完整藏文原文 · 德格版页 当前仅加载第 63 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ཚེ་རིང་བར་བྱེད་དོ། །ལོངས་སྤྱོད་འཕེལ་བར་བྱེད་དོ། །ལས་འཕེལ་བ་སྒྲོལ་བར་བྱེད་པའི་བར་དུ་བྱེད་དོ། །མྱ་ངན་ལས་འདས་པ་བླ་ན་མེད་པ་ལ་ཐུག་གི་བར་དུ་དགེ་བའི་ཆོས་ཐམས་ཅད་ཀྱིས་ཉམས་པར་མི་འགྱུར་རོ། །ཡོངས་སུ་ཉམས་པར་མི་འགྱུར་རོ། །ལ་ལ་ཞིག་གཟུངས་
D230.063.0281b01.01ཆེན་པོ་འདི་ཉན་ཏམ། ཀློག་གམ། སྒྲུབ་པར་བྱེད་ན་དེ་ཕྱིས་འགལ་བ་མེད་པའི་ཆོས་དང་། སྡོམ་པ་གསུམ་ལ་གནས་པར་འགྱུར་རོ། །དེ་ནས་བྱང་ཆུབ་སེམས་དཔའ་སའི་སྙིང་པོས་གསོལ་པ། བཙུན་པ་བཅོམ་ལྡན་འདས་འདིར་བདག་གིས་ཀྱང་མཚོན་ཆའི་སྟོབས་ཞེས་བགྱི་བའི་
D230.063.0281b02.01གཟུངས་ཆེན་པོ་བཤད་པར་བགྱིའོ། །མཚོན་ཆའི་སྟོབས་ཞེས་བགྱི་བའི་གཟུངས་དེས་སེམས་ཅན་རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་ཐམས་ཅད་ཀྱི་ཆེད་དུ་སའི་བཅུད་ཐམས་ཅད་ཉམས་པར་མི་འགྱུར་ལགས་སོ། །ཡོངས་སུ་ཉམས་པར་མི་འགྱུར་ལགས་སོ། །
D230.063.0281b03.01སའི་བཅུད་ཀྱི་མདངས་རྣམས་གང་གིས་ཀྱང་དབྲོག་པར་རྔོ་མི་ཐོགས་ལགས་སོ། །དབུགས་གདུག་པ་གཏོང་བའམ། བསྐམ་པར་ཡང་རྔོ་མི་ཐོགས་ལགས་སོ། །རྩུབ་པ་དང་། རོ་མ་མཆིས་པར་བགྱི་བར་རྔོ་མི་ཐོགས་ལགས་སོ། །ཉམས་པ་དང་མ་མཆིས་པར་བགྱི་བར་
D230.063.0281b04.01རྔོ་མི་ཐོགས་ལགས་སོ། །དོག་ས་ལས་ལོ་ཐོག་མི་འཁྲུང་བར་བགྱི་བར་རྔོ་མི་ཐོགས་ལགས་སོ། །རྩུབ་པ་དང་། རོ་མ་མཆིས་པར་བགྱི་བར་རྔོ་མི་ཐོགས་ལགས་སོ། །ལོ་ཏོག་གི་ས་བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། འབྲུ་
D230.063.0281b05.01དང་། སྨན་རྣམས་ཀྱི་མདངས་འཕྲོག་པར་རྔོ་མི་ཐོགས་ལགས་སོ། །དེ་ལ་དབུགས་གདུག་པ་གཏོང་བའམ། བསྐམ་པར་ཡང་རྔོ་མི་ཐོགས་ལགས་སོ། །རྩུབ་པའམ། རོ་མ་མཆིས་པར་བགྱི་བ་ཡང་རྔོ་མི་ཐོགས་ལགས་སོ། །མ་སྨིན་པ་རྣམས་ཆབ་སྩལ་བར་
D230.063.0281b06.01ཡང་རྔོ་མི་ཐོགས་ལགས་སོ། །ལྷགས་པ་དང་། ཚ་བ་དག་གིས་ཚིག་པ་དང་། འཚལ་དུ་མི་རུང་བར་བགྱི་བར་རྔོ་མི་ཐོགས་ལགས་སོ། །འཚལ་བ་ཙམ་གྱིས་སེམས་ཅན་ལ་ལའི་ལུས་ལ་དབུགས་གདུག་པ་གཏང་བར་རྔོ་མི་ཐོགས་ལགས་སོ། །གཞི་དེ་ལྟ་བུ་ལས་
D230.063.0281b07.01