完整藏文原文 · 德格版页 当前仅加载第 63 函德格 270a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དང་། སྙིང་རྗེ་ལ་སྦྱོར་བ་དང་། སྙན་པར་གྲགས་པ་དག་སྟེ། ཏིང་ངེ་འཛིན་དེ་ལྟ་བུ་དག་དང་ལྡན་པའི་སྦྱིན་གནས་སྣོད་དུ་གྱུར་པ། མཐོ་རིས་སུ་འགྲོ་བའི་ཡུལ་འཁོར་དེ་ནི་ཡོན་ཏན་དང་། ཕན་ཡོན་ཆེན་པོ་བཅུ་པོ་དེ་དག་གིས་རྒྱས་པར་འགྱུར་རོ། །རང་གི་དཔུང་དང་། གཞན་གྱི་
D230.063.0270a01.01དཔུང་དང་། ཆོམ་རྐུན་དང་། མི་རྒོད་དང་། {རི་དགས་,རི་དྭགས་}དང་། སྟག་དང་། སྦྲང་མ་དང་། ཤ་སྦྲང་དང་། ཕྱེ་མ་ལེབ་དང་། ཆར་ཆེས་པ་དང་། ཐན་ཆེས་པ་དང་། དུས་མ་ཡིན་པའི་རླུང་དང་། ལྷགས་པ་དང་། ཉི་མས་གདུངས་པ་དང་། ཚ་བའི་རེག་པ་དག་གིས་གནོད་པར་མི་འགྱུར་རོ། །
D230.063.0270a02.01ཡུལ་འཁོར་དེ་ས་གཞི་མཉམ་སྟེ། དགོན་པ་དང་གཅོང་རོང་མེད་དོ། །ཚ་བ་དང་ཁ་བ་མེད་དོ། །དེ་ན་ས་བོན་སྣ་ཚོགས་དག་འཕེལ་ལོ། །འབྲུ་དང་། སྨན་དང་། རྩྭ་དང་། ཤིང་དང་། ཤིང་ལྗོན་པ་དང་། ཆུ་དག་ཕུན་སུམ་ཚོགས་ཤིང་ཆུད་མི་ཟ་བར་འབྱུང་ངོ་། །དེ་ན་མེ་ཏོག་དང་། སྨན་
D230.063.0270a03.01དང་། འབྲུ་དང་། རོ་རྣམས་ཆུད་མི་ཟ་བར་ཕུན་སུམ་ཚོགས་པར་འགྱུར་རོ། །ཡུལ་འཁོར་དེར་ཡིད་དུ་མི་འོང་བའི་སྒྲ་དང་། ཕྱི་དགྲ་དང་། ནང་འཁྲུག་གི་དཔུང་དག་དང་། ལོ་ཉེས་དང་། ནད་དང་། དུས་མ་ཡིན་པའི་ནད་དང་། འཆི་བ་དག་མི་འབྱུང་ངོ་། །དེ་ན་སེམས་ཅན་རྣམས་ཚེ་
D230.063.0270a04.01རིང་ཞིང་ཁ་དོག་དང་ལྡན་ནོ། །བདེ་བ་མང་ཞིང་སེམས་ལ་རྙོག་མ་མེད་དོ། །རྩེ་དགའ་དང་མཚུངས་པར་ལྡན་ཞིང་ཆོས་སྤྱོད་ལ་མཐོ་རིས་དག་ལ་གཞོལ་ལོ། །ཡུལ་འཁོར་དེ་ན་སྦྱིན་གནས་སྣོད་དུ་གྱུར་པ་དག་རྣལ་འབྱོར་ཡིད་ལ་བྱེད་པ་དང་འཐུན་པར་མངོན་པར་དགའ་བ་དང་
D230.063.0270a05.01བཅས་པས་གནས་སོ། །དེ་ན་བཟའ་བཏུང་གི་ལོངས་སྤྱོད་མ་ཚང་བ་མེད་དོ། །འབྱུང་བ་ཆེན་པོ་ཡིད་དུ་འོང་བ་དག་གིས་བརྟན་ཏོ། །དབང་པོ་དང་ཁམས་དག་རྒྱས་ཤིང་མི་འཐུན་པ་མེད་དོ། །ཡུལ་འཁོར་དེ་ན་མི་རྣམས་དཔའ་ཞིང་དྲན་པ་དང་ལྡན་ལ། བྱམས་པ་དང་། སྙིང་རྗེ་དང་
D230.063.0270a06.01ལྡན་ཞིང་མཐོ་རིས་དག་ལ་གཞོལ་ལོ། །དཔལ་ཆོ་ག་ཤེས་ཡུལ་འཁོར་དེ་ཆོས་བཅུ་པོ་དེ་དག་གིས་ལེགས་པར་བརྒྱན་པ་ཡིན་ནོ། །དཔལ་ཆོ་ག་ཤེས་བྱང་ཆུབ་སེམས་དཔའ་རྣམས་ཀྱི་ལས་ཀྱི་སྒྲིབ་པ་ནི་འདི་ཡིན་ཏེ། ཐེག་པ་ཆེན་པོ་གཏོང་བ་དང་། སླུ་ཞིང་ཉན་ཐོས་ཀྱི་ས་ལ་
D230.063.0270a07.01