完整藏文原文 · 德格版页 当前仅加载第 63 函德格 267b 版页；藏文 NFD、目录标记与异常页序保留在来源切片中，重复版页行以稳定序号区分。
དཔལ་ཆོ་ག་ཤེས་ལེགས་སོ་ལེགས་སོ། །དཔལ་ཆོ་ག་ཤེས་ཁྱོད་ཀྱིས་གང་གི་ཚེ་ཆོས་བཞི་པོ་འདི་ལ་ཡོངས་སུ་རྫོགས་པར་སྤྱད་ཅིང་གོམས་པར་བྱས་ཀྱང་ཁྱོད་ཀྱིས་སེམས་ཅན་གཞན་དང་། གང་ཟག་གཞན་དག་གི་དོན་དུ་དེ་བཞིན་གཤེགས་པ་ལ་དོན་འདི་འདྲི་བར་སེམས་པ། དཔལ་ཆོ་ག་
D230.063.0267b01.01ཤེས་དེའི་ཕྱིར་ལེགས་པར་ཉོན་ལ་རབ་ཏུ་ཡིད་ལ་ཟུང་ཞིག་དང་བཤད་དོ། །བཙུན་པ་བཅོམ་ལྡན་འདས་དེ་ལྟར་འཚལ་ལོ་ཞེས་བྱ་བ་ནས། བཅོམ་ལྡན་འདས་ཀྱིས་འདི་སྐད་ཅེས་བཀའ་སྩལ་ཏོ་ཞེས་བྱ་བའི་བར་དུའོ། །དཔལ་ཆོ་ག་ཤེས་བྱང་ཆུབ་སེམས་དཔའ་སེམས་དཔའ་ཆེན་པོ་དག་
D230.063.0267b02.01བསམ་གཏན་དང་པོའི་ཕ་རོལ་ཏུ་ཕྱིན་པ་ཡོངས་སུ་སྦྱོང་ཞིང་སློབ་པ་ན་བསམ་གཏན་གྱི་ཡན་ལག་རྣམས་ཤེས་པ་དང་། འདོད་པའི་ཁམས་ལས་ཡང་དག་པར་འདའ་བ་དང་། ཡན་ལག་ལྔ་དང་ལྡན་ཞིང་ཡན་ལག་ལྔ་སྤངས་པ་དང་། རྫུ་འཕྲུལ་གྱི་རྐང་པ་བཞིས་རྩེ་བ་མངོན་པར་ཤེས་
D230.063.0267b03.01པ་དང་། སངས་རྒྱས་བཅོམ་ལྡན་འདས་དེ་དག་ཐམས་ཅད་ལ་མཆོད་པ་དང་། བཀུར་སྟི་བྱ་བ་དང་། དམ་པའི་ཆོས་མཉན་པའི་ཕྱིར་སངས་རྒྱས་ཀྱི་ཞིང་ཐམས་ཅད་དུ་གློག་ལྟ་བུའི་ཤུགས་ཀྱིས་འགྲོ་བ་ལ་མཁས་པ་དང་། སེམས་ཅན་རྣམས་ཀྱི་ལམ་གསུམ་པོ་ལས་ཀྱི་ལམ་དང་། ཉོན་
D230.063.0267b04.01མོངས་པའི་ལམ་དང་། སྡུག་བསྔལ་གྱི་ལམ་དག་བསྐམས་པ་དང་། བསྒོམས་པ་ལས་བྱུང་བའི་བསོད་ནམས་བྱ་བའི་དངོས་པོ་རྫོགས་པར་བྱེད་པ་དང་། བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་བྱེད་པ་དང་། དེའི་ཕ་རོལ་ཏུ་ཕྱིན་པ་དྲུག་པོ་ཡོངས་སུ་རྫོགས་པར་འགྱུར་བ་
D230.063.0267b05.01དང་། མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་བ་དག་ཇི་ལྟ་བུ་ཡིན་ཞེ་ན། དཔལ་ཆོ་ག་ཤེས་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཐམས་ཅད་ཀྱི་དང་པོར་དབུགས་རྔུབ་པ་དང་། དབུགས་འབྱུང་བའི་མཚན་མའི་
D230.063.0267b06.01དམིགས་པ་ཐམས་ཅད་ལ་སེམས་གཏོད་པར་བྱེད་དེ། དེ་གཡེང་བ་མེད་པའི་སེམས་ཀྱིས་དབུགས་རྔུབ་པར་བྱེད་དོ། །དབུགས་འབྱུང་བར་བྱེད་དོ། །དེ་དང་པོར་དབུགས་རྔུབ་པའི་སེམས་ཀྱིས་སེལ་བར་བྱེད་པ་དེ་དག་ནི་དེའི་རྣམ་པར་རྟོག་པ་ཡིན་ནོ། །དེ་ངེས་པར་འབྱུང་བ་ན་དབུགས་
D230.063.0267b07.01