完整藏文原文 · 德格版页 当前仅加载第 63 函德格 278b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ཤེས་རབ་དང་བྲལ་བ་དང་། ཚེ་ཐུང་ཞིང་ངན་སོང་དུ་འགྲོ་བ་དེས་ན་སེམས་ཅན་འདི་དག་ཐམས་ཅད་དེ་དག་གིས་ནི་ལོངས་སྤྱོད་དང་། ཉེ་བར་སྤྱོད་པ་ཐམས་ཅད་ཀྱིས་ཚིམ་པར་བྱེད་ཀྱང་མི་ནུས། ཡོངས་སུ་སྨིན་པར་བྱེད་ཀྱང་མི་ནུས་སོ། །འདི་ལྟར་སྐྱེས་བུ་དམ་པ་ཁྱོད་ནི་སངས་རྒྱས་
D230.063.0278b01.01ཐམས་ཅད་ཀྱི་ཆོས་ལ་རག་མ་ལུས་པར་ཤེས་ཤིང་མཁས་པ་ཁྱོད་ནི་ཏིང་ངེ་འཛིན་དང་། གཟུངས་དང་། བཟོད་པ་ཐམས་ཅད་ལ་རྣམ་པར་སྤྱོད་པ་ལ་མཁས་པའི་ཕ་རོལ་ཏུ་སོན་པ། སྙིང་རྗེ་དང་སྙིང་བརྩེ་བས་བརྒྱན་པ་མཁས་པ་ཆེན་པོ་ཤེས་པའི་ཕ་རོལ་ཏུ་སོན་པ་ཁྱོད་ནི་བྱང་ཆུབ་སེམས་
D230.063.0278b02.01དཔའི་ཚོགས་ཐམས་ཅད་ཀྱི་ནང་ན་རྒྱལ་མཚན་གྱི་མཆོག་ཏུ་གྱུར་པ་སེམས་ཅན་ཐམས་ཅད་ཡོངས་སུ་སྨིན་པར་བྱེད་པ་ཡིན་པས་ད་ཁྱོད་ཀྱིས་གླིང་བཞི་པ་འདིར་སྙིང་རྗེ་དང་སྙིང་བརྩེ་བ་དག་སྐྱེད་ཅིག །གླིང་བཞི་པ་འདི་ན་ཀླུ་ཁྲོ་བོ་དག་ཇི་ལྟར་བཟློག་པར་ནུས་པ་དང་། གནོད་སྦྱིན་དང་། སྲིན་
D230.063.0278b03.01པོ་དང་། ལྷ་མ་ཡིན་དང་། གྲུལ་བུམ་དང་། {ཡི་དགས་,ཡི་དྭགས་}དང་། ཤ་ཟ་ཁྲོ་བོ་དང་། ལུས་སྲུལ་པོ་ཁྲོ་བོ་དག་ཇི་ལྟར་བཟློག་པར་ནུས་པ་དང་། དེ་དག་ཅི་ནས་ཀྱང་དུས་སུ་ཆར་འབེབས་ཤིང་ཆུ་འབྱིན་པར་འགྱུར་བ་དང་། ལོ་ཏོག་ཕུན་སུམ་ཚོགས་པ་སྒྲུབ་པར་འགྱུར་བ་དང་། ཚ་བ་
D230.063.0278b04.01དང་། གྲང་བ་དུས་སུ་སྦྱོར་བར་འགྱུར་བ་དག་བློས་རྟོགས་ཤིག་དང་། གཞི་དེས་སེམས་ཅན་རྣམས་ཀྱི་ལོངས་སྤྱོད་དང་། ཉེ་བར་སྤྱོད་པ་མི་ཉམས་ལ་སའི་བཅུད་ཐམས་ཅད་ལ་ཡང་སྐྱོན་མེད་པ་དང་། ནད་མེད་པ་དང་། སྙིང་པོ་དང་ལྡན་པ་དང་། དྲན་པའི་རྒྱུ་རྐྱེན་དང་། ཞིམ་པ་
D230.063.0278b05.01དང་། དྲི་ཞིམ་པ་དང་། རོ་ཞིམ་པོ་ཕུན་སུམ་ཚོགས་པར་འགྱུར་རོ། །སའི་བཅུད་འདི་ལ་རྟེན་པའི་སེམས་ཅན་གང་དག་གི་ལོངས་སྤྱོད་དང་། ཉེ་བར་སྤྱོད་པ་ལ་ལོངས་སྤྱོད་པ་དེ་དག་ནི་ནད་མེད་པ་དང་། དྲན་པ་དང་ལྡན་པ་དང་ཞེས་བྱ་བའི་བར་དུ་སྔར་ཇི་སྐད་གསུངས་པ་
D230.063.0278b06.01ཡིན་ནོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སའི་སྙིང་པོས་དཔལ་ལྷ་མོ་ཆེན་མོ་དེ་ལ་འདི་སྐད་ཅེས་སྨྲས་སོ། །དཔལ་ཆོ་ག་ཤེས་བདག་གིས་ནི་སངས་རྒྱས་ཀྱི་ཞིང་འདི་ཐམས་ཅད་ཀྱི་འབྱུང་བ་ཆེན་པོ་མ་ལུས་པ་དག་ལྷའི་བདེ་བར་སྤྲུལ་ནས་འདིར་སེམས་
D230.063.0278b07.01