནཱ་ག་མེ་ནེ། ནཱ་ག་དྷ་ར་གཱུ་གྷྲ་གཱུ་གྷྲ། ཛ་ལ་གཱུ་གྷྲ། ཨ་བི་མཱ་ར་གེ། ས་ཧ་སྲ་མུ་ཁེ། ཀ་ལ་ཏི་མ་པུ་སེ། ནཱ་ག་སྟམ་བྷ་རི། ཛ་ཡ་བ་ཕ་ལེ། བི་མུ་ཤ་ཀྲཻ་སྭཱ་ཧཱ། ཐམས་ཅད་དང་ལྡན་པའི་འཁོར་གྱིས་དེ་ཉིད་དུ་ལེགས་སོ་ཞེས་བྱ་བ་བྱིན་ནོ། །དེ་ཉིད་ཀྱི་ཚེ་ཐམས་ཅད་དང་ལྡན་པའི་
D230.063.0287a07.01